هاد الاب صلّع باش يساند بنتو المريضة — النتيجة حرّكت مشاعر الملايين حول العالم

الفيديو غادي يخليك باغي تولي أب So bad!


المرض أصعب حاجة ممكن تصيب الانسان, خصوصا الاطفال. اللي كيحتاجو عناية ومساندة نفسية أكبر.

فيديو ديال أب أمريكي كيصلّع راسو بطوندوز قدام المراية دار البوز مؤخرا وحرّك مشاعر الملايين حول العالم.

الفيديو تنشر خلال بوست على كونط مرتو ف الفيسبوك فيه 2 فيديوات وكابشن كتعاود فيه على حوار دار مع بنتها, واللي قالت لها فيه باللي“I don’t love myself because I don’t have hair!”.

Riley, الطفلة, كتعاني من Alopecia, مرض كيأدي للصلع, واللي معروف ف المغرب بالتونية. شعرها كلو طايح.

ملي الاب رجع من الخدمة بالليل, الام عاودات ليه الحوار وشنو قالت بنتو على نفسها.

Dave, الاب, 41 سنة, غادي يهضر مع رايلي حول الامر وكيفاش أنه كيبغيها واخا بلا شعر. ويسولها ف اللخر واش بغاتو حتا هو يصلّع, غادي تجاوب بالايجاب, غادي يمشيو للحمام, يجبد الطوندوز ويبدا يحسّن شعرو.

رايلي فجأة ملامحها الحزينة غادي تتغير لابتسامة عريضة واضحة. غادي تعاون بيدها باباها يصلّع راسو.

الفيديو فيه 2 دقايق و 6تواني. تشاف 111 ألف مرة ف البوسط الاصلي, وملايين المرات ف باقي المواقع والصفحات.

هذا الفيديو الكامل من البوسط الاصلي ديال الأم:

ف نيووز. شفنا مئات –ايلا ماشي الاف– الفيديوات المشابهة, لكن هذا كيبقا أكثر حاجة cute شفنا لحد الان.

Dave يستاهل لقب أب سنة 2017 بدون منازع for making us wanna become father so bad!

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

هاد الاب صلّع باش يساند بنتو المريضة — النتيجة حرّكت مشاعر الملايين حول العالم

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in