6 حملات إشهارية دارت الـ controversy بعد اطلاقها

قبل من حملة If you still don't speak English سير تموت


Want create site? Find Free WordPress Themes and plugins.

حملة إشهارية ديال مركز خاص لتعليم اللغة الانجليزية, خلات جزء من الفيسبوك المغربي يفقد أعصابو ويطالب بايقافها من الشوارع بدعوى التشجيع على الانتحار.

الاشهار بسيط وكينظمن 2 جمل. واحدة بالانجليزية والاخرى بالدارجة. If you still don’t speak English سير تموت, مع صورة مرسومة ديال انسان كيحاول ينتحر باستعمال مسدس.

هل الجملة فيها فعلا تشجيع على الانتحار ولا لا كيبقا نقاش قانوني وفلسفي ماشي من اختصاصنا, لكن هذي ماشي أول مرة حملة إشهارية تدير ضجة وتخلق الحدث بسبب محتواها.

هذي مجموعة حملات الاشهارية اللي دارت الضجة عالميا بسبب رسالتها اللي بزاف شافوها offensive ليهم ولا لمجموعة بشرية:

 

1. إشهار ديال Dunkin’ Donuts

إشهار ديال سلسلة مطاعم Dunkin’ Donuts ف التايلاند. دار ضجة بسبب الصورة اللي فيه.

المشكل؟

الصورة كتبان فيها مرا أسيوية دايرة ماكياج كحل باش تبان بحال إفريقية, وهازة ف يديها  Donut.

التصويرة جزء حملة إشهارية مكونة من صور وفيديوات الشركة سحبتهم بعد الاحتجاجات.

2. إشهار ديال UNITED COLORS OF BENETTON

عام 2000, شركة UNITED COLORS OF BENETTON, ديال الملابس, دارت حملة إشهارية باستعمال 26 سجين محكوم عليه بالاعدام.

المشكل؟ استغلال ناس محكوم عليهم بالاعدام, وتأكيد الستيريوتايب (ف الصورة اعلاه) ديال الجريمة بين الامريكيين السود.

3. إشهار ديال Sisley

شركة ديال ملابس نسوية دارت حملة اشهارية فيها 2 نسا. الامور حتا لهنا عادية.

لكن المشكل كاين ف الجركة اللي كيديروا, واللي كتشبه لاستنشاق الكوكايين. هذا بالاظافة لـ Fashion Junkie اللي تحت اسم الشركة.

الحملة اتهمت بانها كتشجع على ادمان المخدرات القوية.

4. إشهار ديال Versace

جيجي حديد ف إشهار ديال فرزاتشي كأم مع راجلها و 2 ولادها.

حتا لهنا كلشي مزيان وطبيعي.

المشكل كاين ف أن جيجي حديد ملي خرج الاشهار كانت فقط 21 عام. الولاد اللي معاها على الاقل 6 سنين.

أي أنها ولدت على عمر 15 عام. الشي اللي خلى بزاف يحتجوا على الاشهار باعتبارو كيشجع القاصرات على الحمل ف المراهقة.

5. إشهار ديال Ford

إشهار ديال فورد. ما يستاهلش شرح بزاف. المشكل فيه واضح.

فورد عنونت الحملة الاشهارية ديالها بـ Leave all your worries behind.

الجمل فيها إبداع وحس فكاهي, لكن ف نفس الوقت خلقت –بالاضافة للتصويرة– ضجة.

6. إشهار ديال MTV Brasil

مع الاسف التصويرة اللي لقينا أونلاين الكاليطي ديالها هابطة بزاف. لكن التصويرة من حملة إشهارية ديال قناة MTV البرازيل.

التصويرة كيبان فيها Homeless كيتفرج ف انهيار WTC ف أحداث 9/11.

وقدام البرجين مكتوب “2863 ميت”, بينما قدام السيد مكتوب بنفس الخط: “630 مليون ديال الجائعين ف العالم!”

الاشهار دار ضجة وتمنع من النشر ف أمريكا بسبب عدم حساسيتو من الاحداث اللي قتلت الاف الأمريكيين.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
1
هاهاها
جيم جيم
2
جيم
أو إم دجي أو إم دجي
2
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
3
لايك

6 حملات إشهارية دارت الـ controversy بعد اطلاقها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in