5 أنواع ديال الناس كيتفرجوا ف الكورة ف القهوة

غادي تصادفهم ف أي قهوة مغربية


Want create site? Find Free WordPress Themes and plugins.

تصفيات كأس العالم بدات, والبطولات الاوروبية غادي تبدا. الموسم الكروي على الابواب, وهذا بلا ما ننساو كاس العالم 2018 اللي ما بقالو والو.

كشاب عمرو بين 17 و 35 عام, نسبة أنك تكون كتتفرج ف الكورة ولا كتتصادف مع الكورة ف القهوة كبيرة بزاف.

غالبا غادي تكون لاحظتي هاد الانواع ديال بنادم:

1. اللي كيشربوا POMS ولا Fanta

كتكون القهوة كالم عامرة غير بالناس اللي كيشربوا القهوة. حتا فجأة كتولي تبانلك غير بومس أو فانتا, أو أي موناضة اخرى مشابهة (من الافضل يكون لونها أخضر) .

هذو ناس غَير مدمنين على الكافيين, وزبناء موسميين. كيجيو غير ف وقت الماتشات وكيشربوا غير الموناضة.

2. “زيد ف الصوت أخويا”

بحال دوك الزبناء الموسميين اللي الفوق لكن هذو the next level. الكورة بالنسبة لهم هو صوت الشوالي. الصورة غير كافية بالنسبة لهم.

الصوت كيكون واصل للقهوة المجاورة, لكن مصرّ على أن السرفور يزيد يعلّي الصوت باش ما يفلتلو حتا detail ولو بسيط.

3. اللي كيخليو البلاصة

هاد النوع عجيب بزاف.

كيجي قبل الماتش بساعتين, ياخد بلاصة ويمشي يسافر. من بعد انطلاق الماتش ب 10 دقايق كيجي يبغي بلاصتو, والاجمل هو ايلا زربلو عليها شي واحد, هنا كتتحول القهوة لحلقة ديال برنامج مداولة.

4. اللي كينوضوا بزاف

هاد النوع ما كيقدرش يجلس ﻷكثر من 10 دقايق بلا ما ينوض. كل مرة خاصو ينوض ويغطي عليك التلفازة. كل مرة كينوض لبلاصة. يا إما الطواليت, يا إما يصلي, يا يمشي يجيب الملوي.

المهم, مع كل محاولة ديال هدف كتشوف راسو الدائري بلاصة الكورة.

5. اللي كيفهموا أحسن من المدرب

هذو ناس Hardcore  ودوزوا نص حياتهم ف القهوة. كيفهموا ف الكورة بزاف, لدرجة أنهم كيعرفوا أحسن من المدرب والطقام التحليلي ديال BeIN  Sports و MARCA, غير هو للأسف الحياة ظلماتهم وما داوش البالون دور ف شباباهم.

هاد النوع ماشي ضروري تكون كتعرفو باش يهضر معاك. هو غادي يجي حتا لعندك ويحلل لك الماتش ويقول لك اش كان خاص المدرب يدير, بحال مثلا يدخل فلان ويخرج علان, ولا يرجع المهاجم للدفاع ويطلع المدافع للهجوم.

ادا خسرت الفرقة ف السبب الفريق الاخر كان عيان, وادا ربحت ف السبب هو أن المدرب دار داك التعلميات ديالو.

 

عجبك المقال؟ Support ـينا بالبارطاج ولا بلايك للصفحة ديالنا من هنا
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
4
هاهاها
جيم جيم
0
جيم
أو إم دجي أو إم دجي
2
أو إم دجي
واضفّاك؟ واضفّاك؟
2
واضفّاك؟
ديسلايك ديسلايك
0
ديسلايك
لايك لايك
0
لايك

5 أنواع ديال الناس كيتفرجوا ف الكورة ف القهوة

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in