5 خطوط عربية مودرن خاص تكون عندك

بدل الخطوط التقليدية البشعة


Want create site? Find Free WordPress Themes and plugins.

الخط العربي من أجمل الخطوط ف العالم. الكاليغرافي العربي فن قائم بداتو ومشهور عالميا. متاحف ومعارض كتتقام ليه وكتجدب الاف الزوار.

مع تطور التكنولوجيا, الخط العربي, وبحال اللغة العربية للأسف, ما قدرش يساير التطور السريع.

لسنين, الخط الوحيد اللي متوفر ف أغلب الحواسيب هو الخط التقليدي ديال Arial. اللي أقل ما يمكن القول عنو أنه بشع.

أغلب البوسترز اللي كنشوفو اليوم ديال الافلام المغربية, مثلا, مخدومة بخطوط تقليدية بشعة.

الامر وصل حتا للمحتوى أونلاين. الغالبية العظمى ديال المواقع وقنوات اليوتوب المغربية كيخدموا بالخطوط الـ by default.

على أي, الامر شوية مختلف ف الشرق الأوسط.

لكن لحسن الحظ, ف السنين الاخيرة ومع تزايد الاهتمام بالمحتوى البصري, ظهروا عدة فنانين عرب ووكالات تصميم اللي أحيو الخط العربي وخرجاتو من البشاعة اللي كان فيها.

أغلب هاد الفنانين والوكالات, surprise surprise, يا مصريين يا لبنانيين.

ف نيووز. من النهار اللول كان من ظمن أهدافنا الابتعاد ما أمكن عن الخطوط العربية التقليدية, اللي ما كتسايرش الـ trends البصرية أونلاين. ومحاولة خلق هوية بصرية أنيقة باستعمال خطوط حديثة.

هنا جمعنا لكم 5 خطوط عربية حديثة اللي ممكن تستعملوها ف مشاريعكم, سواءا المجانية أو الربحية (خاصكم تشريو النسخة التجارية من مواليها), بدل الخطوط البشعة اللي كاينة عند كلشي.

1. خط جذوور

هذا هو الخط اللي كنستعملو ف نيووز. Flat Font تحديدا.

خط, كيفما كيقول إسمو, مناسب للـ Flat Design. النوع ديال الديزاين المستخدم أونلاين.

الخط متوفر مجانا هنا. ونسخ أخرى منو تقدرو تلقاوها ف نفس الموقع.

2. خط القاهرة

خط القاهرة خط مودرن أنيق كيدعم الحروف العربية واللاتينية. خط مناسب للعناوين والنص.

من تصميم المصري Mohamed Gaber كنسخة لخط لاتيني ديالو ديجا لقا نجاح.

المصمم حاط الخط على صفحتو على موقع GitHub, فين تقدرو تطيليشارجيو الخط ولا تساهموا معاه ف تطويرو.

3. خط الجزيرة

 

هذا هو الخط الجديد ديال قناة الجزيرة الجديد. خط مناسب للعناوين العريضة اللي باغي المتلقي يكتشفها هي اللولى. بالاضافة للنصوص العادية.

الخط غير مجاني للاسف لكن تقدر تقلب عليه أونلاين على مسؤوليتك للاستعمال الشخصي.

4. خطوط Droid Arabic

باسكال زغبي هو Type designer من بيروت مؤسس 29Letters, واحد من أكثر ستوديهات الخط إبداعا ف العالم اللي كيستعمل الخط العربي.

الستوديو صمم عدة خطوط من أهمها Droid Arabic, اللي هو خط عربي موجه لمنتجات Google.

الدرويد أربيك كوفي, أو نسخ, تقدرو تلقاوه أونلاين هنا, وهو متاح للاستعمال الشخصي مجانا. خط مناسب للعناوين العريضة.

أما اللي باغي خطوط للاستعمال التجاري وبمقابل, فيقدر يلقا هنا ف موقع 29Letters.

5. خطوط نادين شاهين

نادين شاهين ماشي إسم الخط, ولكن إسم المصممة مولات عدة خطوط عربية.

الـ type designer اللبنانية كتخدم على العلاقة بين الخط اللاتيني والعربي. دارت نسخ عربية لعدة خطوط لاتينية مشهورة, بحال Helvetica مثلا.

جميع خطوط نادين بالفلوس. كيفوت تمنهم  2000 درهم, لكن يستاهلو كل سنتيم.

أهم خط دارت نادين ف رأينا, واللي يستاهل الفلوس من أجل مشروعك الربحي, هو خط ITC Handel Gothic Arabic.

خط أنيق وسلس ف القراية, غادي يعطي هيبة ﻷي حاجة كتبتيها بيه!

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
0
هاهاها
جيم جيم
2
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
11
لايك

5 خطوط عربية مودرن خاص تكون عندك

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in