6 أسئلة حشمتي تسولهم على الـ Bitcoin ملي المغرب منع التعامل بيه

وبلا ما تطيح ف مواقف بايخة قدام صحابك


Want create site? Find Free WordPress Themes and plugins.

البارح المغرب ( تحديدا مكتب الصرف) أصدر بلاغ كيحدر فيه المواطنين المغاربة من التعامل بعملة الـ Bitcoin.

الخبر انتشر بسرعة على الصوشل ميديا المغربية.

فئة قليلة فاهمة ديجا البيتكوين ما عجبهمش الحال وكانت ردودهم سلبية, والاغلبية اللي أول مرة تسمع ببالبيتكوين ما فهمت والو.

 

هذو خمسة أسئلة ديجا طاحت ف بالك وحشمتي تسول عليها. غادي نجاوبو عليها باختصار باش تفهم بلا ما تطيح ف موقف بايخ قدام صحابك:

 

شنو هو البيتكوين؟

البيتكوين هو أشهر عملة إفتراضية (الترجمة المغربية لـ Cryptocurrency وهي اللي غادي نستعملو). عملة كاينة فقط ف الأجهزة الالكترونية وما مطبوعاش.

باش نفهمو العملة الافتراضية, خاصنا نفهمو أولا العملة العادية.

الدرهم ولا الاورو, هي مجرد وسيلة لتبادل السلع والخدمات.

بدل ما تعطيني طن ديال القمح مقابل نعطيك 50 برميل ديال زيت أركان –كيفما كان كيدير الانسان البدائي– البشر ملي تطور وعيو وما بقا قاد على صداع الراس, اخترع الفلوس الحالية باش يسهلو علينا الحياة.

الانسان بدا بالدهب والنقرة (غرام ديال الدهب مقابل طن قمح مثلا), حتا وصلنا للاوراق النقدية.

العملات العادية كذلك كيتم التحكم فيها من طرف الدول, هذاك علاش كتلقا بنك المغرب مكتوب ف الدرهم.

شنو الفرق بينو وبين الدرهم والدولار؟

البيتكوين, والعملات الافتراضية, ما كينطبقش عليها الشرط التاني. ما كيتحكم فيهم حتا واحد, المتحكم الوحيد هوما المستعملين ديالها وتعاملاتهم.

هي وسيلة لتبادل السلع والخدمات بلا ما تكون حتا مطبوعة ولا موجودة فيزيائيا.

مواليها بغاوها تكون عملة المستقبل و التكنولوجيا.

لا داعي انك تهزها ف جيبك فيزيائيا, كتخلص وتتخلص بيها أونلاين عن طريق Apps مخصصة لذلك.

شكون مواليه؟

ما عندوش مواليه. على أي البيتكوين تطور عام 2008 من طرف مطوّر برمجيات سميتو Satoshi Nakamoto.

ما كاين حتا معلومات شخصية إظافية عليه من غير أن إسمو ياباني.

الاسم ف الحقيقة يمكن ترجمتو حرفيا, وهذا ممكن يدل أنه اسم مستعار مركب, ماشي إسم حقيقي.

فكرة ساتوشي كانت بسيطة: انشاء وسيلة للاداء أونلاين بلا ما تكون مرتبطة بشي عملة حقيقية.

تماما بحال ملي بغيتي تتافق نتا وصحابك ف الابتدائي على إنشاء فلوس غير بيناتكم.

فقط الاختلاف هو أن البيتكوين عملة إفتراضية, كتعتمد على –بدل الوراق– بزاف ديال الماط والحسابات والكودات باش يتم تنظيم التعاملات, شكون خلّص وشكون تخلّص…الخ.

ساتوش ايلا كان انسان حقيقي وحي, غادي يكون دابا مليونير كيعوم ف الفلوس.

علاش المغرب منعو؟

ما نقدروش نجاوبو بدقة, ولكن من بين المؤاخدات على البيتكوين وباقي العملات الافتراضية هي أنها untraceable, ما تقدرش تطراسي التعاملات بيها.

مثلا, ايلا بغيتي تخلص شي حاجة أونلاين عن طريق PayPal ولا بطاقة بنكية عادية, جميع تعاملاتك غادي تبقا مسجلة ف بلاصة ما بما فيها الإسم ديالك.

و ف حالة ما وقع شي مشكل ولا جريمة, ممكن الرجوع للتاريخ والتحقق من التفاصيل من طرف السلطات.

ف البيتكوين العكس تماما.

ما كيبقا والو مسجل عليك, تنسى كأنك لم تكن. الشي اللي كيخلي بزاف ديال المجرمين ف العالم يتعاملو بالعملات الافتراضية.

شحال فيه من درهم أصلا هاد البيتكوين؟

خلال كتابة هاد السطر بالضبط, 1 بيتكوين (يختصر كـ XBT ولا BTC) كيساوي 8,278 (تمنالاف وميتين وتمنية وسبعين) دولار أمريكي. أي 78249 درهم مغربي. حوالي 8 مليون سنتيم!

كيفاش نقدر حتانا يولي عندي BitCoin؟

عندك 2 طرق:

— تحصل عليه الطريقة العادية, يا تبيع شي سلعة/خدمة وتتخلص بالبيتكوين.

— يا إما تـ Mineــيه (نسبة للمنجم) يدويا, أو ما يسمى الـ Mining.

التنجيم (كلمة غالطة لغويا) هو, وبلغة بسيطة, أنك تخلي جزء من الحاسوب ديالك مسؤول على القيام بالعمليات الحسابية ديال التعاملات اللي كتتم كل تانية بالبيتكوين.

حيت ايلا عقلتي, البيتكوين حتا واحد ما متحكم فيه. داير بحال التورنت. المستعملين هوما اللي كيقوموا بالتعاملات والحسابات المعقدة ديال التعاملات.

ايلا عندك بيسي عادي بلا ما تحاول. حيت باش تقدر تمايني مبلغ مزيان غادي تحتاج كمبيوتر خارق خدام 24 ساعة على 24 ساعة.

 

غلطنا ف شي حاجة؟ نسينا شي معلومة مهمة؟ خلي لنا تعليق!

 

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
4
كيوت
هاهاها هاهاها
0
هاهاها
جيم جيم
1
جيم
أو إم دجي أو إم دجي
8
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
15
لايك

6 أسئلة حشمتي تسولهم على الـ Bitcoin ملي المغرب منع التعامل بيه

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in