هاد القضية كلنا كنديروها باش نحافضو على الباتري — لكن أثرها عكسي

وغير كتزيد تديشارجيه


حتا واحد ما كره الباتري ديال سمارتفونو يبقا مشارجي لأطول فترة ممكنة. يتديشارجا سمارتفونك ونتا برا بلا شارجور من أسوء الكوابيس اللي كتخلع جيلنا.

من الطرق اللي كيديروا بزاف ديال الناس, ومنهم حنا, باش يحاولوا يحافظوا على الباتري, وما يتديشارجاش بالزربة, هي كيسدوا كاع الـ Apps  اللي خدامة ف الـ background (الـ multitâche). كيديورا Force stop للتطبيقات اللي ما خدامينش بيها.

@Chris Phillips

هاد القضية عادة كيديروها مستعملي الايفون وأندرويد على حد سواء. لكن للأسف, الامر ماشي بهاد البساطة.

ف الحقيقة, هاد الامر كتكون عندو نتائج مغايرة تماما وعكسية. لانه ملي كتقتل الـ App اللي خدام ف الخلفية (الفيسبوك مثلا), وكل خمسة الدقايق كتعاود تلونصيه باش تطل، فنتا هما كتستهلك طاقة اكثر من كون غير خليتي الـ App حدام ف الـ background.

علاش هاد الشي؟

حيت نظامي أندرويد والـ iOS بـ 2 مصممين باش ياخذوا بعين الاعتبار هاد الامر. وعندهم تعامل ذكي مع التطبيقات اللي ف الـ background.

ببساطة الـ App اللي شافوك ما خدمتيهاش كتسجل ف Ram وصافي, ما كتبقاش تستهلك الطاقة كيفما كنعتقدو. وحتى الا عاودتي لونصيتيها ما كتعاودش تشارجا من جديد لانها ديجا مسجلة ف الداكرة. كتربح الوقت والطاقة مرة أخرى.

بل أنه واخا تحل حتا 120 تطبيق ف الخلفية ما عندها حتا تأثير على الباتري، بالعكس فاش كتسدهوم باش تحاول على الباتري راك غير كتزيد تخوي الباتري.

بتعبير أبسط: 

ملي كتدير Force stop للـ App ديال الفيسبوك وكل 5 دقايق ترجع تطل على الـ Notifications, هكا كتكون كتخوي الباتري أسرع من كون خليتي الـ App خدام عادي.

Force Stop ديرها فقط للتطبيقات اللي كتاكل بزاف ديال الرام وكتقل لك السمارتفون. على مستوى الباتري, الامر عندو نتائج عكسية.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
1
هاهاها
جيم جيم
0
جيم
أو إم دجي أو إم دجي
3
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
3
لايك

هاد القضية كلنا كنديروها باش نحافضو على الباتري — لكن أثرها عكسي

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in