10 تطبيقات خاصها تكون ف سمارتفونك

سواءا كتستعمل iOS ولا Android


Want create site? Find Free WordPress Themes and plugins.

سواءا كنتي كتستعمل اندرويد ولا الـ iOS, ضروري غادي تحتاج مجموعة تطبيقات باش تخدم.

عادة ملي كنشريو تلفون جديد, أو تطبيقات كنمشيو نطيليشارجيو هوما الواتساب والفيسبوك, ويمكن سنابشات وانستاغرام بدرجة أقل. لكن مع الوقت كتبان حاجتنا لتطبيقات اخرى.

Apps التواصل مهمين, لكن ماشي هوما كولشي. مع الوقت كنحتاجو apps اللي تسهل علينا الحياة وتنفعنا.

هذي لائحة بمجموعة Apps خاصها تكون ف سماتفونك:

1. Google Books

مجاني, ومتوفر ف Android و iOS

ادا ما كنتيش كتقرا خاصك تولي تقرا. وواحدة من الطرق باش تولي تقرا وستمتع بالقراية هو تبدل الطريقة التقليدية ديال الـ PDF, واللي أصلا كيضر ف العينين.

Google Books كيسوبورطي الـ PDF والـ ePub, هاد الصيغة الاخيرة كتقدر تغير فيه لون النص وخلفيتو والخط وحجمو الخ.

ف Google Books غادي تقدر تأقلم النص ديال الكتاب باش يناسبك وتقدر تكملو بالقراية بلا ما تتعنكش.

للاسف الكتوبة بالعربية بصغية ePub قليلة بزاف مقارنة مع اللغات الاجنبية, لكن واخا هكاك, دوك الكتوبة اللي متوفرين ب ePub كافيين كبداية للتأقلم على القراية.

2. Dropbox

مجاني, ومتوفر ف Android و iOS

كلنا ف مرحلة أو اخرى كنبغيو نخويو التلفون باش نلقاو مساحة خاوية لحوايج أهم, أو فقط باش نخبيو شي حوايج أونلاين وندخلو لهم من جهاز واحد اخر.

دروب بوكس كيعطيك امكانية رفع ملفاتك (مهما كان نوعها, تصاور, فديو, نص…الخ) للسرفر ديالو والدخول ليها من أي جهاز آخر.

المساحة المجانية محدودة, لكن تقدر تخلص باش تحصل على مساحة أكبر لملفاتك.

3. inbox by Gmail

مجاني, ومتوفر ف Android و iOS

ضروري غادي يكون عند الجيمايل, على الاقل باش تدخل للفيسبوك.

الصفحة ديال الجيمايل ف السمارتفون شوية معنكشة. ما غاديش تقدر تحل الايميلات بسهولة, وما غاديش تقدر تدير المسودات على خاطرك.

إينبوكس هو الحل اللي دارت Google للناس اللي كيستعملوا جيمايل. والملايين خدامين بيه يوميا.

4. Photos

مجاني, ومتوفر ف Android و iOS

فوطوز ديال كووكل. App كيمكن من أنك تدير الباك اب لتصاورك ف السرفر ديال كووكل.

شخصيا لقيت فيه شي تصاور من 2015 نسيت حتا امتا تصورتهم. تأبلوداو داك الوقت اوطوماتيكيا.

فيه خاصيات بزاف, بحال اشمن دوصي بغيتي يبقا يتأبلودا اوتوماتيكيا, واشمن كاليطي وواش غير ملي تكون ف الويفي ولا حتا الطرواجي (باش ما تتسالاش ليك).

كاينة خدمات بزاف كتبغي تدير نفس الخدمة, لكن كيبقا هذا هو الاحسن.

5. Google Drive

تصويرة من Androidcentral

مجاني, ومتوفر ف Android و iOS

تماما بحال Dropbox, لكن زايد عليه كونو من عند Google وكيخدم مع Android بسلاسة وبلا مشاكل.

Google Drive كيقوم (ايلا ) برفع و backing up لجميع الحوايج اللي كتدير ف سمارتفونك. من التصاور حتا للمودباسات ايلا كنتي كتخدم ب Google Chrome.

