هذي قصة الـ Panini cards اللي كنا كنجمعو ف طفولتنا

واللي خلاوها ممتعة!


Want create site? Find Free WordPress Themes and plugins.

شكون فينا ما جمعهمش ولا ما تبادلهمش مع صحابو! دوك البطاقات الصغيرة ديال لاعبي كرة القدم بالوانها الساطعة والزاهبة.
كانوا عادة كيكونوا 2 جهات. الجهة اللولى فيها صورة اللاعب ورقمو وشعار الفرقة، والجهة التانية معلومات على اللاعب، الطول، الوزن، السن، مرورا بالمركز اللي كيلعب فيه.

هاد البطاقات اغلبها كانت كتكون مصنوعة من طرف نفس الشركة. كنا صغار ما كنلاحظوش هاد التفاصيل. لكن دابا كبرنا, وجا الوقت نعرفو قصة واحدة من الحوايج اللي خلات طفولتنا واعرة!

جمع هاد البطاقات ماشي للأطفال فقط, بل حتا للبالغين.

 البطاقات اللي كنا كنجمعو كانت ديما كتكون مكتوبة فها كلمة Panini بلون أصفر صغير. هاديك هي الشركة المصنعة.
بانيني ما عندها علاقة بالماكلة. وإنما إسم عائلي طالياني.
الشركة اللي اليوم عالمية وعندها فروع ف أكبر دول العالم, من إيطاليا حتا لأمريكا, بدات فكرتها ف 1960 من طرف الـ Panini brothers.
أربعة خوت من مدينة Modena كانت عندهم شركة صغيرة لتوزيع الجرائد.
واحد النهار لقاو ف ميلان ف مقر واحد الشركة ستيكرز ما بغاوش يتباعوا لها.
شراوهم وعاودوا فيهم البيع ب 2 ليرات للباكية. تمن رخيص.
لحسن الحظ, باعوا منهم ف وقت وجيز 3 ملاين باكية صغيرة. نتيجة لهاد النجاح الخارق, Giuseppe غادي يقرر يأسس شركة Panini رسميا عام 1961 باش تولي تصنع ستيكرز ديالها.
الاخ التاني Benito نظم للشركة ف نفس العام. مبيعات الشركة هاد العام غادي توصل ل 29 مليون وحدة.
الاخوين الاخرين,  Franco و Umberto, التحقوا ف السنوات التالية لشركة العائلة اللي كتحقق نجاحات كبيرة.
الاخوان بانيني
 قصة Panini مع الكورة بدات عام 1970, ملي الشركة بدات نشر L’Almanacco Illustrato del Calcio Italiano, الدليل المصور ديال الكورة الطاليانية, اللي فيه صور صغيرة ديال اللاعبين ف الدوري المحلي. لقا نجاح كبير محليا.
ف نفس العام, الشركة غادي تنشر تصاور لاعبي كاس العالم ف المكسيك عام 1970.
 نجاح تابع نجاح, حتا وصلوا البطاقات للمدارس الابتدائية ف المغرب ف التمانينات. غالبا ف النسخة الاسبانية ولا ديال كؤوس العالم. منين بالضبط غير معروف.
اليوم الشركة عندها حقوق أغلب دوريات العالم المهمة. من الكالشيو ديال الطاليان, الليغا ديال سبانيا, حتا لدوري الهوكي ديال أمريكا الشمالية. كتبيع منتجاتها ف أكثر من 110 دولة حول العالم وبأكثر من لغة.
تحديث: ف نسخة سابقة من المقال قلنا أن هاد البطاقات دخلو للمغرب مع مونديال 98 ف فرنسا. تعليقات على صفحتنا ف الفيسبوك وضحت أن الامر أقدم من ذلك بسنين. بناءا على ذلك المقال تغيّر.
سو, حتا نتوما كنتو كتجمعوهم؟
عجبك المقال؟ Supportـينا بلايك للصفحة ديالنا من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
2
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
1
ديسلايك
لايك لايك
9
لايك

هذي قصة الـ Panini cards اللي كنا كنجمعو ف طفولتنا

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in