هذا علاش كمغربي خاصك تعجبك أغنية Boom Boom بغض النظر على دوقك

4. سمعة أحسن ليك برا


Want create site? Find Free WordPress Themes and plugins.

نهار 26 أكتوبر خرج فيديو كليب أغنية Boom Boom ديال Daddy Yankee, French Montana و Dinah Jane, وانتاج طبعا التطواني الغني عن التعريف RedOne.

الاغنية Pop بـ Flavor لاتيني ديال دادي يانكي. الكلمات نصها بالانجليزية والنص التاني بالاسبانية. الموضوع والريتم احتفالي راقص.

الـ Video ديال الاغنية فيه 5:12 دقيقة. الجزء الكبير منو مصوّر ف المغرب. تحديدا الشاون, تطوان, والصحرا, بالاضافة لمناطق أخرى غير محددة.

الفيديو كليب يمكن اعتبارو أهم حملة إشهارية للسياحة ف المغرب ف السنوات الاخيرة.  جامع نجوم عندهم ملايين المعجبين ومن إنتاج واخد من أنجح المنتجين ف العالم.

الأغنية ف أقل من يومين جابت 28 مليون مشاهدة ف اليوتوب. لاحها Daddy Yankee ف القناة الرسمية ديالو. من المتوقع أنها تحقق رقم قياسي جديد ف المشاهدات…وبالتالي شهرة أكبر للسياحة ف المغرب.

 

هذو 4 أسباب علاش خاص هاد الاغنية تعجبك واخا ما تكون من المعجبين بهاد النوع الموسيقي:

 

1. تعريف سياحي بالمغرب

الفيديو كيحتل المراتب العشرة الاولى ف Trend اليوتوب ف أغلب دول العالم اليوم. الملايين غادي يشوفوه ملي يحلوا اليوتوب.

الملايين (أو يمكن الملايير) غادي يشوفوا جمال مناطق المغرب وتنوعها, وعلاش لا جزء منهم يفكر يزور بلادنا ولا يستقر فيها كاع.

المغرب رغم أنه بلد سياحي, إلا أنه مازال مجهول لشعوب بزاف. مازال محتاج إشهار أكثر.

2. التعريف بالتنوع بالجغرافي ف المغرب: حنا ماشي صحرا قاحلة

يقدر يجيك الامر سطحي, ولكن الملايين ف العالم كيظنوا باللي حنا غير صحرا قاحلة بحال شكل موريتانيا (مع احترامنا للموريتانيين). كنركبو على الجمال ونسكنوا ف الخيام وما عندناش الانترنت.

وي, فكرة غبية, ولكن هاد الملايين أغلبهم من دول العالم الأول, صوتهم ورأيهم فينا مهم سياسيا واقتصاديا.

الفيديو ديال الاغنية بيّن عدة مناطق من المغرب, مناطق جبلية خضرا, سهول, وصحرا. ركزت كذلك على المعمار وتنوعو وجمالو. أي واحد غادي يشوفو غادي ياخد نظرة إيجابية على بلادنا.

3. المغاربة ماشي شعب داعشي, We love life!

طبعا مجتمعنا بمشاكلو وحوايجو السلبية,  لكن حنا ماشي شعب متشدد بحالما كيظنونا بزاف من العالم الاول.

عندنا النسا كيلبسوا اللي بغاو ويقدروا يشطحوا ويخرجوا عادي.

الامر, مجددا, عبيط وغبي, لكن تخيل داك المراهق الامريكي اللي غادي يشوف الفيديو غادي يغير فكرتو عليك. ماغاديش يبقا كيتخيلنا شعب عابس ومتشدد.

الفيدية كليب كذلك عرف مشاركة مودل مغربية سميتها عبلة الصوفي.

 

A tree with strong roots laughs at storms . 💪🏻 #rabat#morocco#losangeles#A#family#time

A post shared by 🇲🇦🇺🇸 (@ablasofy) on

4. سمعة أحسن ليك برا

بناءا على داك الشي الفوق, وواخا ما تكونش من عشاق هاد النوع الموسيقي وغير مهتم أصلا بالسياحة ف المغرب, الفيديو غادي يساهم ف تغيير نظرة الاجانب ليك كمغربي ملي تسافر برّا. الناس السطحيين اللي كيحكموا على الاخرين بناءا على أفكار مسبقة, هوما الاكثر تأثرا بالاعلام.

هذا هو الفيديو كليب للي مازال ما شافو:

 

عجبك المقال؟ Supportـينا بلايك لصفحتنا من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
5
لايك

هذا علاش كمغربي خاصك تعجبك أغنية Boom Boom بغض النظر على دوقك

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in