علاش موالين الحوانت كيتعطلوا من بعد العيد؟

أخيرا الجواب على السؤال الاسطوري.


Want create site? Find Free WordPress Themes and plugins.

ما يمكنش تكون ساكن ف مدينة كبيرة ف المغرب وما تكونش لاحظتي ولا تسائلتي مع راسك علاش موالين الحوانت كيتعطلوا بزاف من بعد العيد.

العيد نورمالمون 3 يّام, والمفروض النهار الرابع يصبحوا حالين. لكن السفر كيستعمر عند البعض حتا لشهر.

رغ أنه ما كايناش إحصائيات, لكن يمكن لنا ببساطة نلاحظو أن أغلب الناس اللي خدامين ف الحوانت ف المدن الكبرى ف المغرب منحدرين من منطقة سوس.

لذلك, باش نفهمو الظاهرة بعمق ونجاوبو على السؤال, هضرنا ف الفيسبوك مع الشخصية الفيسبوكية الظاهرة موحماد مول الحانوت. طبعا, مع موحماد الاصلي مول الفكرة ديال الشخصية, ماشي المقلدين منعدمي الابداع اللي كتروا من بعد ما تبلوكا.

موحماد شخصية ديال إنسان تلاتيني من سوس خدام ف كازا ف حانوت. كيبوسطي تجاربو اليومية ورؤيتو للحياة من ورا الكونطوار بلغة الكارنيات, كيفما كيسميها, واللي هي لغة دارجة مكتوبة بطريقة تحاكي طريقة كتابة موالين الحوانت ف الكارنيات ديال الكريدي.

رغم أنه كاين تضارب ف الاراء واش هو فعلا خدّام ف الحانوت ولا غير شخصية خيالية, اللي مؤكد هو أنه ضابط مزيان تفاصيل الدومين ومحتك بالناس ديال التجارة.

حسب موحماد مول الحانوت, صحاب الحوانت كيتعطلوا ف البلاد لعدة أسباب, أهمها (وبتصرف):

 

1. العطلة الوحيدة عندهم ف العام

موالين الحوانت ما عندهمش عطل رسمية بحال الموضفين. ديما خدامين سواءا ف العطل ولا لا, من الستة ديال الصباح للحداش ديال الليل.

المناسبة الوحيدة اللي كيسدوا فيها هي المناسبات الدينية. خصوصا العيد الكبير.

هاد الشي راجع لأن خدمتهم مهمة للاسر المغربية على طول العام. ما يمكنش مول الحانوت يسد النهار اللي تكون عندك نتا عطلة.

الخدمات اللي كيقدموا عليها الطلب على طول العام, لذلك المناسبة الوحيدة اللي عندهم, واللي كيحاولوا يستغلوها ما أمكن, هي مناسبة العيد الكبير.

2. ما كيخدموش بالعطل الرسمية

 

موالين الحوانت ما كيخدموش بالعطل الرسمية ديال الطلبة ولا الموضفين. الطلب عليهم يومي والحد حتا هو كيحلوا فيه. ما يمكنش مول الحانوت يسد نهار عيد العرش. غادي يخسر, وحنا غادي نتضررو. وما يمكنش كذلك يسد ف الصيف.

السفر ف الصيف كيعني خسارة مادية.

3. مناسبة للزواج

ماشي كلشي, ولكن نسبة قليلة بزاف كتستغل هاد الفرصة باش تتزوج حدا عائلتها, خصوصا وأن العيد ولى يجي ف السنوات الاخيرة مع الصيف, الموسم ديال الزواج.

الزواج طبعا ما يمكنش يتدار ف صيمانة, خاصو وقت بزاف. والعيد أحسن مناسبة.

4. البني والاعتناء بالاسرة والعائلة

من بعد عام طويل بعيد على الاسرة والعائلة والدار, بعض موالين الحوانت كيستغلوا عطلة العيد باش أنهم يبنيو ولا يقوموا باجراءات إدارية.

اللي باغي يشري ولا يبيع أرض, دار, ولا أي حاجة أخرى كيلقاها فرصة مناسبة وكيديرها ف عطلة العيد.

كذلك كيحاولو ما أمكن يدوزوا أكبر فترة مع الوالدين ويعتنيو بيهم, خصوصا وأن المجتمع السوسي مجتمع كيعطي للوالدين قيمة كبيرة, عكس المدن الكبرى.

5. الفرصة الوحيدة لصلة الرحم والالتقاء بالاصدقاء

بعض المناطق ف سوس أغلب الرجال البالغين فيها خدامين ف التجارة ف المدن الكبرى. العيد مناسبة عندهم يتلاقاو.

العيد كذلك فرصة لصلة الرحم وزيارة العائلة والاقارب اللي ما شاوفهمش لأشهر ولا لسنين.

6. ….أو ببساطة بغاو يرتاحوا ويتهناو من صداع الكليان والخدمة لأكثر من 10 ساعات يوميا.

…على براد ديال أتاي. وهذا من حقهم تماما!

لذلك, ادا شفتي مول الحانوت ديال حومتك تعطل ما حلش, حاول تتفهم, واعرف باللي راه ف البلاد كيقاد الامور ديال العام كامل باش نهار الكونجي/العطلة ديالك تلقاه حال وموجد لك الخبز والحليب على الكونطوار!

خلي الـ Vote ديالك

11 نقطة
Upvote Downvote

مجموع الاصوات: 53

Upvotes: 32

Upvotes percentage: 60.377358%

Downvotes: 21

Downvotes percentage: 39.622642%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
5
كيوت
هاهاها هاهاها
10
هاهاها
جيم جيم
6
جيم
أو إم دجي أو إم دجي
3
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
4
ديسلايك
لايك لايك
6
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

علاش موالين الحوانت كيتعطلوا من بعد العيد؟

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…