تهمتها حيازة سلاح ناري, وسرقة قلوب ملايين مستعملي الانترنت

الـ Mugshot bae اللي ممكن تلحق على Jeremy Meeks


Want create site? Find Free WordPress Themes and plugins.

عقلتو على Jeremy Meeks؟ داك المجرم اللي تصويرتو ديال الاعتقال (Mug shot) دارت البوز وعجبت ملايين البنات ف العالم؟

 ول, بسببها اليوم عندو عقد مع واحدة من أكبر شركات النظارات ف العالم وعايش حياة الرفاهية. مؤخرا شارك ف أسبوع الموضة ف ميلانو. ولى كيلعب مع الكبار!

الجديد هاد المرة هو تصويرة أخرى لحالة مشابهة من المنتظر تتبع نفس السيناريو ديال جيرمي.

الامر كيتعلق بشابة عمرها 20 عام من Fresno County ف ولاية كاليفورنياMirella Ponce, أو الـ Mugshot Bae كيفما ستمات أونلاين, عضوة ف عصابة محلية, وقفوها البوليس ف طونوبيل هي و 2 أعضاء ديال نفس العصابة. من بعد التفتيش لقاو عندها سلاح مسروق مشارجي.

تهمتها كانت حيازة سلاح مسروق ومشارجي.

بوليس Fresno County, وكيفما العادة, أبلوداو التصاور للكونط فيسبوك ديالهم كتبان فيهم ميريلا والسلاح اللي لقاو (لونو Cute AF).

من ظمن التصاور تصويرة ديال ميريلا كتبان فيها بشعر كحل وعنق وصدر موشومين. واحد من التاتووز مكتوب فيه Love is pain.

من بعد ساعات قليلة, وحيت الزين حبّو مولانا, البوسط تبومباردا بتعليقات ديال ناس طايحين ف جمال ميريلا. البوسط تلايكا وتبارطاجا عشرات الاف المرات على غير العادة.

آلاف التعليقات سولت على قيمة الكفالة اللي ممكن تخرج بيها باش يخلصوها. المعلقين كانوا سريو وماشي كيضحكوا.

آخرين كانوا أقل جدية وكتبوا تعليقات كضتضحك, بحال التعليق اللي كيقول: The only crime she commited was stealing my heart.

متافقين تماما مع هاد التعليق!

التصويرة من بعد الحاح مستعملي الفيسبوك تم حدفها من الكونط هي والبوسط. يبدوا أن البوليس ندموا.

الكفالة اللي تقدر تخرّج ميريلا هي 100 ألف دولار أمريكي. مبلغ كبير, لكن كاين اللي مستعد يدفعو فقط باش ما تمشيش للحبس.

حاليا غير معروف فين وصلت القضية, لكن الاكيد هو أنه نهار تخرج من الحبس (ادا مشات ليه), ميريلا غادي تلقا بزاف ديال الفرص ف عالم الموضة كيستناو فيها. ما يمكن لنا إلا نتمناو لها التوفيق ونفس مصير جيرمي مييكس.

 

عجبك المقال؟ Support ـينا بلايك للصفحة ديالنا من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
1
هاهاها
جيم جيم
4
جيم
أو إم دجي أو إم دجي
1
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
2
ديسلايك
لايك لايك
3
لايك

تهمتها حيازة سلاح ناري, وسرقة قلوب ملايين مستعملي الانترنت

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in