سياسي هولندي: عندنا بزاف ديال الحثالة المغربية ف هولندا

سبقلو تحاكم بتهم العنصرية ضد المغاربة، وحزبو مرشح للفوز بالاغلبية وتشكيل الحكومة ف هولندا!


Geert Wilders, a Dutch Nationalist Politician, Calls Moroccan Immigrants ‘Scum’
المصدر: AFP

الهولنديين بداو نهار 15 مارس بالتصويت ف إنتخاباتهم البرلمانية. واللي كتعرف مشاركة عدة أحزاب بتوجهات مختلفة.

من أهم هاد الأحزاب حزب الحرية اليميني, واللي كيقودو السياسي المشهور بأراءو المعادية للمهاجرين خيرت فيلدرز.

إستطلاعات الرأي كتبين أن الحزب من بين الحزبين المرشحين للحصول على أغلبية وتشكيل الحكومة.

كاين حثالة بزاف مغربية ف هولندا

أسابيع فقط قبل الانتخابات، خيرت فيلدرز خرج بتصريح لوسائل الاعلام العالمية. “ماشي كلهم حثالة، ولكن كاين حثالة بزاف مغربية ف هولندا، كتخلي شوارعنا غير آمنة”, قال فيلدرز باللغة الانجليزية، اللي كيهضرها بطلاقة.

ثم أضاف “ادا بغيتو استرجاع بلادكم، ادا بغيتو تخليو هولندا للهولنديين، بلادكم، مجددا، فما عندكم إلا حزب واحد.”

فيلدرز سبقلو تدان ف دجنبر من العام اللي فات, بسبب ترديد شعارات عنصرية ضد المهاجرين المغاربة خلال تجمع حزبي عام 2014.

زعيم حزب الحرية واعد الهولنديين بمنع الهجرة من الدول المسلمة –أبرزها المغرب–، وغلق مساجد هولندا ف حالة حصول حزبو على الاغلبية وتوليه رئاسة الحكومة.

ف هولندا كاين 380 ألف مواطن من أصول مغربية. وكيتعتبروا من أهم الجاليات الاجنبية ف هولندا مع الأتراك, واللي ما قدروش يندمحوا ف المجتمع المحلي.

معدلات الجريمة عند الشباب من أصول مغربية تعتبر الاعلى ف البلاد. الشي اللي جعل الامر من أهم النقط اللي تم اثارتها ف الحملة الانتخابية.

حسب دراسة من جامعة خرونكن، 54% من الشباب المغربي ف هولندا سبقلو تدان من طرف البوليس بجريمة أو أكثر، قبل ما يوصلوا ل23 عام.

الفيديو من الـNew York Times:

خلي صوتك

0 نقطة
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: بوليتيك

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…