الـ KFC مفالويا فقط 11 واحد ف تويتر — السبب فكرة ما تطيحش على الشيطان!

غادي تصفق بحرارة للمسؤول على الكونط!


Want create site? Find Free WordPress Themes and plugins.

الـ KFC طبعا من سلاسل الوجبات السريعة الغنية عن التعريف عالميا. كاينة ف اغلب دول العالم. ف الكونط ديالهم ف تويتر عندهم أكثر من مليون ونص Follower, لكن مفالووين فقط 11 واحد.

يقدر يجيك الامر عادي وما تهتمش, غادي تقول داك الرقم 11 عشوائي وصافي, لكن واحد المستعمل ديال تويتر كان عندو رأي آخر, وقرر يكتشف السر….اللي غادي يخليك تصفق بحرارة للمسؤول على الكونط ديال الكي اف سي!

السر تم الاعلان عليه ف تويت جاب أكثر من 700 الف لايك, وأكثر من  300 ألف ريتويت خلال كتابة هاد الاسطر.

المستعمل ديال تويتر edgette22@ قرر يكتشف السر وراء داك الرقم العجيب ف بروفيل KFC.

edgette22@ قبل ما يعلن الاعلان التاريخي ديالو, دخل حلل دوك الناس اللي مفالويهم كونط KFC. النتيجة كانت هو أن البروفيل مفالويي 5 أعضاء من فريق الـ pop البريطاني Spice Girls, و 6 ناس عشوائيين مسميين Herb.

في حالة ما مازال ما شعلات داك البولة ف راسك هاد الاثناء (عادي جدا, الملايين بحالك), هاد الشي كيعني أن الـ KFC مفالويا 5 Spices و 6 Herbs.

هاد الجملة ممكن تجيك عادية, لكن فيها تلاعب دكي بالكلمات. Spices –بالاضافة لانها كتشير لاعضاء الفرقة– حرفيا كتعني التوابل أو العطرية.

بينما Herb بالاضافة لكونو اسم عائلي, كيعني حرفيا عشبة.

هاد الشي كيعطينا الجملة التالية:

KFC follows 5 Spices and 6 Herbs.

 

التوابل الخمسة والاعشاب الـ 6 هي الخلطة السحرية ديال الـKFC. وبالتالي رسالة مشفرة من المسؤول على الكونط للعالم.

 

ساعات من بعد نشر التويت, Edge جاتو الاف التعليقات من شركات منافسة ومشاهير من مختلف المجالات, والاهم من كلشي, من شركة KFC شخصيا.

Edge فجأة ولى نجم تويتر. عروض وهدايا من شركات منافسة, وبزاف ديال الاتصالات من الصحافة اللي باغية تهضر معاه على هاد الاكتشاف التاريخي.

على الجهة الاخرى, المسؤول على الكونط ومول هاد الرسالة المشفرة ما تمش الاعلان على الاسم ديالو, لكن مئات التعليقات ف تويتر كتطالب بزيادة ف الصالير ديالو وترقية بسبب هاد الفكرة.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
2
هاهاها
جيم جيم
2
جيم
أو إم دجي أو إم دجي
7
أو إم دجي
واضفّاك؟ واضفّاك؟
10
واضفّاك؟
ديسلايك ديسلايك
0
ديسلايك
لايك لايك
4
لايك

الـ KFC مفالويا فقط 11 واحد ف تويتر — السبب فكرة ما تطيحش على الشيطان!

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in