عبد الحق نوري: المغربي اللي فاجعتو وحدت عشاق الكورة في العالم

وفرص تعافيه شبه منعدمة :(


Want create site? Find Free WordPress Themes and plugins.

“الامر ما يمكنش يزيد يكون أسوء من هاد الشي” كيفما قالت جريدة De Telegraaf الهولندية.

عبد الحق نوري لاعب كرة قدم واعد ف الـ 20 من عمرو, القدر ما بغاهش يكمل حلمو.

 

الدقيقة 71, فرقتو أياكس أمستردام رابحة ب 2-1 مبارة ودية ضد فريق Werder Bremen الالماني ف النمسا.

فجأة عبد الحق غادي يطيح ف الارض. الامر يبدو من الوهلة الأولى كأنه سقوط عادي ف كرة القدم. لاعب عيا ف ماتش وبغا يضيع الوقت شوية, خصوصا أنها مباراة ودية.

اللاعبين تجمعوا عليه واحد واحد باش يطمئنوا عليه ومنها يشربوا. لكن من حركاتهم مع الوقت بدا يبان ان الامر جدي وماشي سقوط عادي.

طبيب الفريق تدخل. ومن بعدو جات سيارة الاسعاف والفريق الطبي. من بعد 10 دقايق ديال اعطاء الاسعافات الاولية غادي يتم نقلو لخارج الملعب ف سيارة الاسعاف.

الامر زاد تأزم, وتم نقل اللاعب لصبيطار ف طيارة مروحية على وجه السرعة.

ساعات من بعد, الطبيب غادي يعلن أن الامر كيتعلق ب cardiac arrhythmia وأن الحالة مستقرة. الـ  cardiac arrhythmia هي اضطراب ف دقات القلب. الامر عندو علاقة بالقلب ادن.

من بعد صيمانة ف سبيطار, نهار 13 يوليوز, أياكس غادي تعلن أن عبد الحق جاه تلف حاد ف الدماغ غادي يعاني منو باقي حياتو!

الخبر صدم عشاق الكورة ف العالم كلو, خصوصا وأن اللاعب عمرو فقط 20 عام, وعاد بدا اللعب ف الفرقة اللولى ديال أياكس من بعد ما لعب ف الفرقة التانية.

عبد الحق حسب خوه ما كيقدر لا يتمشى لا يسمع لا يهضر لا حتا حاجة. شبه مشلول. حسب الاطباء جزء مهم من دماغو تدمر لعدم وصول الاكسجين ليه.

للاسف فرص العلاج والرجوع للحالة الطبيعية قريبة من الصفر, حسب الاطباء اللي داروا ليه التحاليل.

مستقبل عبد الحق الكروي اللي كان عاد بدا وجد مشرق, لكن للاسف تسالى ف البداية.

عبد الحق نوري عمرو 20 عام وتزاد ف أمستردام من أسرة مهاجرة مغربية. فاجعتو صدمت الجالية المغربية ف هولندا, وحتا عشاق كرة القدم ف العالم كلو.

جمهور الفريق تجمع بالالاف ف أمستردام لمساندة اللاعب وأسرتو ف محنتهم.

هاشتاغات بزاف تداولوهم مستخدمي تويتر والفيسبوك باش يعبروا على تظامنهم مع عبد الحق, أهمهم #StayStrongAppie اللي بوسطاو فيه أغلب نجوم كرة القدم والمشاهير المهتمين بالرياضة ف العالم.

 

 


Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

عبد الحق نوري: المغربي اللي فاجعتو وحدت عشاق الكورة في العالم

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in