هاد المعلم شرا أدوات النظافة للتلاميذ ديالو من جيبو

باش يشجعهم على النظافة


Want create site? Find Free WordPress Themes and plugins.

عقلتو ملي كنا ف الابتدائي وكانوا المعلمين كينصحونا على النظافة وضرورة غسل الاسنان يوميا لمحاربة التسوس؟ ول, هذي حاجة أساسية ف التعليم الابتدائي وعمرها ما غادي تنقرض.

هاد المعلم الشاب ف جماعة شقران بإقليم الحسيمة داز للتطبيقي ف هاد القضية وما كتفاش فقط بالنظري.

هشام الفقيه, معلم ديال التعليم الابتدائي ف مدرسة ثفساست النائية ف الريف, و ف مبادرة فريدة باش يشجع التلاميذ ديالو على النظافة شرا ليهم, بمساعدة مالية من متطوع من المنطقة, أدوات للنظافة وجابها لهم للقسم.

المعلم الشاب شرا عشرات الشيتات ديال الاسنان, معاجين الاسنان, كلينكسات, وباكيات ديال قطن للودنين (Coton-tige) وقدمها للاطفال ديال قسمو مجانا.

وما نساش كذلك يشري سطل صغيور لكل تلميذ, فين كل واحد كتب سميتو ودار فيه ادوات النظافة ديالو وعلقو ف مكان مخصص.

هاد الادوات كيبقاو ف القسم, وكل صباح التلاميذ قبل ما يبدا الدرس خاصهم يستعملوهم تحت اشراف المعلم.

هشام لاح التصاور ديال المبادرة ديالو ف الكونط فيسبوك ديالو مع caption: “التربية على النظافة لا تكون نظريا ، بل تكون فعليا.

التربية على النظافة لا تكون نظريا ، بل تكون فعليا

فعلا, التربية على النظافة بلا تطبيق ما كتسوى والو!

هذا الكونط والبوسط ديال هشام اللي لاح. من بعد 7 سوايع من النشر ديالو جمع أكثر من 700 لايك و77 بارطاج. المبادرة نالت إعجاب مستعملي الفيسبوك المغاربة.

صراحة هاد الشي مفرح بزاف.

اننا نشوفو معلمين شباب بعقلية جديدة هكا غير قائمة على العنف شي حاجة كتفرح وكتعطي أمل ف تعليم مغربي أحسن.

على الاقل, هاد التلاميذ ما غاديش يصبحوا على معلم مخنزر يعرضهم جدول الضرب ويعيشهم الرعب ويكرههم ف المدرسة. غادي يصبحّوا على معلم شاب كلو طموح وحيوية باش يقريهم!

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
11
جيم
أو إم دجي أو إم دجي
0
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
0
لايك

هاد المعلم شرا أدوات النظافة للتلاميذ ديالو من جيبو

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in