5 أشخاص كاينين ف كل حومة شعبية مغربية

وكيجعل المغرب حالة استثنائية ف العالم!


ادا قارنا الحي الشعبي المغربي الـ Standard مع باقي العالم, غادي نلقاو صفات بزاف اللي خاصة بينا. صفات اللي كتجعلو سبيسيال قدام الشعوب الاخرى.

هاد الصفات كتتظمن المعمار, التركبة البشرية وحوايج أخرى.

التركيبة البشرية كتبقا هي الاهم, حيت هي اللي كتعطي صفة التمغربيت. كاينة بهاد الصفات فقط ف المغرب وكتجعل الحومة المغربية نادرة ف العالم, هذي 5 نماذج:

1. داك الشارف اللي حاضي كلشي

كيكون غالبا خارج تقاعد من بعد شي 40 عام خدمة. كيفيق مع الفجر يصلي وكيشد أهم منطقة وكيبقا كيراقب شكون دخل وشكون خرج.

ف اللخر ديال اليوم كيكون عندو ملخص بكلشي. تماما بحال كاميرات المراقبة اللي كتكون ف المؤسسات.

2. اللي روفولي من اوروپا

كيكون ف اواخر التلاثينات ولا أوائل الاربعينات. حرك لاوروبا ف اواخر التسعينات ورجعوه للمغرب من بعد. غالبا عاش ف الطاليان وباع وشرا ف الغبرة وكيشوف الطاليانيين عنصرييين. ومازال لاصقين فيه بعض الكلمات الطاليانية.

ما يمكنش تريح حداه بلا ما يعاود لك على مغامراتو ف باليرمو ونابولي وكيفاش غلب عصابة رومانية من 20 واحد بوحدو وهو سكران.

3. اللي خدامة ف العمارات

حتا واحد ما كيعرف فاش خدامة بالضبط ولا فين. المهم كتلبس مزيان (تحديدا عبايات كحلة) والفلوس ديما كاينة. عندها هيبة ف الحومة. ما كاينش اللي كيزعم يهضر معاها.

شارية لخوها موتور كيقيل يدور بيه حدا الليسي. 

4. اللي ساكن ف الحبس..ومرة مرة كيزور الحومة

نهار كيخرج الدرب كلو كيسمع الخبار وبنادم كيدخل لدارو مع 6. كيكون داخل للحبس على الاقل 6 مرات, كلها ضرب وجرح.

من كثرة الدخول والخروج للحبس ولى كيزور الدرب غير اشهر معدودات. صحابو كاع ف الحبس. كيخرج يتوحشهم ويرجع.

5. البزناس/الكراب

من أهم مقومات أي حومة ف المغرب. هو المكلف بالحفاظ على الامن وسير الحياة الطبيعية. بلا بيه غادي تنوض حرب أهلية.

ف كل حومة مغربية كاين بزناس وكرّاب (ديال المشروبات الكحولية ماشي الما) كيعرفوه غير ناس محددة, تماما بحال المرشح ديال الانتخابات اللي 99% ما بقا شافوا. البزناس/الكراب كيبان غير ف المناسبات.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
2
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

5 أشخاص كاينين ف كل حومة شعبية مغربية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in