ماجد والعربي الصغير: أهم 2 مجلات خلاو طفولتنا ممتعة

واللي ما قراهمش ف طفولتو ضيع بزاف!


مجلة العربي الصغير
Want create site? Find Free WordPress Themes and plugins.

75 ف المية ديال زوار الموقع ولا الناس ف الپاج عمرهم ما بين 18 عام و 27. جميل جدا! اصلا السيت موجه لهاد الفئة ونجحنا ف اننا نوصلو للفئة اللي بغينا.
اللي عمرهم بين 18 و 27 كلهم تزادوا ف التسعينات. داك الالفية الجميلة واللي خلات لنا دكريات نوستالجية زوينة.

حنا، جيل التسعينات، دوزنا طفولتنا قبل ما تولي التكنولوجيا متوفرة ومنتشرة بزاف بحال دابا.
طبعا كانت التلفازة والالعاب الالكترونية والانترنت، ولكن بدرجة اقل بزاف من دابا, واصلا خوك الكبير هو اللي كان عندو نصيب الاسد غالبا :'(

لذلك دوزنا  اغلب الوقت ف القراية (بالعربية, الفرنكفونيين موضوع آخر), خصوصا المجلات اللي عبارة عن comic strips.

من أهم هاد المجلات اللي بهرت جيلنا بألوانها وبرسومها الملونة كاين 2:

1. مجلة ماجد

مجلة ماجد

ماجد كانت هي نتفلكس ديال داك الوقت.
ايلا عندك عدد جديد ديال مجلة ماجد بحال ايلا عندك كونط Premium ف نتفلس و Spotify وكاع الخدمات أونلاين اليوم.

كل نهار أربعاء كان كيكون نهار خاص. اللي فيه المجلة كتصدر.

ماجد من أول المجلات ديال الكوميك ستريبس ف العالم العربي وأكثرها شهرة.

تأسست عام 1979 ملي والدينا كانوا أطفال ولا مراهقين, وبقات حتا قريناها حنا, وغالبا حتا ولادنا.

المجلة تأسست ف أبوظبي من بعد اكتشاف البترول ف الخليج مباشرة. طورت شخصياتها بالاضافة لتعريب شخصيات أجنبية, بحال فضولي اللي هو Where’s Waldo, ولا موزة الحبوبة اللي هي تعريب ل Nancy Ritz الامريكية.

بالاضافة للنصائح والمعلومات وركن التعارف, أغلب صفحات المجلة comic strips ملونة وفيها مواضيع أخلاقية.

من بعد سنين, ومع تطور الانترنت والاطلاع على كوميكس أجنبية, الكوميكس اللي دارت لنا ماجد كانت صراحة من مستوى عالمي.

ماجد اليوم ولات بالاضافة للمجلة قناة فضائية, لكن لجيلنا, القناة ما غاديش توصل لنفس جمال وامتاع المجلة الورقية, خصوصا ايلا تناوبتي عليها مع صحابك ف المدرسة.

2. مجلة العربي الصغير

مجلة العربي الصغير

العربي الصغير هو مجلة كتصدر مع مجلة للكبار سميتها العربي. كانت هي البديل ايلا ما كانش ماجد. بحال Pepsi ملي ما كتكونش Coke.

كتمشي تشري ماجد كتلقاها ما بقاتش, كتبغي تبكي وتبلعك الارض, ولكن كتسلم أمرك لله وتاخد العربي الصغير.

العربي الصغير وعكس ماجد ما كانتش كتركز بزاف على الكوميك ستريبس والالوان, بل كانت أغلبها نص ومعلومات تتقيفية وتصاور ديال اكتشافات علمية.

هذا عادي, لأنها كانت نسخة للصغار من مجلة تقافية موجهة للكبار. محاولة لتتقيف الاطفال بطريقة ترفيهية, ماشي العكس.

غياب الكوميك ستريبس ما خلاهاش تجدبنا (أو على الاقل أنا) بحال ماجد, اللي جمعت بين الافادة والترفيه البصري.

لحد الساعة أغلبنا كيتفكر الطفولة كيتفكر ماجد وماشي العربي الصغير.

 

كانت مجلات أخرى طبعا محلية وواحدة من تونس, لكن هاد الـ2 هوما اللي قدروا يأثروا فيا وف بزاف ديال الولاد والبنات من جيل التسعينات.

ايلا كنتي كتقرا شي مجلة أخرى من غير هذو, زيدها ف التعليقات التحت! 

 

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
3
لايك

ماجد والعربي الصغير: أهم 2 مجلات خلاو طفولتنا ممتعة

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in