5 تعابير كروية مغربية انقرضت مع ظهور الجزيرة الرياضية

Make them great again!


Want create site? Find Free WordPress Themes and plugins.

“إصاباااااااااااا في الشبكااااااا” ف التسعينات هاد العبارة كانت هي اللي ممكن تسمع ملي يسجل المنتخب ولا أي فريق مغربي هدف. عبارة عاشت معانا أزهى أيام الكورة الوطنية. عبارة فرحت ملايين المغاربة.

مع بداية الألفينات وانتشار القنوات الفضائية, الاعلام الرياضي ف المغرب بدا يتأثر بالطريقة ديال التعليق المشرقية نظرا لان حتا الجمهور ديال الكورة المغربي كان متأثر.

واحدة من هاد القنوات اللي ساهمت ف هاد التحول اللغوي كانت الجزيرة الرياضية. نقلت أهم الدوريات داك الوقت فابور. ملايين المغاربة تفرجوا فيها وتأثروا بلغتها.

مع الوقت اللغة المستعملة ف الاعلام الرياضي المغربي بدا كتميل شوية بشوية لاسلوب الجزيرة الرياضية والقنوات المشرقية.

 

بمناسبة هاد الصحوة الكروية ف المغرب اللي تمثلت ف الـ Champions League الافريقية للوداد وتأهل المنتخب لكاس العالم, هذي لائحة ب 5 كلمات وتعابير مغربية رياضية انقرضت من إعلامنا, Maybe it’s time to make it great again:

1. إصابة بدل هدف

اليوم ولى “هدف” هو  الكلمة المستعملة ف الاعلام المغربي وحتا الشارع. إصابة ممكن تجيب لك نوبة من الضحك الهستيري.

ف التسعينات كانت الكلمة الرائجة هي إصابة. الهدف كانت كلمة تانوية.

2. حكم الشرط

حكم الشرط هو التعبير باش كبرنا. اليوم ولى تعبير حكم مساعد هو الرائج. حكم الشرط ممكن الدراري صغار اليوم ما يعرفوهاش. تعبير غريب عليهم.

3. شرود

من أكثر الكلمات ف التمغرابيت. الاف الشرودات تقالت ف الاعلام المغربي قبل ما يولي إسمو فجأة تسلل.

أورجو ف المقابل كانت هي الكلمة المستعملة ف اللغة اليومية ف المدن الكبرى.

لكن إحقاقا للحق, هو ف الحقيقة تسلل ماشي شرود. اللاعب ف الغالب كيكون متسلل من ورا المدافعين, ماشي شارد كيفكر ف سبب الوجود.

(بالنسبة للبنات اللي كيقراو المقال: التسلل هو ملي لاعب كتجيه الكورة وهو بوحدو ورا المدافعين)

4. الشبكة

صعيب تسمع هاد الكلمة اليوم ف المغرب. ولات من الماضي ولا أمل لاحيائها.

كيتقال يا المرمى, يا الشبكة بالكسرة تحت الشين. الشبكة بالنقط العربي الكلاسيكي أنقرضت كليا, رغم أنها عاشت معانا كمغاربة أجمل أيام الكرة المغربية.

5. منطقة 5 متر وخمسين

منطقة خمسة متر وحمسين مشهورين بيها معلقي القناة الاولى. كاينة ف قاموسهم فقط تقريبا. الكلمة اليوم ما بقاتش كتقال, واش ما بقاتش ف قوانين الفيفا ولا غير نقرضت بحال الكلمات اللي الفوق؟ We don’t know.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
5
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
2
ديسلايك
لايك لايك
0
لايك

5 تعابير كروية مغربية انقرضت مع ظهور الجزيرة الرياضية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in