7 سيتكومات أمريكية خاصك تتفرج فيها

.... ف أقرب وقت ممكن


Want create site? Find Free WordPress Themes and plugins.

السيتكوم هو اختصار لـ Situation Comedy. أو كوميديا الموقف بالعربية. فكرة السيتكومات بدات ف الميريكان, وهوما اللي أبدعوا ف الدومين.

السيتكومات من أحسن أنواع الترفيه اللي كاينة ف عصرنا. كل حلقة كتكون مختلفة على اللي قبل منها. والحوارات كتكون قصيرة وخفيفة وعامرة لعب بالكلمات والطنز. خلطة مثالية باش تستمتع وما تحسش بالملل.

هذي لائحة ب 7 سيتكومات كنشوفو أنه خاصك تتفرج فيها ادا كنتي مازال:

1. F.R.I.E.N.D.S

فرندز يمكن أشهر سيتكوم أمريكي ف العالم على الاطلاق. ما نحتاجوش نديرو عليه تعريف. السيتكوم حقق أرقام قياسية ووصل حتا لكوريا الشمالية كاع. وي, كوريا الشمالية وصلها فرندز. نسخ من السيتكوم كيتم تهريبها على USBs من الصين وتداولها بالتخبية.

من إنتاج NBC عام 1994, وكمل عام 2004.

2. Two and a half men

السيتكوم كيدور فعلا على 2 رجال ونص. 2 خوت, شارلي اللي حياتو كلها زهو ونشاط, وآلن الاب المطلق, واللي شوية مرتبك اجتماعيا.

النص المقصود هو ولد آلن جايك, اللي كيجي عندو مرة مرة للدار اللي على البحر ف ماليبو فين عايشين.

السيتكوم تقريبا كلو مصور مشاهد داخلية ف الدار, فين كيقوقعو أغلب المواقف الطريفة.

من إنتاج CBS عام 2003. وفيه 12 سيزن.

3. That 70s show

من السيتكومات المفضلة عندي. القصة كتدور حول كليكة ديال الاصدقاء من وسكونسن ف السبعينات.

السبعينات كانت فترة مهمة ف الموسيقى والحريات. السيتكوم كينقل مغامرات هاد الاصدقاء –اللي مراهقين–  ف هاد الفترة المليئة بالملذات وأصدقاء السوء والموسيقى.

السيتكوم من إنتاج Fox عام 98. فيه 8 سيزنز.

4. The Big Bang Theory

القصة كتبدا ملي Penny كتتحول تسكن ف برطما جديدة. جيرناها الجداد هوما ليونارد وشلدون, 2 فيزيائيين Socially awkward.

بني كتتصاحب معاهم وكتتطور الاحداث حتا كتدخل شخصيات أخرى بزاف.

أغلب الاحداث كتدور ف بارطمة شلدون وليونارد. السيتكوم عموما كيدور حول مواضيع اجتماعية, لكن فيه بعض الـ jokes  اللي خاصك تكون عندك مع الفيزيك والماط باش تفهمها.

السيتكوم من إنتاج CBS. بدا عام 2007 وفيه 10 سيزن.

5. How i met your mother

فكرة السيتكوم بسيطة جدا. أب –تد موزبي– كيعاود لولادو عام 2030 كيفاش تلاقى أول مرة مع ماماهم.

السيتكوم كيبدا بعبارة “Kids, I’m gonna tell you an incredible story, the story of how I met your mother.”

قبل ما يزيد يقول لهم: ” Twenty-five years ago, before I was Dad, I had this whole other life…” والحلقة كتبدا.

من خلال الحلقات تد كيرجع بالدكريات لتفاصيل لقائو مع ماماهم, اللي حسب ما غادي تكتشف كانت مرونة بزاف.

الفلاشباك كيرجع تحديدا لعام 2005 ملي كان تد (الاب) عمرو 27 ومصاحب مع واحد الكليكة. مارشال, ليلي, روبين, والشخص الطيّاح ديال التيتيز بارني ستينس.

السيتكوم كيعاود المواقف اليومية اللي كتوقع لهم, خصوصا ملي كيتجمعوا ف بارهم المفضل كل ليلة.

من إنتاج CBS وبدا عام 2005 حتا ل2014. فيه 9 سيزنز.

6. It’s Always Sunny in Philadelphia

كليكة من خمسة أصدقاء كلهم حمقين (مجازيا) مشاركين ف بار إيرلندي ف فيلادلفيا. السيتكوم كيدور على حياتهم اليومية ف تسيير البزنس والمواقف اللي كتوقع لهم. واللي غالبا مشاكل ف مشاكل.

من إنتاج FX وأول حلقة كانت عام 2005.

7. Seinfeld

ساينفلد من السيتكومات الاسطورية, لكن ما معروفش بزاف خارج أمريكا بحال باقي السيتكومات.

القصة كتدور حول Jerry Seinfeld, الـ Stand up comedian ف الحياة كيفما ف السيتكوم, ومغامراتو مع صحابو ف نيويورك فين ساكن.

السيتكوم بدا عام 1989 من إنتاج NBC وكانت آخر حلقة عام 1998.

هذا ماشي ترتيب! طبعا كاين سيتكومات أخرى جديرة بالمشاهدة ما دكرتهاش, تقدر تزيدها.

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
0
هاهاها
جيم جيم
5
جيم
أو إم دجي أو إم دجي
1
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
5
لايك

7 سيتكومات أمريكية خاصك تتفرج فيها

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in