4 Rock bands عربية خاصك تعطيها وقت وتسمعها

غالبا غادي تعجبك


Want create site? Find Free WordPress Themes and plugins.

باعتبارنا مغاربة, ذوقنا كان من ديما خليط بين الغرب والشرق. والدينا سمعوا لبوب مارلي وأم كلثوم رغم ان التكنولوجيا كانت مازال غير متطورة بحال دابا.

 حنا بدورنا كنسمعو هنا ولهيه, من الشرق والغرب.

الفن ف الشرق الاوسط تطور وما بقاش غير ام كلثوم وهيفاء وهبي, لذلك ف نيووز. خترنا لكم 4 فرق روك عربية تزيدوها ف البلاي ليست ديالكم:

1. مشروع ليلى

مشروع ليلى فرقة alternative rock لبنانية كتكون من 5 أعضاء.

تكونت مشروع ليلى سنة 2008 ف بيروت بالجامعة الأمريكية، وبانت مزيان ف الساحة الفنية خلال مهرجان الموسيقى ف نفس السنة.

كتعتبر مشروع ليلى من الفرق الأكثر نجاحا و شهرة ف العالم العربي، وعندهم جمهور كبير هنا ف المغرب، وحضروا ف عدة مهرجانات كبرى، كموازين و تيميتار.

الفرقة عندها 4 ألبومات لحد الآن، والأغاني ديالهم خلقوا الـ buzz بالمواضيع الجريئة اللي تطرقوا ليها، واللي كتعتبر طابو ف العالم العربي، بحال الجنس و السياسة, وخصوصا بعدما تحدث حامد سنو، مغني الفرقة الرئيسي،على المثلية الجنسية ديالو.

من أشهر أغاني مشروع ليلى: فساتين، إبن الليل، رقصة ليلى، بحر.

2. جدل

جدل: فرقة روك أردنية، كتعتبر من أولى فرق الروك ف العالم العربي.

تشكلت سنة 2003, و كانت البداية ديالها بإعادة توزيع أغنية “أنا كل ما أقول التوبة” لعبد الحليم حافظ، واللي لقات نجاح كبير و غير متوقع، تذاعت على عدة محطات إذاعية، و جدبات المستمع العربي لهاد النوع ديال الموسيقى.

تبعها إنتاج أغنية “ليلى”, و اللي لقات نفس النجاح داخل و خارج الأردن.

الفرقة كتعتمد على مزج الموسيقى العربية بالروك، و الكلمات باللهجة الأردنية. و بذلك خلقات نوع جديد و زوين ديال الموسيقى.

وبطبيعة الحال جاو للمغرب و حياو فيه عدة سهرات. من أغاني الفرقة : ليلى، سألتني، بياع الكستنا.

3. كايروكي

هاد المرة غنمشيو لمصر، مع فرقة كايروكي اللي كتعتمد بدورها على اللهجة العامية المصرية، وخا البداية ديالهم كانت باللغة الإنجليزية.

تأسست سنة 2003 و مؤلفة من 5 أفراد.

كان النجاح الحقيقي للفرقة هي أغنية “صوت الحرية” و اللي حققت نجاح منقطع النظير.

حيث تزامنت مع ثورة 25 يناير و تنحي الرئيس السابق حسني مبارك، وكذلك تم التصوير ديالها ف ميدان التحرير، الشي اللي خلى المصريين يعتابروها أغنية الثورة.

كتميز الفرقة بالأغاني ديالها الواقعية بزاف و اللي كتعبر على معاناة الشباب المصري و المشاكل اللي كيتخبط فيها.

وللإشارة، اسم الفرقة Cairokee هو مزيج بين Cairo و Karaoke.

خدمات الفرقة من مغنيين معروفين فمصر امثال هاني عادل و وسط البلد. كما حصلت مرتين على جائزة ال MEMA أفضل فريق موسيقي ف الشرق الأوسط سنتي 2013 و 2016.

من أنجح أغاني الفرقة: مطلوب زعيم،صوت الحرية،افرد جناحك.

4. أوتوستراد

اوتوستراد فرقة أردنية تأسست سنة 2007, كتعتمد هي كذلك على مزج الموسيقى الشرقية ماشي بالروك فقط، بل بالجاز، الفانك، والريغي أيضا.
كتتألف الفرقة من 6 أفراد موزعين بين الغناء و العزف على الآلات الموسيقية.
و المميز فيهم أنهم كاملين حاصلين على شواهد عليا ف مجال الموسيقى.
وكيفما الفرق اللي سبقوها، كتعتمد اساسا على اللغة العامية و بعد المرات على لغة الشارع.
هاد العامل هو اللي كيخلي أي فرقة توصل لقلوب الناس و تكون منبر ليهم و لمشاكلهم اليومية.
هضرت اوتوستراد على الحرب، الفقر و المخدرات، لكن أغلب الأغاني ديالها كيطغى عليها طابع الفرح و التفاؤل بل و كتميل للكوميديا بعد المرات.
قدمات الفرقة حفلات ف العالم العربي كامل و ف أوروبا و فينما مشاو كيلقاو تفاعل كبير مع الجمهور.
من أشهر أغاني الفرقة: استنى شوي،سافر،مرسال.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
1
هاهاها
جيم جيم
1
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

4 Rock bands عربية خاصك تعطيها وقت وتسمعها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in