هاد السيد كيهضر 13 لغة, وغادي يعلمك كيفاش تتعلم اللغات من الافلام

ولا ما تحس بالفشل والاستسلام


كلنا عندنا لغة ما بغينا نتعلموها من مدة So bad ولكن مازال واحلين ف فعل To do ف الماضي. ف المقابل, كاين ناس اللي كيهضروا أكثر من 10 لغات أجنبية بطلاقة.

الـ Polyglot, كلمة من أصل يوناني معناها حرفيا متعدد الالسن — الانسان اللي كيهضر لغات بزاف من غير لغتو الام.

الـ Polyglots ما كيعرفوش يقولوا غير ” أهلا لاباس؟” بهاد اللغات, بل مستواهم فوق المتوسط وف لغات بزاف مستواهم أحسن من الـNative Speakers (لأنهم اطلعوا على جميع جوانب اللغة). ضابطين المعجم والقواعد والتراكيب وكل ما يتعلق باللغة.

العنوان فيه غادي يعلمك كيفاش تتعلم, ماشي غادي يعلمك اللغات ف حد داتها. اللغات حسب الـ Polyglot community ف الانترنت ما يمكنش شي واحد يعلمها لك, بل نتا الوحيد فقط اللي ممكن تتعلمها.

الافلام كيبقاو أفضل وسيلة لتعلم اللغات الاجنبية. أولا حيت مسلية ووسيلة ترفيه, تانيا: كتسمع فيها اللغة اليومية ديال الشعب اللي باغي تتعلم لغتو.

لكن للاسف الافلام لغتهم كتكون صعيبة للمبتدئين. كتكون سريعة وفيها اختصارات بزاف. غالبا من بعد أول محاولة كتفشل وتحس بالاستسلام وكتدير بناقص.

Luca Lampariello, الـ Polyglot اللي كيهضر 10 لغات بطلاقة عندو ليك 5 نصائح باش ما تطيحش ف هاد المشكل, وباش تستغل الافلام لتحسين لغتك بأحسن طريقة.

شكون هو لوكا لمبرييلو؟

لوكا نقدرو نعتبروه ثورة ف عالم ال Polyglotism أونلاين. غادي يغنيك على جميع مدارس تعلم اللغات اللي غادي تاخد من جيبك الاف الدراهم بلا فائدة. وهنا ما كنبالغوش.

طالياني, 33 سنة, بوكوص بحال كاع الطاليان, كيهضر 10 لغات أحنبية بطلاقة جدا. كاين فيديوات ديالو كيهضر فيهم باللغات الاجنبية ف حوار غير مكتوب وعفوي.

لوكا عندو مدونة وقناة ف اليوتوب. كيلوح فيهم بوسطات وفيديوات كيشرح فيها بالتفصيل الممل كيفاش دار حتا تعلم اللغات وشنو السر ديالو.

الخبر السيئ: الامر كيتطلب جهد ووقت بزاف.

الخبر الزوين: حسب لوكا حتا نتا تقدر تولي بحالو كتهضر 10 لغات.

الامر فقط كيبغي تغير طريقة تعلمك وتتبع نظام معين. ف مدونتو كيشرح بالتفصيل كيفاش. مثلا, كيفاش تدير تتفرج ف الافلام باللغة اللي باغي تتعلم وما تحسش بالديسكوردج.

هذي 5 نصائح باش تتعلم اللغات من الافلام حسب لوكا وبلا ما تحس بداك الاحساس ديال الاستسلام ملي ما تفهم والو:

1. البلاصة والمحيط فين كتتفرج

البلاصة والمحيط فين كتتفرج كيلعب دور كبير بزاف. م يمكنش تتفرج ف الصداع وتتوقع انك غادي تستافد ولغتك غادي تتحسن.

طريقة الفراجة حتا هي كتلعب دور. ديما تفرج ف شاشة اللي مريحة ومناسبة لعينيك.

2. تفرج ف فيلم اللي ديجا عارف قصتو

ما تفرجش ف فيلم قصتو معقدة ونتا ما عارف عليها حتا فكرة. ديما تفرج ف الافلام اللي ديجا مفرج فيها باغتك الام وعارف قصتها والاحداث فيها.

الفراجة فيها مرة أخرى بلغة اجنبية ماغاديش يكون ممل, بل غادي تعاود تكشتفو من جديد, ولكن بطريقة اخرى.

هكا غادي تقدر تستوعب الحوارات باللغة الهدف أسهل حيت ديجا عندك عليها فكرة. غادي تفهم من السياق.

3. ديما استعمل الـ subtitles باللغة الهدف

ايلا باغي تتعلم اللغة الانجليزية ومستواك متوسط ولا غادي للمتوسط, ديما استعمل الـ Subtitles بالانجليزية.

ملي تحس براسك ما فهمتي والو ركز فيهم, وملي تحس بأنك فاهم تجاهلهم. السبتايتلز غادي يعاونوك تتعود على نطق الكلمات ف سياق عادي.

4. استعمل ورقة ولا نوتبوك حداك

ما تعولش على الداكرة تعقل على كلشي. عقلك ماشي كمبيوتر. غادي تحتاج لورقة وستيلو حداك باش تكتب الكلمات والتعابير الجديدة اللي تارت انتباهك.

كيفما كيقول المتل اللاتيني: “verba volant, scripta manent“, بمعنى: الهضرة كتطير, الكتابة كتبقا! الكلمات المكتوبة عندها نسبة اعلى انك تبقا عاقل عليها مقارنة باللي غير مكتوبة.

كذلك, كتابة الكلمة ولا التعبير بيدك على ورقة غادي يهيئ عقلك لأنه يستوعبها أكثر.

5. قسّم الفيلم لعدة فقرات

الافلام طويلة بزاف. أغلبها فوق الساعة, مدة طويلة لعقلك باش يبقا مركز دك المدة كلها. لذلك قسّم الفيلم لعدة فقرات.

كل فقرة تفرج فيها ملي تكون مرتاح وعقلك خاوي وف نهارو. ما تتفرجش ف الفيلم دقة واحدة, حيت عقلك غادي يعيا وغادي تستسلم.

قسم الفيلم للفقرات اللي كتشوف راسك مرتاح فيها. سواءا 10 دقايق ولا 30 دقيقة.

كومنطي

تعليقات


شنو ردة فعلك؟
كيوت كيوت
4
كيوت
هاهاها هاهاها
1
هاهاها
جيم جيم
3
جيم
أو إم دجي أو إم دجي
6
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
2
ديسلايك
لايك لايك
1
لايك

هاد السيد كيهضر 13 لغة, وغادي يعلمك كيفاش تتعلم اللغات من الافلام

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in