5 وقائع غريبة وعجيبة ف الأزمة الخليجية

4. عشرات الابل ماتت بسبب خلافات السياسيين


Want create site? Find Free WordPress Themes and plugins.

كلنا سمعنا وقرينا على الازمة والخلاف الشهير بين دول الخليج (الإمارات, السعودية و البحرين )و اللي انتهى بفرض الحصار على قطر منذ حوالي شهر.

بالإضافة لمصر,  اللي حتى هي علنات على الانضمام ديالها للدول المقاطِعة لقطر.

رغم المجهودات اللي قامت بيها عدة دول لحل النزاع و إذابة الخلاف، من بينها تركيا، الكويت، ودول أخرى, الدول المقاطعة تشبتت بالموقف ديالها, و فرضت شروط قاسية للصلح، و اللي رفضاتها قطر بطبيعة الحال.

حنا صراحة ف Neooz. ما شغلناش ف المشاكل السياسة ديال الدول, فقط أثار انتباهنا 5 مواقف عجيبة ومضحكة وقعت خلال هاد الازمة الخليجية, وبغينا نتشاركوها معاكم.

هذي أهمها:

1. اتهام قطر باللي كيستخدمو الجن و الشعوذة لحل الأزمة

اه، هادشي اللي قريتي صحيح!

هاد الإدعاءات اللي صرح بيه مراسل قناة العربية، الخليل ولد اجدود على الكونط الرسمي ديالو ف تويتر , ولات مثار سخرية و استهزاء ماشي ف قطر فقط بل ف العالم العربي ككل.

الخليل قال ان شيوخ قطريين استاعنوا بخدمات دجالين و مشعوذين من موريتانيا و السينيغال اللي كيخدموا بالسحر الأسود, تسخير الأرواح و تنزيل الجن لحل الأزمة مع دول الجوار، و دفعوا ليهم الملايين ديال الدولارات مقابل هاد الخدمات.

بطبيعة الحال المغردين مغاديش يسكتو، هاد التصريح الغريب دار ضجة ف تويتر.

وانتشر هاشتاگ #قطر_تتعامل_بالجن للسخرية من هاد المزاعم, و ضحكوا على الصحفي العجيب و قناة العربية مزيان.

على مايبدو سي الخليل تأثر بزاف بالخليل كوميدي (كتبو سميتو ف الفيسبوك ولا اليوتوب)

2. التعاطف مع قطر جريمة مصيرها السجن

من بعد إعلان الحصار, أعلنت الإمارات و السعودية على قانون كيعاقب بالسجن على أي مواطن إماراتي/سعودي كيتعاطف مع قطر أونلاين.

الحكم كيوصل ل15 سنة ف الإمارات،بالإضافة إلى غرامة مالية باهضة.

أما السعودية, فكتهدد المتعاطفين ب5 سنوات ديال السجن, و 3 ملايين ريال سعودي كغرامة. السؤال هو: علاش؟

زعما ميديروش هادشي مع داعش؟

3. السيسي هنأ قطر بالعيد على طريقتو الخاصة

 عقلتو فاش كنا صغار و كنكونو مخاصمين مع شي واحد مكنخليوهش يلعب معانا (خصوصا يلا كنتي مول البالون)؟

هكا دار السيسي. التهنئة ديال العيد على قناة مصر الرسمية كان كالتالي: مصر تهنئ الدول الإسلامية بالعيد إلا قطر.

هادشي كيعني حاجة وحدة: Sissi is the new Gadhafi!

تحديث: الصورة طلعت مفبركة, رغم أن مواقع وصحف بزاف نشروها.

4. السعودية ما كتفاتش بطرد المواطنين القطريين, طردات حتى الإبل و الأغنام القطرية كإجراء عقابي ضد الدوحة

تجرآت السعودية على طرد الآلاف من قطعان الجمال و الأغنام من المراعي اللي كانت كترعى فيها بدون قيود أو شروط, واللي كتواجد ف المناطق الحدودية.

المالكين ديال هاد القطعان اللي كيتقدر عددها ب25 ألف رأس, 15 ألف ديال الإبل و 10 آلاف من الأغنام.

لقاو راسهوم بين ليلة و ضحاها مطرودين نحو الصحراء القاحلة.

الشيئ اللي تسبب ف موت العشرات منها بسبب الجوع و العطش, بالإضافة إلى فقدان العديد منها.

السلطات القطرية حاولات تحتوي الوضع، ووفرت مراعي بديلة و مؤقتة ريثما توفر مراعي دائمة.

5. شائعات عن منع المواطنين القطريين من أداء الشعائر الدينية بالأراضي المقدسة

بعد قطع العلاقات الدبلوماسية مع الدوحة, أعلنت السلطات السعودية باللي ما غاديش تمنع الحج أو العمرة على المواطنين القطريين.

الشيء اللي تبين العكس ديالو بعدما منعت السلطات السعودية معتمرين قطريين من الولوج للأراضي المقدسة. صورو كولشي و تدار الفيديو ف Youtube.

زعما تقدر توصل بيهم الجرأة لهاد الدرجة و يمنعوهوم حتى من الحج اللي هو بيت الله و من حق جميع المسلمين يزوروه؟

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

5 وقائع غريبة وعجيبة ف الأزمة الخليجية

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in