3 إنجازات للرياضة المغربية عام 2017

رجعت لنا الأمل ف الرياضة ف المغرب!


من بعد سنين ديال الإخفاقات الرياضية المتتالية. عام 2017 كان إستثناء للرياضة المغربية.

من بعد ما فقدوا بزاف ديال المغاربة الأمل ف الرياضة المغربية وصافي ستسلموا باللي ما عندنا رياضة ف البلاد, عام 2017 بين لنا العكس, وباللي مازال قادرين ننافسو قاريا ونحققو النتائج وف عدة رياضات.

هذي أهم 3 إنجازات حققتها الرياضة المغربية عام 2017:

1. تأهل المنتخب لكأس العالم من بعد غياب 20 عام

آخر مرة المنتخب تأهل لكاس العالم, نسبة مهمة من مستعملي الفيسبوك اليوم كانوا مازال ف ليكوش ولا مازال ما تزادوا أصلا.

آخرة مشاركة للمنتخب الوطني ف كاس العامل كانت عام 1998 ف فرنسا. النتيجة كانت مخيبة ومصحوبة بطعم الظلم والـ Helplessness.

من داك العام ما قدر المنتخب يوصل لكاس العالم رغم الوصول لنهائي كاس إفريقيا عام 2004.

عام 2017 غادي يجي الفرج. المنتخب المغربي غادي يتأهل لكاس العالم من بعد أداء أسطوري وإمتاع كروي. أول مرة من بعد غياب 20 عام.

2. فوز الوداد بدوري أبطال إفريقيا

آخر دوري أبطال إفريقيا لفريق مغربي كان عام 1999 من طرف الرجاء. تقريبا 20 عام ما قدر شي فريق مغربي يربح أهم منافسة إفريقية لكرة القدم ديال الأندية.

عام 2017 الوداد غادي تحيد هاد العكس. وضد شكون؟ ضد أكثر فريق عندو لقب الـ Champions League ف إفريقيا. ضد فريق الأهلي المصري, اللي عصبة الابطال عندو بحال ماتشات الدوري المحلي ف السنين الاخيرة.

3. فوز جمعية سلا بكاس إفريقيا للأندية البطلة

الباسكط ربما ما عندهاش نفس الشعبية ف المغرب بحال الكورة. لكن ف المرتبة التانية ف الرياضات الجماعية.

جمعية سلا ربحت هاد العام كاس إفريقيا للأندية البطلة. كاس إفريقيا للأندية هو أهم مسابقة قارية كاينة ف الباسكط ديال الفراقي ف القارة.

الطريقة اللي ربحت بيها الـ ASS (نتمناو أنك ما كتفهمش الانجليزية) كتجعلو أغلى وأهم.

ماتش النهاية تلعبت ف تونس العاصمة ضد فريق رادس (حي من العاصمة), النجم الرادسي, اللي كانت معاه الالاف من جماهيرو. الجمعية كانت خاسرة بنتيجة كبيرة ف كرة السلة. ف الربع الاخير قدرت ترجع ف النتيجة وتقلب الطاولة وتجيب الكاس للمغرب.

الانجاز كيفكرنا ف إنجاز آخر للرياضة المغربية. ملي الرجاء لكرة القدم جابت الـ Champions League من رادس ضد الترجي.

نتمناو 2018 تكون عامرة حتا هي بإنجازات أكثر. خصوصا بالنسبة للمنتخب اللي غادي يلعب ف مجموعة صعيبة ف كاس العالم.

 

كاين شي إنجاز ف شي رياضة أخرى ما دكرناهش؟ خليه لنا ف تعليق!

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

3 إنجازات للرياضة المغربية عام 2017

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in