سيرور كيبيع الديطاي — لكن فنان تشكيلي عندو لوحات ومعرض

وكلكم معروضين للمعرض ديالو


Want create site? Find Free WordPress Themes and plugins.

عادة ملي كنفكرو ف الناس اللي كيبيعوا الديطاي ولا كيسيريو السبابط, كيجي لبالنا انهم محدودي التعليم والموهبة وهذي هي الخدمة الوحيدة اللي عندهم باش يعيشوا. الله يحسن العوان!

لكن العربي لكحل استثناء لهاد القاعدة وغادي يغير رأيك لصحاب هاد المهن البسيطة.

العربي لكحل معروف عند ناس أكادير والنواحي (إنزكان تحديدا). كيبيع الديطاي وكيسيري السبابط بحال أي سيرور اللي كيدور ف أي مدينة مغربية. إنسان بسيط ف منتصف العمر باينة عليه مظاهر الفقر والمعاناة.

لكن المختلف هو أن العربي لكحل انسان موهوب عكس باقي الناس اللي كيديروا هاد الحرفة.

العربي لكحل عندو موهبة ف الرسم التشكيلي. وباش يعاون راسو ماديا, كيرسم لوحاتو ف الشارع وكيبيعهم فيه مع الكارو للناس اللي عجبوهم ولا غير بغاو يتعاونو معاه. بتمن بسيط بزاف.

لوحاتو رغم أننها مرسومة بامكانيات بسيطة, إلا أنها فيها إحترافية وإبداع كبير, ماشي مجرد رسوم عادية.

واحد النهار شي مستعمل ديال الفيسبوك مغربي شاف لوحاتو ف الزنقة وعجبوه. صورهم ولاحهم ف الانترنت ف Group فيسبوكي كبير مهتم بالابداع. اللوحات لقاو اعجاب الاف الفيسبوكيين المغاربة. ردود الفعل, لحسن الحظ, كانت إيجابية بزاف.

الامور ما وقفتش هنا. القصة فيها happy ending على أرض الواقع!

الناس ديال هاد الكروب غادي يتدخلوا ويقرروا, تقديرا لابداعو, ينظموا ليه معرض فني فين يعرض لوحاتو بدل الشارع.

اليوم كاين معرض فني للفنان السيرور العربي لكحل ف المركب التقافي لأيت ملول. فيه معروضة لوحاتو ف المكان الطبيعي ليها.

المعرض بدا نهار 14 ف ومستمر حتا لـ 30 من هاد الشهر (أكتوبر 2017).

بدورنا ف نيووز كنتمناو من قرائنا اللي من أكادير والمنطقة يمشيو يزورو المعرض ويتعرفوا على العربي لكحل ويدعموه ولو غير معنويا.

غادي تلقاو العربي تما تهضرو معاه وتتاقشو ف اللوحات ديالو, وتتعرفو عليه كفنان أكثر.

هذو تصاور أكثر للمعرض من كونطات فيسبوكية حضرت للمعرض, (كل الحقوق ديال التصاور محفوظة لصحابها):

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
1
هاهاها
جيم جيم
1
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
8
لايك

سيرور كيبيع الديطاي — لكن فنان تشكيلي عندو لوحات ومعرض

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in