أهم 4 شخصيات ف الموسم التالث من Fargo

Don't worry. NO spoilers.


FARGO -- Year 3 -- Pictured (l-r): Goran Bogdan as Yuri Gurka, David Thewlis as V.M. Vargas, Andy Yu as Meemo. CR: Chris Large/FX
Want create site? Find Free WordPress Themes and plugins.

الموسم التالث من مسلسل Fargo كمل نهار 21 يونيو. الفينالي دازت على قناة FX وتفرج فيها مليون و 200 ألف أمريكي.

كيفما عارفين الناس اللي تابعوا المسلسل, هاد الموسم كيجي من بعد موسمين سابقين بنفس الاسم (ولكن قصص مختلفة). فيه 10 حلقات كذلك.

القصة غير مرتبطة كيف العادة بالموسم اللي قبل منها, رغم ان العنوان نفسو. وغيرمرتبط كذلك حتا بالفيلم ديال الاخوين كوّين.

الشي الوحيد اللي كيربط المواسم التلاثة ببعضياتها وبالفيلم هو الاسم, وكون أحداثها كتدور ف ولاية مينسوتا ف أمريكا.

للموسم التالث, الكاتب Noah Hawley, كتب قصة مختلفة تماما. قصة بشخصيات جديدة وموضوع مختلف كليا.

هذي لائحة بأهم 4 شخصيات غادي تكتشفها ف هاد الموسم. وما تخافش, ما كاينش الـSpoiler.

1. Emmit Stussy

مستثمر شاب لاباس عليه. مزوج وسعيد ف حياتو, عايش الحياة اللي ممكن يتمناها أي راجل.

إميت خدام ف مجال الـ Parkings وعندو أكبر شركة ف منسوتا ديال الباركينكز. كتدخل ليه أرباح مهمة.

لكن للاسف شركة إميت, Stussy Lots, عليها كريدي من واحد الشركة من عامين خاصها ترجعو.

واحد النهار غادي يجي واحد السيد من عند الشركة اللي مسلفاه. إميت غادي يبغي يخلصو كاش حيت الفلوس موجودة, لكن المرسول غادي يرفض لسبب حتا واحد ما كيتوقعو, وغادي تبدا المشاكل لإميت والشريك ديالو من هاد اللحظة.

إميت كيلعب الدور ديالو الممثل  Ewan McGregor.

2. Raymond Stussy

رايموند ستاسي, أو راي إختصارا, هو الاخ الصغير “الفاشل” ديال إميت. كيخدم probation officer. عكس خوه اللي لاباس عليه.

راي وإميت عندهم مشكل وبيناتهم حزازيات بخصوص الارث. هاد الخلاف غادي يخليهم ديما مدابزين وغادي يشكل نقطة فاصلة ف القصة.

دور رايموند ستاسي كيلعبو كذلك Ewan McGregor.

3. Nikki Swango

مجرمة سابقا, ومصاحبة مع رايموند. تصاحب معاها لانه كان الـ probation officer ديالها.

راي ونيكي كيبغيو بعضياتهم وناويين يتزوجوا, لذلك غادي يشكلوا تنائي اللي غادي يدير مغامرات بزاف باش يوصل لحلمو.

نيكي غادي تلعب دور مهم ف صراع راي مع خوه.

الدور كتلعبو الممثلة Mary Elizabeth Winstead .

4.  V.M. Varga

هاد الشخصية هي أحسن شخصية ف هاد الموسم حسب أغلب اللي شافوا المسلسل.

V.M Varga, واللي الـ V.M غير معروف معناهم, هو شرير القصة والموسم.

عندو لكنة بريطانية وسنان موسخين وعوجين. فاش خدام ف الحقيقة ما معروفش تحديدا من غير انه خدام ف شركة ديال الصبابط سميتها Narwal. أصلو ومنين جا كلها أمور غامضة.

V.M Varga عندو 2 مساعدين, واحد من لكنتو روسي, والتاني أسيوي. ديما كيتحرك ف طونوبيل تابعها رموك طويل.

دور فارغا كيلعبو الممثل البريطاني David Thewlis.

خلي الـ Vote ديالك

4 نقط
Upvote Downvote

مجموع الاصوات: 4

Upvotes: 4

Upvotes percentage: 100.000000%

Downvotes: 0

Downvotes percentage: 0.000000%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
0
كيوت
هاهاها هاهاها
1
هاهاها
جيم جيم
2
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

أهم 4 شخصيات ف الموسم التالث من Fargo

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…