5 معلومات مدهشة على أصل الكارطة المغربية اللي كنلعبوها

1. أصلها ماشي مغربي


Want create site? Find Free WordPress Themes and plugins.

شكون فينا ما لعبش الكارطة ف طفولتو لساعات باش يقتل الملل قبل من ظهور السمارتفون والفيسبوك؟ خصوصا ف شي عشية صيفية كئيبة وفيها الصهد.

الكارطة التقليدية اللي كنلعبو ف المغرب طلع عندها تاريخ طويل وغني بالمفاجئات والاسرار, وماشي مجرد لعبة تافهة.

هذو 5 معلومات على الكارطة المغربية 99% أول مرة غادي تعرفها:

1. أصلها إسباني

طبعا غادي تكون لاحظتي ديجا, الـ Jargon ديال الكارطة اللي كنلعبو ف المغرب إسباني. الـ As, Dos, tres والـ Sota والكابال. كلهم كلمات إسبانية, وهذا راجع ﻷصلها.

الكارطة اللي كنلعبو ف المغرب سميتها La baraja española, اللي نقدرو نترجموها للدارجة بالضمصة الاسبانية. نفس الكارطة ديال 40 اللي مستعملة ف إسبانيا وبنفس القواعد.

هاد الكارطة كذلك مستعملة ف أمريكا الجنوبية بشكل مشابه.

2. دخلت للمغرب ف القرن 19

 

المغرب كان ديما عندو احتكاك كبير بأوروبا, خصوصا إسبانيا.

ف فترات من تاريخ المغرب وصل الامر ﻷن البسيطة الاسبانية كانت مستعملة ف المغرب مع العملة المغربية. لذلك, الكارطة ماشي غريب حتا هي تدخل.

الكارطة الحالية, ونظرا للتصميمات اللي كتدور ف المغرب, غالبا دخلت ف الجزء التاني من القرن 19 للمغرب. الديزاين الحالي صممو الاسباني-الايطالي Félix Solesio ف القرن 18.

فيليكس سوليسيو كان عندو ف القرن 19 مصنع ديال الكارطة ف مدريد سميتو  Real Fábrica de Madrid.

من بعد, ومع دهول الحماية الفرنسية للمغرب, ولات كتتصدر لنا من مرسيليا ولا كتطبع ف الدار البيضاء.

3. تطورت ف الطاليان

 الكارطة الحالية اللي كنلعبو ف المغرب عندها تاريخ أطول من أغلب دول العالم. بانت ف نابولي وقت عرش Aragon. المملكة الاسبانية اللي كانت من 1162 لـ 1716, وحكمت الجزء الجنوبي من الطاليان.

ف هاد الفترة, وف نابولي, الكارطة الحالية بانت, وتطورت من بعد ف إسبانيا.

ليومنا هذا, الكارطة اللي كتلعب ف الطاليان مشابهة للكارطة الاسبانية اللي كنلعبو ف المغرب. الفرق كاين فقط ف التصاميم, اللي خدات ف الطاليان طابع محلي.

4. رموزها من القرون الوسطى

ولأنها تطورت ف القرون الوسطى, ضروري غادي يكونوا رموزها من نفس الفترة.

الرموز ديال الكارطة ماشي عشوائية, بل عندها معنى محدد. الرموز كتعبر على التقسيم الاجتماعي ديال داك الفترة. الطبقة النبيلة, التجار, الجنود, والخدم.

هذا بالاضافة للرموز اللي كتمثل طبقات الحكم.

5. الروندا وميسا حتا هوما كلمات إسبانية

نسخة مغربية من طبعة بنك مغربي ف التمانينات

الروندا وميسّا, وبحال باقي المعجم, حتا هوما كلمات إسبانية. طريقة اللعب هي نفسها اللي ف سبانيا وباقي الدول اللي كتعلب الباراخا الاسبانية.

الـ Ronda معناها الدائرية, غالبا نسبة للشكل الدائري ديال اللعب. و Mesa معناها الطابلة.

تجدر الاشارة أن الرامي, النوع الاخر ديال الكارطة اللي كيتلعب ف المغرب, أصلو فرنساوي. 

خلي الـ Vote ديالك

5 نقط
Upvote Downvote

مجموع الاصوات: 7

Upvotes: 6

Upvotes percentage: 85.714286%

Downvotes: 1

Downvotes percentage: 14.285714%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
9
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

5 معلومات مدهشة على أصل الكارطة المغربية اللي كنلعبوها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…