هذي قصة مشطة الصبع [التازي] اللي كاينة ف كل دار مغربية

واللي ولات جزء من التمغربيت


Want create site? Find Free WordPress Themes and plugins.

ما كاينش الدار المغربية اللي ما دازتش فيها هاد المشطة. سواءا براكة ف كاريان هامشي ولا فيلا ف حي راقي, هاد المشطة غادي تلقاها كاينة. غالبا ف ألوان متعددة وفاتحة.

الامر كيتعلق بمشطة الصبع كيفما معروفة شعبيا (نسبة للطريقة اللي كتتشد بيها), أو Brosse Tazi كيفما معروفة من طرف المصنعين ديالها. المشطة اللي ولات جزء من التقافة المغربية والتمغربيت.

هاد المشطة عندها تاريخ طويل بزاف وعامر مقاومة للزمن..وللاستعمار الفرنسي.

القصة ديالها كترجع لوقت الحماية الفرنسية

عائلة التازي اللي “اخترع” الجد ديالها هاد المشطة, مازال كتتناقل anecdote طريفة وقعت ف وقت الحماية الفرنسية, واللي كانت سبب أن عبد العزيز التازي “يخترع” هاد المشطة.

 

ف نهار عادي شاب مغربي شداتو دورية فرنسية ف شوارع مدينة مغربية وداوه معاهم للكوميسارية. الأمر كان المفروض يكون تفتيش روتيني, لكن من بعد الامر تطور والاستنطاق خدا وقت أطول.

البوليس الفرنساوي لقا عند هاد الشاب المغربي ف جيبو اداة عجيبة. لقاو عندو مشطة العظم التقليدية, واللي ف اللول ما عرفوهاش,  من بعد عتبروها ممكن تستعمل كسلاح.

من مور هاد الحادثة حتا واحد من المغاربة ما بقا يقدر يخرج بالمشطة ف جيبو.

عام 1954, وحيت الحاجة أم الاختراع, عبد العزيز التازي غادي “يخترع” هاد المشطة ديال الصبع من البلاستيك, اللي غادي تولي من بعد رمز من رموز الهوية المغربية.

بدا بمعمل صغير ف عين برجة ف الدار البيضاء فين كان كيصنع العاب بلاستيكية. ف مدة قصيرة, المشطة غادي تكتسح المغرب.

62 عام دازت, المشطة مازال كتتصنع بنفس الشكل والستيل من نهار جات للدنيا. تعتبر من أكثر الماركات المغربية اللي قاومت الزمن والتكنولوجيا والتطور الكبير ف نمط حياة المغاربة.

اليوم, ورغم ان المغاربة ولاو قادرين يشريو مواد النظافة والعناية بالشعر العالمية, الشركة كتبيع 68 مليون مشطة كل عام. عندها 25% من السوق المغربي. وكاينين منافسين أخرين اللي كيستعملو نفس الشكل. المشطة مازال ف قمة المنتوجات اللي كيستعملوا المغاربة.

هاد الشي ماشي كلشي, مشطة الصبع مستعملة ماشي غير ف المغرب, بل كيتم تصديرها لعدة دول إفريقية جنوب الصحراء.

 شحال صرفوا على الاشهار باش يكتسحوا السوق المغربي؟ 0 درهم. الشركة عمرها ما دارت حملات اشهارية للمشطة. المشطة كتدير الاشهار لراسها براسها. من الحالات النادرة ف العالم!

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
7
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
3
لايك

هذي قصة مشطة الصبع [التازي] اللي كاينة ف كل دار مغربية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in