4 حوايج خاصك تديرها باش 2018 ما تكونش بحال 2017

وما ترجعش تندم ف شهر 12


بلا شك داك اللائحة ديال الاهداف اللي درتي ف أواخر 2014 مازال كيفما كانت. ما حققتي منها حتا هدف. ما تقلقش, الملايين بحالك حول العالم. ان عمت هانت!

صعيب الانسان يخرج من الروتين ويحقق الاهداف اللي بغا. الكسل غريزة بشرية وصعيب نكسروها.

ف شهر دجنبر 2018 غالبا غادي ترجع لنفس النقطة وتلقا راسك ما حققتي وال, ذلك كاين حوايج بسيطة تقدر تديرها باش ما تحسش بداك تأنيب الظمير والاكتئاب اللي كنحسوه آخر كل عام, هذي أهمها:

1. تعلم لغة جديدة

Photo by Romain Vignes on Unsplash

تعلم لغة جديدة من الديبار حتا للفصاحة تجربة مرهقة وطويلة بزاف. ما كنطلبوش منك تولي فصيح ف اليابانية خلال 2018.

لكن تعلم اساسيات لغة جديدة وكيفاش تقول جمل اللي غادي تسلكك ايلا تحطيتي ف شي موقف برا, أمر يستحق المحاولة والتجربة.

تعلم لغة جديدة –واخا كـ beginner– أمر غادي يعطيك احساس بالرضى عن النفس وبأنك درتي شي حاجة مفيدة خلال هاد العام. بلا ما نهضرو على احساس انك تسمع جملة من Native speaker وتفهمها. إحساس خاصك تجربو.

ب س: جمل تخصار الهضرة ما محسوباش.

2. اهتم بصحتك أكثر

ساهلة بالهضرة صعيبة ف الواقع. لكن الامر يستاهل بزاف. الجري مثلا نص ساعة 2 مرات ف الصيمانة غادي ينفعك بزاف على المدى البعيد.

لاصال –ولو غير لاشهر قليلة– غادي تحسّن صحتك وتخلّيك تشوف الامور بشكل جديد. عدة دراسات لقات علاقة بين الـ Exercising وانخفاض أعراض الاكتئاب, زيادة التقة ف النفس, وعدة حوايج أخرى صحية سواءا نفسيا ولا جسديا.

ماشي ضروري توصل لداك الفورمة المثالية, المهم تستافد من فوائد لونطريما المتعددة.

3. دير أصدقاء جداد

ماشي حيت صحابك الحاليين خايبين, ولكن التجديد مزيان وكيحيد الروتين.

التعرف على أصدقاء جداد كيخلي حياتنا أحسن حسب ما بينت عدة دراسات. من الافضل يكونوا أصدقاء من مستوى (حسب ف آشمن مجال بغيتي) أحسن منك. هاد الشي غادي يدفعك عن لاوعي تحسن من نفسك.

4. حسن مستواك الدراسي\المهني

Photo by Andrew Neel on Unsplash

مهما كان صاليرك ولا مستواك الاكاديمي, ديما كاين فين تزيد تتحسن. سواءا بالاجتهاد أكثر أو بتجربة مجال آخر.

طبعا النتائج ماغاديش تبان بين عشية وضحاها, لكن ف 29 ديسمبر 2018 ما غاديش تندم أنك ما درتي والو. بل غادي تحس أنك درتي مجهود, سواءا نجحتي ولا لا.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
1
هاهاها
جيم جيم
1
جيم
أو إم دجي أو إم دجي
2
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

4 حوايج خاصك تديرها باش 2018 ما تكونش بحال 2017

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in