هاد اللغة الاوروپية 90% من المغاربة كيفهموها بلا ما يعرفوا

رغم أنهم عمرهم قراوها!


العالم فين عايشين كبير وعامر الغاز ومفاجئات. مازال بزاف ما يتكتشف ويتعلم الواحد. فقط ف المغرب عندنا لهجات ولغات اللي عمرك ما سمعتي بيها ولا عرفتيها (الغمارية مثلا).

ف البحر الابيض المتوسط، جنوب الطاليان وشمال تونس، كاين جزيرة صغيرة معزولة كأنها خارجة من شي كتاب ديال التاريخ.
هاد الجزيرة سميتها مالطا، وناسها كيهضروا اللغة المالطية.


اللغة المالطية من لغات الاتحاد الاوروپي الـ 24. عدد متكلميها صغير، حوالي نص مليون, لكن تاريخها وسحرها كبير بزاف.
ادا كنتي سابق لك حتكيتي باللغة المالطية، متأكدين أنك عشتي شبه صدمة ف اللول ملي كتشفتي الشبه ديالها بالدارجة المغربية, وباللهجات المغاربية ككل.

المالطية لغة سامية. كتنتمي لعائلة اللغات السامية ( Semitic Languages) اللي منها العربية. عندها تقريبا نفس قواعد ومعجم الدارجة. لكنها مكتوبة بحروف لاتينية وخدات معجم بزاف طالياني وإنجليزي وفرنساوي، نظرا لكونها مسيحية وف أوروپا.

طريقة الكتابة اللي ختاروها المالطيين للغتهم –ورغم أنها بحروف لاتينية– شوية معنكشة, وكتخلق مشكل ف الفهم للناس اللي ما محتكينش. بزاف ديال الـ accents والحروف الغريبة.

لكن بمجرد ما تتعلمها, غادي تقدر تقراها بسهولة وتكتشف التشابه الكبير بينها وبين لهجات المغرب الكبير.

النطق كذلك ديال المالطية متأثر بزاف بالنطق الاوروبي. اغلبية السكان الساحقة أصلهم أوروبي ماشي عربي ولا شرق أوسطي. عندهم مشكل ف نطق العين, القاف, والحاء وباقي الحروف اللي كتميزنا.

المالطية لغة اليوم قائمة بذاتها. اصلها بالضبط وكيفاش تطورت تحديدا مازال ما معروفش بالتفصيل. كاين اللي كيرجغ أصلها للعربية الصقلية (وي، العرب وصلوا لصقلية). وكاين للعربية مباشرة.

مهما كان أصلها، المالطية لغز زوين. أغلب المغاربة اليوم بغض النظر على تعليمهم يقدروا يفهموا جزء من اللغة المالطية ادا تنطق ببطئ.

هذا فيديو دعوي ديال الحزب اللي حاكم ف مالطا حاليا. فيديو فيه اللغة المالطية العفوية, ما غاديش تحتاج مجهود بزاف باش تفهم المظمون وشنو بغاو يقولوا:

تعابير Funny بالمالطية بالنسبة للمغاربة:

كاس العالم: الطاسة تاع الدنيا.

كوريا الشمالية: كوريا تاع فوق.

حقوق الانسان: الديريتيات تاع لبنادم.

أول مرة تسمع بهاد اللغة؟ كتعرها ديجا؟ اذن كيفاش عرفتيها؟ خلي لنا تعليق!

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
1
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

هاد اللغة الاوروپية 90% من المغاربة كيفهموها بلا ما يعرفوا

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in