دراسة: المغاربة تحولوا للكتابة بالدارجة ف الفيسبوك.

wel ktba hakka ma b9atch cool


تقرير خاص بشبكات الإعلام الاجتماعي ف منطقة شمال إفريقيا والشرق الاوسط –اللي كتصدرو كلية محمد بن راشد للإدارة الإلكترونية التابعة للجامعة الامريكية بدبي– كشف أن المغاربة ولاو كيستخدموا “اللغة العربية” ف الصوشل ميديا أكثر من اللغة الفرنسية.

الملفت في التقرير هو أن اللغة العربية تغلبت على اللغة الفرنسية ف فيسبوك لأول مرة من نهار تأسس موقع الفيسبوك –اللي تمت الدراسة عليه.

استعمال المغاربة للغة العربية –حسب تعبير التقرير– في الكتابة والتعليق والتفاعل عبر فيسبوك ارتفع من 32 إلى 69%. مقابل تراجع عدد مستعملي اللغة الفرنسية في تدويناتهم.

المدافعين على اللغة العربية والقوميين العرب فرحوا بالامر على أساس أنه انتصار للغة العربية الفصحى

المدافعين على اللغة العربية والقوميين العرب، من بينهم قناة الجزيرة، فرحوا بالامر على أساس أنه انتصار للغة العربية الفصحى ف المغرب. واعتبروه انه دليل على تشبت المغاربة الايديولوجي باللغة العربية.

لكن ف الواقع الامر ما كيتعلق لا بعربية فصحى لا بلغة فرنسية لا بأي إيديولوجيا أخرى. وإنما كيتعلق فقط بالحروف اللي كيكتبوا بيها المغاربة الدارجة، ولأسباب براكماتية كتتعلق ف الأغلب بالسلاسة وسهولة الاستعمال.

البحث ما فرقش بين المحتوى المكتوب بعربية فصحى وبين المكتوب بدارجة محلية ولكن بالابجدية العربية، واعتبر أي حاجة  مكتوبة بحروف عربية فهمو عربية فصحى دات بعد إيديولجي.

نفس الخطأ استعملوه ف اللغة الفرنسية. اعتبروا أي حاجة مكتوبة بحروف لاتينية فهي لغة فرنسية. بينما ممكن تكون دارجة ركيكة مكتوبة بحروف لاتينية.

من خلال متابعتنا للانترنت خلال الخمس سنين الاخيرة، كيبان انه كاين فعلا تحول من كتابة الدارجة بحروف لاتينية، نتيجة لصعوبات تقنية، الى الكتابة بالحروف العربية عن المغاربة.

من بعد ما انتشترت السمارتفونات وولى أي واحد يقدر يزيد الكلافيي العربية ويكتب بيها. الاغلبية تحولوا للكتابة بحروف عربية, نظرا للسهولة اللي كتعطي ف الدارجة.

لكن هاد التحول ما وقعش ف اتجاه العربية الفصحى، وإنما العكس.
لكن هاد التحول –عكس التقرير– ما وقعش ف اتجاه العربية الفصحى، وإنما العكس. الارقام ولو أن كل واحد كيفسرها كيف بغا. كتبقا إشارة مهمة للتحول اللغوي اللي كيعرفو الانترنت المغربي.
واللي ببحث بسيط، كيبان أنه غادي ف اتجاه الدارجة بحروف عربية ماشي العربية الفصحى.

خلي صوتك

1 نقطة
Upvote Downvote

Total votes: 3

Upvotes: 2

Upvotes percentage: 66.666667%

Downvotes: 1

Downvotes percentage: 33.333333%

عجبك المقال؟ بارطاجيه وما تنساش تدير J’aime للصفحة ف الفيسبوك!

كومنطي

تعليقات

المزيد ف: تك 💾

أهلا!

Sign in

نسيتي المودباس؟

ما عندكش كونط؟ تسجّل

Close
of

Processing files…