جميع هاد الشي تقدر تدخل ليه من الـ PC ديالك من بعد, وحتا حاة ماغادي تضيع لك.

6. Google Translate

مجاني, ومتوفر ف Android و iOS

كتتعلم لغة جديدة؟ عادة كتتصادف مع نصوص بلغات أجنبية وكتبغي تفهمها؟

الـ App ديال Google فيه خاصيات بزاف حسن من السيت.

تقدر من خلالو تطيليشارجي اللغة اللي بغيتي وتترجم اوفلاين. بالاضافة لامكانية حفظ لائحة الكلمات اللي ترجمتي باش تراجعها من بعد.

7. Reddit

مجاني, ومتوفر ف Android و iOS

ريديت كيعرف راسو بأنه the front page of the internet. موقع أمريكي داير بحال شي منتدى, كتقدر تناقش فيه وتبارطاجي فيه ارائك واللينكات والفيديوات حسب المجال اللي كيعجبك.

ايلا كتقدر تفهم الانجليزية (أو باغي تحسنها) ريديت فيه نقاشات واراء مفيدة بزاف. سواءا تافقتي معاها ولا لا, كتبقا دروس ف اللغة وآداب الحوار.

الـ App ديال ريديت يستاهل يكون عندك ف تلفونك حيت غادي يسهل لك الدخول وتصفح الموقع.

خصوصا ان الموقع شوية ناقص من ناحية الواجهة.

8. Imgur

مجاني, ومتوفر ف Android و iOS

إمدجر كيوصف راسو بـ The most awesome images on the Internet. عبارة عن community متخصصة ف نشر التصاور والـ GIFs (التصاور المتحركة) أونلاين. بالاضافة لخدمة رفع التصاور.

ف إمدجر تقدر تأبلودي التصاور من سمارتفونك بجودة عالية وتبارطاجيهم مع ملايين المستخدمين من العالم كلو, أو فقط مع صحابك عن طريق link تلوحولهم. أو ببساطة تخليهم مخبيين تما ف Albums حتا تحتاجهم شي نهار.

الكوميونتي ديال imgur فيها ناس مبدعين بزاف. غادي تلقا تصاور ترفيهية وميمز بزاف فيه, ومنو كتمشي للفيسبوك وباقي الانترنت.

9. Wikipedia

مجاني, ومتوفر ف Android و iOS

وي, الـ App ديال ويكيبيديا حتا هو خاصو يكون عندك ف السمارتفون ديالك.

جميع شركات الاتصال المغربية عندها الولوج لويكيبيديا فابو. ادا مشاتلك الكونكسيون وما لقيتي ما تدير, غادي تلقا ويكبيديا تدوز بيها الوقت وتاخد فكرة اولية على عدة مواضيع.

الـ app فيه عدة امتيازات مقارنة بالسيت. الواجهة ديالو زوينة, وكيمكنك من انك تحفظ المقالات اللي بغيتي.

10. IMDb

مجاني, ومتوفر ف Android و iOS

مادام راك كتقرا نيووز غادي تكون السينما والمسلسلات عزاز عليك.

IMDb اختصارا لـ The Internet Movie Database, موقع عبارة عن قاعدة بيانات على الافلام والمسلسلات الامريكية وبدرجة أقل العالمية.

الموقع كذلك متخصص ف تقييم الاعمال على 10 عن طريق تصويت الجمهور.

طبعا, التقييم ما كيكونش من طرف نقاد مثلا ولا ناس من الدومين, ولكن على الاقل كيعطيك فكرة بناءا على ذوق الملايين.

ف الاب كذلك تقدر تدير الـ Watchlist ديالك وتقيّم المسلسلات والافلام حسب دوقك.

خلي الـ Vote ديالك

10 نقط
Upvote Downvote

مجموع الاصوات: 18

Upvotes: 14

Upvotes percentage: 77.777778%

Downvotes: 4

Downvotes percentage: 22.222222%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
3
كيوت
هاهاها هاهاها
0
هاهاها
جيم جيم
1
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
2
ديسلايك
لايك لايك
3
لايك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

10 تطبيقات خاصها تكون ف سمارتفونك

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…