هاد الـ 4 شركات كتتسابق باش توفر لك الانترنت مجانا!

من الفضاء وبلا الحاجة لشركات الاتصال.


Want create site? Find Free WordPress Themes and plugins.

عندك مشكل ف الدبي ديال الانترت؟ ولا مدينتك فيها ريزو الطوراجي ناقص بزاف؟ عمرك حلمتي بأنترنت فضائي يوصل لاي بلاصة مشيتي ليها؟

كلنا كان عندنا هاد الحلم ف فترة أو أخرى ف حياتنا. كلنا حلمنا بأنترنت سريع بلا صداع شركات الاتصال.


لحسن حظنا, الحلم قريب يتحقق, وشركات رائدة ف مجالها خدامة على هاد الفكرة

بون, فابور ماشي حرفيا. ماكاينش دابا مصادر كتشرح كيفاش غادي يكون المقابل, لكن غالبا غادي يكون الخلاص, بطريقة أو بأخرى, سواءا باشتراك أو عن طريق الاشهار.

على أي, الاهم ف هاد المشاريع هي أنها غادي توفر لك الانترنت ف جميع قنات الكرة الارضية وعمرو الريزو ما ينقص. أنترنت فضائي لجميع البشر.

هذي أهم 4 مشاريع حالية لتزويد العالم بالانترنت الفضائي:

1. oneWeb

شنو هو بالضبط oneWeb؟

باختصار هو مشروع هدفو زرع 648 قمر صناعي قد التلاجة ديال داركم (أو أكبر/أصغر شوية) ف الفضاء على بعد 1200 كيلومتر, باش يوزع الانترنت على الكرة الارضية.

شكون مورا المشروع؟

المشروع موراه Greg Wyler, الـ Entrepreneur اللي كان خدام ف Google سابقا, بالشراكة مع شركة Airbus. إيرباص غادي تتكلف بصناعة الاقمار وتطلقها ف الفضاء.

هاد الاقمار اللي غادي تكون موزعة حول الكرة الارضية, غادي ترسل الاشارات ديالها لمستقبلات ف الارض, اللي بدزرها غادي تحولها لاشارات انترنت (ويفي ولا 4G).

حاليا الشركة ديجا بدات ف انتاج هاد الاقمار ف ولاية فلوريدا بأمريكا. ومن المتوقع ف 2018 يتم اطلاق أول قمر صناعي للفضاء. ما بقا والو!

 

2. SpaceX

شنو هو بالضبط SpaceX؟

تماما بحال OneWeb, غير الفرق الاقمار الصناعية أكبر وعددها 4000. غادي تكون موزعة ف الفضاء حول الارض باش توصلنا بالانترنت فينما كنا ف الكرة الارضية.

شكون مورا المشروع؟

سبايس أكس طبعا معروفة. ديال مولاها الغني عن التعريف Elon Musk. شركة رائدة ف صناعة الاقمار الصناعية.

Richard Branson, المستثمر المعروف مول Virgin, حتا هو داخل ف المشروع مع إلن ماسك.

الشركة مقرها أمريكا طبعا, وديجا بدات ف الخدمة, وعندها الموافقة ديال السلطات الامريكية لتسويق الانترنت. من المتوقع ف عام 2019 يتم إرسال الاقمار الصناعيةللفضاء, و ف 2024 يكون المشروع واجد 100%.

3. Loon

شنو هو بالضبط Loon؟

Loon شوية مختلف على باقي المشاريع, بدل الاقمار الصناعية خدام ببالونات كبيرة مطلوقة ف الفضاء. هاد البالونات مطلوقة بلا أي تحكم من البشر على علو 30 كيلومتر, هي وفين داتها الاقدار.

شكون مورا Loon؟

المشوع موراه X, اللي هي semi-secret research-and-development facility ديال Google. هي نفسها اللي طورت Google Glass.

ديجا طلقوا بالونات ف البيرو, لكن يبدو أن المشروع ماشي هو الاولوية ديال X دابا. التقدم بطيئ بزاف.

4. Aquila

شنو هو بالضبط Aquila؟

عكس جميع المشاريع الفوق, Aquila مشروع كيعتمد على الـ Drones بدل الاقمار الصناعية ولا البالونات. أكيلا هو إسم الدرون.

شكون مورا المشورع؟

الفيسبوك هو مول المشروع ظمن internet.org, المشروع اللي هدفو توفير الانترنت لجميع العالم عن طريق طائرات صغيرة داتية القيادة.

ف ماي اللي فات المشروع طلق تاني Drone ديالو للسما بنجاح [TechCrunsh]. مدة الطيران كانت فقط ساعتين, مدة قصيرة بزاف مقارنة بالمدة المرجوة ديال أشهر.

ما كاينش تاريخ محدد امتا غادي يبدا التسويق العمل رسميا, لكن مازال وقت بزاف قدام المشروع باش يوليو الدرونز يبقاو ف السما أشهر.

خلي الـ Vote ديالك

2 نقط
Upvote Downvote

مجموع الاصوات: 4

Upvotes: 3

Upvotes percentage: 75.000000%

Downvotes: 1

Downvotes percentage: 25.000000%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هاد الـ 4 شركات كتتسابق باش توفر لك الانترنت مجانا!

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…