هذي أهم 6 مسلسلات غادي تبدا عام 2018

مع تاريخ الـ premiere باش ما تزكل والو!


2018 ما بقا لها والو. غادي نودعو 2017 ونستقلبو سنة جديدة عامرة مفاجئات وأحداث. أغلبنا غادي يحاول يدير أهداف وقرارات جديدة.

صناعة المسلسلات ف أمريكا حتا هي غادي تستقبل العام الجديد بالجديد. مسلسلات تم تجديدها, أخرى تم إلغائها, وطبعا مسلسلات جديدة غادي تشوف النور لأول مرة ف العام الجديد.

هذي لائحة ملخصة بأهم 6 مسلسلات تلفزيونية غادي نستقبلوها ف السنة الجديدة:

1. The Chi  على Showtime, ابتداءا من 7 يناير

دراما كتدور حول حياة مجموعة شخصيات من الجزء الجنوبي من مدينة شيكاغو الامريكية. من كتابة Lena Waithe, كاتبة مسلسل Master of None. المسلسل غادي يتعرض على قناة Showtime ابتداءا من 7 يناير.

2. 9-1-1 على FOX إبتداءا من 3 يناير

دراما بوليسية كتدور أحداثها ف لوس أنجلس. المسلسل كيتبع أحداث أشخاص من البوليس, رجال المطافئ, وناس خدامين ف الطوارئ.

الدراما من انتاج فوكس وغادي يبدا بثها على نفس القناة إبتداءا من 3 يناير.

3. Good Girls على NBC إبتداءا من 26 فبراير

Crime drama كتدور حول 3 أمهات غادي يقرروا يسرقوا سوبرمارشي باش يعاونوا عائلاتهم ماليا.

السرقة غادي تنجح, لكن الامور ماغاديش تسالي هنا وغادي تتطور لحوايج أكبر.

المسلسل غادي يبدا على NBC إبتداءا من 26 فبراير.

4. The First على Hulu, ف 2018

The First, وكيفما كيقول العنوان, كيدور أحداثو حول أول human mission للمريخ. القصة ما كتركزش فقط على رواد الفضاء اللي غادي يسافروا, بل حتا عائلاتهم وحياتهم الشخصية.

تاريخ الـ Premiere غير محدد لحد الان. المسلسل من كتابة وإنتاج Beau Willimon, الـ Creator ديال House of Cards.

لحد الساعة مازال ما كاين لا بوستر ولا تريلر. غادي يتم تحديث المقال ملي تبان معلومات جديدة.

5. The Ballad of Buster Scruggs, على Netflix ف 2018

الاخوين كوين غادي يدخلوا لعالم المسلسلات. أول تجربة ليهم كمخرجين لعمل تلفزيوني.

الميني سلسلة غادي تكون ف نتفلكس. من بطولة جيمس فرنكو.

السلسلة اللي من 6 حلقات كتدور أحداثها ف حقبة الـ Wild west. تاريح الـ Premiere غير معروف بالضبط حاليا.

لحد الساعة مازال ما كاين لا بوستر ولا تريلر. غادي يتم تحديث المقال ملي تبان معلومات جديدة.

6. Maniac على Netflix إبتداءا من 2018

The big thing ف نتفلكس ف 2018. الـ original black comedy غادي تعرف بطولة Emma Stone و Jonah Hill.

الموسم اللول غادي يكون فيه 10 حلقات مدة كل واحدة فيهم 30 دقيقة. الموضوع كيدور حول عوالم 2 مرتادي مصحة للأمراض العقلية.

لحد الساعة مازال ما كاين لا بوستر لا تريلر. غادي يتم تحديث المقال ملي تبان معلومات جديدة.

مازال شي مسلسل أخر مهم نسيناه؟ خليه لنا ف تعليق مع القناة والتاريخ!!

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
1
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
2
ديسلايك
لايك لايك
1
لايك

هذي أهم 6 مسلسلات غادي تبدا عام 2018

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in