6 مسلسلات بريطانية خاصك تتفرج فيها ف 2018

باش تستمتع باللكنة واللايفستايل البريطاني


ايلا كنتي مبلي بالمسلسلات بحالنا فغادي تكون ما كتلقاش الوقت باش تتفرج ف جميع الحلقات اللي مطيليشارجي. ف العشر سنين الاخيرة كاينة ثورة كبيرة ف الانتاج الدرامي الامريكي. العرض أكبر بزاف من الطلب.

إنتاجات بزاف والنهار فيه فقط 24 ساعة للأسف. ما تقدرش تتفرج ف كاع اللي عجبك.

لحسن الحظ, ولسوء الحظ كذلك, الدراما الامريكية ماشي بوحدها اللي كاينة ف السوق. الدراما البريطانية تابعاها من ناحية الجودة والانتاج. إنتاجات بزاف تستاهل المتابعة والاهتمام, خصوصا إدا عزيزة عليك اللكنة البريطانية.

ف نيووز. جمعنا لكم 6 مسلسلات بريطانية كنشوفو أنه خاصك تتفرج فيها ايلا مازال ما تفرجتي. 6 مسلسلات اللي لا تقل جودة ولا إبداعا على إنتاجات أمريكا.

 

1. Sherlock

شكون فينا ما قراش قصص شرلوك هولمز؟! (ايلا مازال اجري راك مضيع بزاف). سلسلة الكاتب البريطاني Sir Arthur Conan Doyle من أروع ما تكتب ف الادب البوليسي على الاطلاق.

ادا بغينا نحولو القصة لمسلسل بلا ما نخسرو روعتها فما غاديش نلقاو أحسن من مسلسل شرلوك اللي دار بطولتو Benedict Cumberbatch و Martin Freeman (غالبا غادي تعرفو من Fargo)

مسلسل من 4 مواسم, كل موسم فيه 3 حلقات, غادي يجرك من المغرب ف 2018 ويديك لـ 221B Baker Street ف لندن نهاية القرن 19.

2. Downton Abbey

مسلسل كيدور حول حياة عائلة Crawley الارستقراطية خلال بداية القرن 20. ايلا عزيزة عليك اللكنة البريطانية واللايفستايل البريطاني, هذا هو المسلسل اللي غادي يعجبك.

المسلسل من 6 مواسم, كل موسم فيه 9 حلقات من  حوالي 55 دقيقة.

المسلسل رغم أنه كيبان ممل, لكن it’s anything but that! عامر أحداث وتشويق.

3. Luther

ادا عزيز عليك الممتل Edris Elba هاد المسلسل غادي يعجبك كتر. كيمتل دور Detective بوليسي بريطاني عصبي بزاف كيستكشف الطبيعة البشرية السوداوية عن طريق خدمتو.

المسلسل من إنتاج الـ BBC –بحال أغلب الانتاجات البريطانية الواعرة– أول حلقة تم بثها عام 2010.

دابا ف الحلقة التانية من الموسم الرابع. مسلسل عامر تشويق ودراما, وطبعا, لكنة بريطانية!

4. Doctor Who

مسلسل دكتور هو من أطول المسلسلات ف التاريخ. من 1963 وهو خدام. ف اللول من 1963 لـ 1989. والنسخة الحالية بدات عام 2005. فيه حاليا 26 موسم, من إنتاج الـ BBC.

المسلسل ولى جزء من الهوية البريطانية. كلشي فيه بريطاني, من اللكنة حتا للمواضيع اللي كيناقش.

القصة كتدور حول The Doctor, عالم كيسافر عبر الزمكان باش يحل المشاكل, عبر الة السفر عبر الزمن ديالو TARDIS.

 

5. Line of Duty

باغي شي حاجة Crime ولكن ما باغيش إنتاج أمريكي؟ ما غاديش تلقا أحسن من Line of Duty.

المسلسل من إنتاج 2012 من طرف الـ BBC كذلك. فيه 4 مواسم, اللول دايرة أحداثو ف برمنغهام, والبقية ف مدينة بلفاست.

6. Peaky Blinders

مسلسل بدا يلقا شهرة ف الويب المغربي مؤخرا رغم أنه بدا ف 2013. الاحداث كتدور عام 1919 ف بريطانيا بعد الحرب العالمية الاولى.

البلاد كانت كتعيش أصعب فتراتها والمجتمع مرون. فقر, جريمة وبؤس. Peaky Blinders عصابة غادي تلقا الفرصة مناسبة باش تحكم شوارع البلاد.

المسلسل وصل للحلقة السادسة من الموسم الرابع. مازال مستمر لموسم آخر على الاقل.

 

 

طبعا, فلتولنا مسلسلات بريطانية بزاف تستحق المشاهدة, هذاك علاش بغيناك تخليها لنا ف تعليق!

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
2
لايك

6 مسلسلات بريطانية خاصك تتفرج فيها ف 2018

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in