هاد السيد كتب أكثر من 5 ملايين مقال ف ويكيبيديا!

بمعدل 10 الاف ف النهار, أكثر من أي إنسان!


Want create site? Find Free WordPress Themes and plugins.

ويكيبيديا من أعظم اختراعات البشر لحدود الساعة. موسوعة تشاركية كتغطي جميع المجالات بحال هذي عمرها ما كانت ف تاريخ البشرية. أول مرة عندك المعرفة البشرية مبسطة بين يديك ف بلاصة واحدة وبمئات اللغات واللهجات.

ف ويكيبيديا تقدر حتا نتا تكتب وتعدل وتضيف المصادر (حاجة مهمة ف ويكيبيديا) باش المقال يكون موثوق وجدي.

ملايين المساهمين من كل أنحاء العالم كيكتبوا يوميا مقالات ف مواضيع كتهمهم. ومئات ألاف الادمنز كيراقبوا ويعدلوا ويمسحوا الاضافات اللي ماشي ف المستوى.

مع اختلاف عدد متكلمي اللغات ف العالم ومستوياتهم المادية والفكرية, كاين تفاوت كبير ف الكم والجودة بين النسخ ديال ويكيبيديا. ويكيبيديا الانجليزية مثلا ماشي هي اللي بالاوردو, لا من ناحية دقة المعلومات ولا الكم.

مواطن سويدي, Sverker Johansson, قرر يحاول يلقا حل للكم بين النسخ ديال ويكيبيديا. بغا يخلي جميع اللغات عندها نفس الكم ديال المعلومات والمقالات.

مواطن سويدي, Sverker Johansson, قرر يحاول يلقا حل للكم بين النسخ ديال ويكيبيديا. بغا يخلي جميع اللغات عندها نفس الكم ديال المعلومات والمقالات.

Sverker Johansson ديفلوبا bot كيكتب مقالات أوتوماتيكية بناءا على databases بلغات فيها مقالات شوية وما عندهاش مساهمين بزاف.

البدية كانت باللغة السويدية, لغتو الام, ملي لاحظ أنه كاين مئات المقالات على شخصيات The Lord of The Ring, بينما فقط 10 مقالات على حرب الفيتنام.

يوهانسن ديفلوبا Lsjbot -اختصار للحروف الاولى من إسمو– اللي غادي يكتب مقالات قصيرة (stubs بلغة ويكيبيديا), بناءا على بيانات ديجا متوفرة. البوت مهمتو يجمع هاد البيانات ويرتبها ف مقال قصير قابل للتكبير.

ف 2014, Lsjbot كان كتب أكثر من 2 مليون ونص مقال ف ويكيبيديا. كلها باللغة السويدية. بمعدل 10 الاف مقال ف النهار.

Johansson مهتم بالبيولوجيا والحيوانات. لذلك, الـ bot كتب مقالات على جميع أنواع الطيور اللي كاينة ف العالم. بالاضافة لجميع أنواع الفطر المعروف ف العالم.

من بعد ويكيبيديا السويدية, ومن بعد ما جعل عدد مقالاتها كتقفز فجأة لتاني أكبر نسخة ديال ويكيبيديا ف العالم, داز للغة الزوجة ديالو: Cebuano.

الـ Cebuano لغة كتهضر ف الفيليبين. عدد متكلميها تقريبا 25 مليون مواطن كينتميو لمجموعة إثنية صغيرة. لغة ما مكتوباش بزاف قدام اللغة الرسمية ديال البلاد.

لكن, ف ويكيبيديا الامر مختلف تماما, السيبوانو عندها أضعاف مقالات الـFilipino, اللي لغة وطنية.

5 ملايين مقال مقابل فقط 80 ألف ديال الفيليبينو. الغالبية العظمى منهم من كتابة Lsjbot.

وهاد الشي كلو, بسبب مواطن سويدي بغا يعبر عن الحب ديالو لمرتو عن طريق جعل لغتها الام كتتصدر لغات ويكيبيديا من حيث الكم.

طبعا, كاين انتقادات بزاف للـBot اللي دار يوهانسن. البعض كيشوف الامر أنه غش, والبعض الاخر كيشوف أن المنتوج كيكون ضعيف وركيك نظرا لانه autogenerated, لكن يوسهانسن كيجاوبهم: my view on it is that everyone uses different tools to write and I use slightly sharper tools than most.

 

المصدر: الواشنطن بوست, The Local

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
2
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

هاد السيد كتب أكثر من 5 ملايين مقال ف ويكيبيديا!

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in