5 حوايج المغاربة سبقوا ليها الغرب before it was mainstream

وكانوا السباقين!


Want create site? Find Free WordPress Themes and plugins.

5 حوايج المغاربة سبقوا ليها الغرب وداروها before it was mainstream!

المقال ماشي جدي طبعا, لكن فيه جزء من الحقيقة.

أغلب هاد الافكار تمارست ف المغرب (و ف بلايص اخرين ف العالم أحيانا) بشكل أكثر بدائية, قبل ما تتطور مع التكنولوجيا وتولي ف الشكل النهائي ديالها الحالي.

 

1. الحلقة قبل الـ Stand-up comedy

قبل مايولي الستاند اب كومدي فن وصناعة قائمة بداتها, المغاربة مارسوه ف الهواء الطلق ولقرون.

الحلايقي ما هو إلا ستاند آب كوميديا تقليدي. كيخدم بنفس أسلوب الستاند اب كوميديان. كيكون عندو show محفوظ كيدور على الاسوق ويعاودوا لجمهور مختلف كل مرة.
الفرق الوحيد بين الستاند اب كوميدي والحلقة هو طريقة الخلاص. ف الستاند اب كومدي خاصك تخلص باش تتفرج, أما ف الحلقة تفرج وعاد خلّص.

2. الموقف قبل LinkedIn

الموقف بدا ينقرض. هو بلاصة كتكون على الشارع فين الحرفيين والناس اللي كيديروا الخدامي البسيطة, كيمشيو يوقفوا ف تجمعات في انتظار الكليان.

الصباغ, مثلا, كيحط سطل الصباغة ويمشي يريح ف الظل. الكليان اللي باغي صباغ, كيمشي عندو ديريكت يتفهموا على التمن والتفاصيل.

لينكدن تابع نفس الفكرة تقريبا. كتحط سطل الصباغة ديالك, ف حالتك اش قريتي واش درتي (CV), وكتساين الكليان اللي باغي خدماتك يجي عندك.

ف نفس الوقت, وبحال الصباغ, كتكبر دائرة معارفك وكتتعارف مع الحرايفية بحالك ف السيت, أو الموقف.

3. الخطافة قبل Uber والـ covoiturage

الخطافة هوما هذوك الناس اللي كيهزوا البلايص بطونوبيلاتهم الشخصية بلا ما تكون عندهم رخصة.

رغم أنهم مختلفين على Uber, لكن كيتشاركوا ف كره صحاب الطاكسيات ليهم. الخطّافة هوما الكابوس ديال صحاب الطاكسيات.

الخطافة كذلك سبقوا مفهوم الـ covoiturage.  المغاربة كانوا كيخطفوا البلايص before it was mainstream.

4.  الجوطية قبل eBay

إيباي من أشهر المواقع الالكترونية فين تقدر تلقا أي حاجة قديمة. نقدرو نوصفوه بأنه Amazon ديال القديم.

تماما بحال ف الجوطية, ف إيباي غادي تلقا ملايين البياسات القدية واللي مواليها باغيين يبيعوها. وتقدر حتا نتا تبيع ديالك.

قبل ما يجي eBay, المغاربة كانت عندهم الجوطية ديجا, وباعوا وشراو ف البياس القديم اللي ما عندهم ما يديروا بيه.

5. القيسارية قبل الـ Malls

 

قيسارية المغرب هي الاسم المغربي ديال موركومول.

المول ببساطة هو مكان كبير كتجي ليه الماركات العالمية تحل فيه محلات ديالها مقابل مبلغ مالي محدد. بحال السوق ولكن ديال العلامات التجارية.

القيسارية كتخدم بنفس الفكرة, وسبقت المولز. القيسارية حتا هي مكان كبير كيجيو ليه التجار والحريفية والصنايعية المعروفين ف المنطقة يديروا فيها محلاتهم.

خلي الـ Vote ديالك

2 نقط
Upvote Downvote

مجموع الاصوات: 2

Upvotes: 2

Upvotes percentage: 100.000000%

Downvotes: 0

Downvotes percentage: 0.000000%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
0
كيوت
هاهاها هاهاها
5
هاهاها
جيم جيم
1
جيم
أو إم دجي أو إم دجي
0
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
2
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

5 حوايج المغاربة سبقوا ليها الغرب before it was mainstream

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…