6 معلومات عجيبة على روسيا أول مرة غادي تعرفها

1.عندهم النسا كتر من الرجال


Want create site? Find Free WordPress Themes and plugins.

المنتخب المغربي رسميا ف كاس العالم روسيا دابا. الانظار كلها على روسيا. بزاف ديال المغاربة باغيين يحضروا كاس العالم. جزء منهم محظوظ غادي يقدر.

روسيا دولة كبيرة ومليئة بالالغاو والاسرار. هذي 6 معلومات عجيبة أول مرة غادي تعرفها, وخاصك ترد البال من بعضها ايلا كنتي من المحظوظين اللي غادي يمشيو لروسيا:

 

1. ف روسيا كاين 1159 مرا لكل ألف راجل

وي, النسا كتر من الرجال. مشكل حقيقي عندهم ف روسيا. كاين 1159 مرا لكل ألف راجل روسي.

الرجال الصينيين ديجا بداو المحاولة لاحتلال روسيا عن طريق الزواج بروسيات.

غادي يجي الدور دابا على المغاربة؟! كاس العالم غادي يبين لنا.

2. ف التقافة الروسية التصفار داخل الدار كيخلي الفلوس يهربوا من الشرجم

هاد القضية كاينة ف بعض مناطق المغرب. أنك تصفر داخل الدار تعتبر فال خايب. ف روسيا زادوا شوية, كيعتبروا ايلا صفرني ف الدار الفلوس غادي يهربوا من الشرجم.

3. نسبة المشاركة ف انتخابات 2012 ف واحد المنطقة كانت 146%

ماشي غير انتخاباتنا اللي فيها هضرة, حتا ف روسيا.

ف انتخابات 2012 اللي ربح فيها فلاديمير بوتين, نسبة المشاركة ف واحد المنطقة فاتت 146%.

كايفاش دارولها؟ يمكن التماسيح والعافريت ديالهم حتا هوما صوتوا.

4. واحد من كل اربعة رجال ف روسيا كيموت قبل ما يكمل 55 عام

ووي, الكحول عندو علاقة بالامر. نسبة مهمة من هاد الوفيات سببها الفودكا.

معدل الحياة عند الرجال ف روسيا هو 64 عام, fينما عند الرجال المغاربة هو 73.3 عام. المغربي كيعيش أكثر من الروسي.

5. البيرة ما كانتش تعتبر مشروب كحولي قبل عام 2011

وطبعا اللي كيشرب الفودكا بكمية كبيرة البيرة عندو كيف والو.

البيرة إلى حدود 2011 كانت تعتبر مشروب غير كحولي ف روسيا, وكتتباع ف محلات الاغذية العادية مع باقي المواد.

شربها كذلك كان عادي ف الشارع والخدمة, كأنك كتشرب موناضة.

ف 2011 دوزا قانون اللي كيحعلها مشروب كحولي, وبالتالي كتنطبق عليها قوانين المشروبات الكحولية.

6. أغنياء موسكو كيستعملوا سيارات الاسعاف باش يتجنبوا الزحام

حتا واحد ما كيعجبو يبقا مبلوكي ف فوروج 45 دقيقة, باش يزيد كيلومتر ويتبلوكا ف الفوروج اللي موراه ساعة.

أغنياء موسكو لقاو الحل لهاد الشي. كاين شركات كتوفر ambulance-taxis لزبنائها الاغنياء. سيارات إسعاف مجهزة بأثاث مريح باش توصل لفين بغيتي ف وقت قياسي ونتا مرتاح.

 

عجبك المقال؟ Supportـينا بلايك للصفحة ديالنا ف الفيسبوك من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
5
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
1
ديسلايك
لايك لايك
0
لايك

6 معلومات عجيبة على روسيا أول مرة غادي تعرفها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in