4 كلمات تركية وفارسية ف الدارجة كتستعملها ف حياتك اليومية

بلا ما تعرف أصلها


Want create site? Find Free WordPress Themes and plugins.

من الحوايج اللي كنفتخرو بيها كمغاربة (ماشي كلنا طبعا ولكن أغلبنا) هي أننا عمرنا ما كنا تابعين للامبراطورية العثمانية.

المغرب لقرون بقا مستقل وغير تابع لتركيا.

عكس الدول اللي كانت تابعة للاحتلال العثماني, دارجتنا بقات منفصلة على اللغة التركية وما دخلوهاش كلمات عثمانية.

لكن هذا ماشي صحيح 100%. مع الوقت دخلونا كلمات تركية وفارسية (عن طريق الاتراك) وولاو جزء من لغتنا اليومية اليوم بلا ما نحسو.

هاد الكلمات, ولو أننا غير متأكدين, ولكن غالبا دخلونا عن طريق الدزاير.

هذي لائحة بهاد الكلمات التركية والفارسية اللي كتستعمل ف حياتك اليومية بلا ما تعرف أصلها:

1. طنز

وي, طنز كلمة ماشي مغربية محلية للأسف.

الكلمة فارسية ومعناها بحال المغرب, التهكم أو الـ irony بالانجليزية. الكلمة مازال مستعملة ليومنا هذا ف اللغة الفارسية.

تكتب طنز ف Google غادي يخرجلك اغلب المقالات بالفارسية.

كيفاش حتا وصلت للمغرب؟ غير معروف بدقة, لكن غالبا عن طريق اللغة التركية العثمانية من الدزاير.

2. نيشان

نيشان رغم أنها كاينة ف اللغة العربية بمعنى مشابه, إلا أن المعنى التركي هو الاقرب للاستعمال المغربي. نيشان ف العربية عندها علاقة بالحرب, بينما ف التركية كتعني الهدف المستقيم بصفة عامة.

الكلمة كاينة فقط ف المغرب والدزاير. على أي, أصل الكلمة البعض كيرجعوه للعربية والبعض الاخر للتركية العثمانية.

3. طاشمة

طاشمة غالبا كتمشي مع ولاد ولا *ـحاب. غادي تسمعها ف جمل بحال “طاشمة ديال الولاد“, ولا “طشامة ديال الـ*ـحاب“.

المقصود بيها هو بزاف. أو العدد الكبير فوق التوقع.

الكلمة أصلها تركي, taşma, بمعنى جارف, أي بعدد فوق المعتاد ومتدفق. طاشمة مستعملة حتى ف الدزاير, وغالبا من تم فين دخلت للدارجة المغربية.

4. طبسيل

هاد الكلمة المغاربة غيروها شوية. أصلها تبسي, tepsi. مازال مستعملة ليومنا هذا ف الدزاير (طبسي) وتونس وعدة دول أخرى كانت تابعة للعثمانيين.

التبسي هو الطبسيل. المغاربة زادوا اللام ف اللخر وحولوا التاء لطاء.

الكلمة تستعمل ف الاصل لاشارة للأواني الصينية. وكاينة حتا ف اليونانية والبلغارية وعدة دول غير عربية كانت تابعة للامبراطورية العثمانية.

 

كاين كلمات آخرين ف الدارجة أصلهم تركي ولا فراسي ما دركناهمش؟ بارطاجيهم معانا!

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
1
ديسلايك
لايك لايك
0
لايك

4 كلمات تركية وفارسية ف الدارجة كتستعملها ف حياتك اليومية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in