من شومور عايش بفلوس الشوماج, لواحد من أغنى الرياضيين بسبب صاحبتو

قصة Conor McGregor وصاحبتو Dee Devlin


Want create site? Find Free WordPress Themes and plugins.

أيام فقط (أو ساعات, حسب إمتا كتقرا) كتفصلنا عن النزال الاسطوري بين الملاكم الامريكي Floyd Mayweather والـ MMA fighter الايرلندي, Conor McGregor.

النزال غادي يتقام ف مدينة لاس فيكاس, وغادي يلعبوا على مئات ملايين الدولارات.

المبلغ غادي يتقسم بيناتهم حسب بزاف ديال الحسابات (لا داعي للدخول فيها).

غالبا سمعتي وقريتي بزاف هاد اليومين عليهم ف الفيسبوك ولا تويتر, وغالبا ما تارك والو.

طبعا, عارفين باللي ما عزيزش عليكم العنف ولا الدم.

البوكس آخر حاجة غادي تعجبكم. وحتا حنا صراحة البوكس آخر حاجة ممكن نكتبو عليها. وهذاك ماشي هو الهدف ديال المقال.

المثير والملهم ف هاد الشي هو قصة كونور وكيف وصل لهاد المرتبة. قصتو قطعا ملهمة وألهمت الملايين حول العالم.

كيفاش وصل لهاد المرتبة, وكيفاش صاحبتو وقفت معاه وتاقت ف قدراتو, ف الوقت اللي كان العالم ضدو, شي حاجة ماشي ديما كنصادفوها ف الحياة.

غالبا تخيلتيه شي واحد كبر ف أسرة غنية لقا الفرصة مناسبة ليه باش يدخل لعالم الاحتراف.

للأسف —أو لحسن الحظ — That’s not the case. كونور بدا من الزيرو, ووصل لهاد الشي بمجهودو.

Conor McGregor,  عمرو 29 سنة, تزاد ف أسرة فقيرة ف حي فقير ف دبلن عاصمة إيرلندا.

ماكملش قرايتو أكاديميا والحياة قدامو كانت مسدودة. بدا فورماسيون باش يولي بلومبي, لكن سمح فيها من بعد.

أول مرة Conor و Dee Devlin غادي يتلاقاو كانت ف 2008, كان عمرو 19 سنة, وكان مازال عايش ف إيرلندا.

فقير وحياتو كاملة دايرة على لونطريما ف لاصال والدار.

حسب ما صرح بنفسو للاعلام, المساند الوحيد ليه ف حياتو داك الوقت كانت صاحبتو Dee Devlin, اللي كانت عايشة معاه ف الدار, وكتسمع لأحلامو.

كانوا عايشين على إعانات الدولة. كاريين شقة برا مدينة دبلن ب 30 كيلومتر ب 188 أورو ديال الشوماج.

رغم الفقر وقلة الفلوس, ديي كانت كتحاول ما أمكن تحافظ ليه على حمية مناسبة للتدريب. كانت مآمنة باللي واحد النهار غادي يوصل, وخاصو ماكلة صحية.

Conor, it’s okay! You can do it!

من بعد نهار شاق ديال لونطريما ف لاصال, كان كيرجع وكيلقاها ف الدار, وكتقول ليه: “Conor, it’s okay! You can do it!”

 من بعد سنين ديال التدرايب والنزالات ف المنافسات المحلية, عام 2013 كونور لعب أول نزال ديالو ف الـ UFC, أكبر مناسفة إحترافية ديال الرياضة اللي كيدير ف العالم. طيح الخصم ديالو بالكاو من الجولة الاولى!

نزال من بعد نزال, كونور ولى من أهم مصارعي الـ UFC.

من شومور عايش ب 188 أورو,  لرياضي قيمتو 34 مليون دولار ف فترة وجيزة.

طبعا, ماشي الاغنى ف العالم, لكن هاد المبلغ كيدخلو ف ترتيب Forbes لأكثر الرياضيين دخلا لعام 2017. أغنى من رافاييل نادال وإبرهيموفيتش.

ولا, ماشي كاع الرجال كيسمحوا ف حب حياتهم بمجرد ما يوصلوا ويديروا الفلوس.

In fact, كونور والـ long-term girlfriend ديي Just had their first baby من بعدما تزوجوا بعد قصة حب عمرها أكثر من 8 سنين.

ف عدة تصريحات, كونور كيأكد أنه لولا Dee ما كانش يوصل لهاد الشي. ديما كيشكر وكيعترف بالدور المهم اللي لعباتو ف حياتو.

علاش كيدير هاد الشي؟

حيت “One day, I want myself and Dee to be able to chill on a beach and not have any worry in the world.”

حلم رب أسرة حقيقي!

وبالنسبة للبنات اللي عزيز عليهم الرومنسية, كونور رغم العنف والشراسة ديالو ف الحلبة, رومنسي ف حياتو الشخصية, و Dee كتقول:

He does surprise me with cooking, making healthy food for me, which is lovely!”

 

وسواءا كونور ربح النزال ضد مايوذر ولا لا, الأكيد هو أنه غادي يلقا ف الدار زوجة محبة وولدو كيتسناوه: it’s okay, daddy!

المصدر: Irish Mirror

التصاور من كونط Dee Devlin ف Instagram

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
3
هاهاها
جيم جيم
7
جيم
أو إم دجي أو إم دجي
4
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

من شومور عايش بفلوس الشوماج, لواحد من أغنى الرياضيين بسبب صاحبتو

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in