بلا هاد الاشياء, العيد ف المغرب ماعندو حتا معنى

أهم 7 أشياء كيخليو العيد ف المغرب فريد


Want create site? Find Free WordPress Themes and plugins.

رمضان للاسف بالزربة ودعنا, وجا العيد, رغم أنه تعطل شوية ف المغرب هاد العام.

كيفما كنا كتبنا ديجا مقال على الحوايج اللي كيخليو رمضان ف المغرب فريد, اليوم بمناسبة العيد 7 حوايج كتخلي العيد الصغير ديال المغاربة فريد من نوعو حتا هو. 

1. الطرب الاندلسي….يا لالا ويا لالا

بمجرد انتهاء تكبيرات العيد كيبدا الطرب الاندلسي.

الطرب الاندلسي ولى جزء أساسي من الاحتفال بعيد الفطر ف المغرب لأسباب مجهولة.

ف أي دار تقريبا غادي تلقاه مطلوق ف الخلفية ومرة مرة كيتداخل معاه صوت أتاي مشحر كيتكب جاي من الصالون.

2. البلغة صفرا والتقاشر بيضين

العيد الصغير ما يكملش بلا مئات الناس لابسين جلالب وبلاغي صفرين وتقاشر بيضين.

لون التقاشر خاصو ضروري يكون بيض والبلغة ما يمكنش تكونش بلون من غير الصفر. هذا unwritten code ما تقدرش تخالفو.

البنات, ورغم أن الامر ماشي بنفس الانتشار, كيلبسوا البلدي, وما تشوف لك غير التكاشط والقفاطن يا لالة.

3. سطل الحلوى…اللي مستحيل تلقاه

السطل الاسطوري, والمخبي بدقة كتر من دقة القراصنة ف اخفاء الكنوز. الاسطورة كتقول تقدر تلقا كنز علي بابا وما تلقاش الوالدة ديالك فين مخبية سطل الحلوى قبل العيد.

سطل الحلوى كيكون حصري للضياف. للأسف لحد الساعة حتا شي مغربي ما قدر يلقا السطل قبل ما يجيو الضياف. وقطعا حتا مغربي ما غادي يلقاه لمئات السنين الجاية.

4. البوسان بزاف

العيد فرحة, والفرحة ما كتكملش بلا ما تبوس الحومة كاملة.

العائلة، الضياف، الجيران…كلشي باغي يبوس، و ما كيكتفيوش ب2 بوسات, لا ا سيدي خاص 4 البوسات للواحد، ماشي بزاف شوية؟ لا؟
المهم, بوسوا ولكن حددوا الهدف بدقة باش ما تطيحوش ف شي موقف لا يرثى له

5. داك المسرحية ديال الجم…ديال كل عام

كنظن الاغلبية اللي كيقراو هاد المقال ما كيتفرجوش بزاف ف التلفزة المغربية, عندهم الانترنت هو الوسيلة الاولى للترفيه.

لكن قبل الانترنت ضطرينا نتفرجو ف التلفازة لوقت طويل, خصوصا نعار العيد بالعشية, من بعد الغدا.

حسب آخر مرة, كانت نفس المسرحية ديال الجم مازال كتدوز. ولات جزء لا يتجزأ من العيد المغربي, كل عام كتعاودها الاولى وقت القيلولة باش تساعدنا على النوم.

6. فلوس العيد

أننا كبرنا ما كيعنيش أنه ما بقيناش قد فلوس العيد. أصلا Age is just a number. ومن حقنا حتا حنا فلوس العيد واخا فتنا 18 عام.

فلوس العيد كاينين ف أغلب الدول دات الغالبية المسلمة, ولكن الطريقة المغربية باش كيعطيك الاب ديالك الفلوس ويقولك قسم مع خوك ما كاينة ف حتا بلاد. كيخرجها بفرح والابتسامة خارجة من وجهو, خصوصا ايلا كانوا حداكم شي ضياف.

7. العشية المملة

نعتدر عن فقر الـ Pixels ف التصويرة

يمكن أكثر عشية مللا ف العام. من بعد 30 يوم ديال الحركة قبل وبعد المغرب, فجأة كيجي نهار المغرب ما كيبقا عندو حتا معنى.

كتحس بالضياع والوقت ما كبيقا عندو معنى. ساعتط البيولوجية, وحتا اليدوية, كتتخربق وكتحتاج لوقت باش تتعود 🙁

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
1
كيوت
هاهاها هاهاها
5
هاهاها
جيم جيم
2
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
2
لايك

بلا هاد الاشياء, العيد ف المغرب ماعندو حتا معنى

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in