5 Dos و Donts باش تدير CV إحترافي

واللي يخلق الفارق!


السيفي هو مراية ديال شخصيتك المهنية. هو اللي كيخلق الفارق ملي كيكونوا المهارات والشواهد متساوية.

سيفي أنيق ومنظم غادي يعاونك تتثير انتباه المسؤول على الموارد البشرية وتاخد البوسط اللي بغيتي ونتطلق ف الكاريير ديالك.

ف نيووز. دخلنا لـ Independent Jobs, المدونة ديال صحيفة Independent, وجمعنا لكم 5 أهم Dos و Donts خاصها وما خاصهاش تكون ف الـ CV ديالك:

الـ Dos:

1. دير السيفي خصيصا للبوسط (أو الدومين)

كل بوسط مطلوب فيه مهارات وحوايج معينة.

السيفي اللي عندك ديجا غالبا ما كيغطيهاش. غالبا درتيه فقط باش يكون عندك سيفي. هذا علاش خاصك تدير سيفي جديد كيغطي النقط اللي مطلوبة ف البوسط أو الدومين اللي بغيتي بصفة عامة.

2. تأكد السيفي ما عامرش بزاف وساهل للقراءة

تأكد أنك كتستعمل أحجام وألوان متناسقة.

العناوين المهمة بخط كبير وغامق واللي أقل أهمية بخط أصغر وفاتح.

كذلك ما تنساش تخلي مساحة بيضاء بين كل فقرة. المسؤول على قراءة السيفيات عادة غير كيسكاني الورقة بعينيه بحثا على آش بغا.

خاصو يلقا ورقة منظمة وما يتلفش. يلقا Blocks ديال النص مفرقة بشكل منطقي.

ادا ما عندكش فكرة على نظرية الالوان, اكتفي فقط باللون الكحل والرمادي على خلفية بيضاء. ما تستخدم حتا لون آخر من غيرهم حيت غادي يبان بشع.

3. المعلومات المهمة ديما ف الاعلى

أهم نقطة للبوسط اللي بغيتي خاصها تكون ف الأعلى ماشي التحت. ديما ف السيفي دير هاد الترتيب –ما تستعملش الترتيب الزمني. الأهم الفوق والأقل أهمية التحت واخا يكون التيب الزمني معكوس.

4. استعمل لغة إيجابية وعامرة حيوية

خدمتك السابقة كانت مملة وكئيبة وكرهتيها؟ ما تدكرش هاد الشي. أكتب على التجربة بنبرة إيجابية. قلب أونلاين على الـ Adjectives الايجابية ايلا ما عندك حتا فكرة.

5. تعريف مختصر على كل تجربة

التعريف ديال التجربة خاصو يكون مختصر. ما تكتبش مقال طويل. فقرة من 100 كلمة ف المعدل فيها الاهم بلغة إيجابية.

وكيفما قالوا المغاربة قديما: الزيادة من راس الحمق.

الـ Donts:

1. ما تزيد حتا معلومة اللي عليها خلاف (سياسة, دين, كورة….)

المعلومات على المواضيع الحساسة واللي عليها خلاف ونقاش ما تدكرهاش. ما تدكر والو عندو علاقة بالدين, السياسة, الكورة.. أو أي حاجة أخرى اللي ممكن تختلف فيها مع الاخرين.

هاد الامور خلّيها لراسك. السيفي دكر فيه فقط المعلومات المهنية والاكاديمية المهمة.

2. ما تدكر حتا معلومة سلبية على حياتك

سبقلك طلقتي؟ كنتي مدمن على المخدرات وتعافيتي؟ رغم أن الامر يقدر يتخاد كمجاح ف حياتك, لكن ماشي كلشي غادي يشوفها هكا.

ما تدكرش هاد المعلومات اللي ممكن تتشاف سلبيا.

3. ما تدكرش الصالير ولا الهدف ديالك ف البوسط

الصالير عمرك تدكرو ف السيفي. كذلك ما تدكرش أنك باغي تستولي على الشركة

4. ما تفوتش ف السيفي 2 صفحات

واخا تكون عندك أكثر من شهادة جامعية وانجاز ف الحياة ما تدكرهمش ايلا ما كانت عندهم علاقة بالبوسط اللي باغي تخدم فيه. ركز فقط ف الشواهد والمهارات اللي غادي تنفعك ف البوسط اللي بغيتي.

الشي لاخور غادي غير يعمّر لك المساحة ويشتت الانتباه على الاهم.

2 صفحات هو الحد الاقصى لطول السيفي. المسؤول على الموارد البشرية ماغاديش يقرا 4 صفحات وهو عندو 30 سيفي آخر غيرك.

5. ما تستخدمش الـ Jargon وكلمات خاصة بالدومين

ما تستخدمش كلمات تقنية خاصك بالدومين ديالك ف السيفي, حيت اللي غادي يقرا السيفي ماشي بالضرورة متخصص. ممكن الكلمات التقنية والاختصارات يدوخوه.

خلي اللغة المستعملة أبسط مناسبة للجميع بغض النظر على تخصصهم ولا دومينهم.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
1
هاهاها
جيم جيم
1
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

5 Dos و Donts باش تدير CV إحترافي

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in