هكا بدا الأنترنت: من أول إيميل لأول فيديو ف اليوتوب

مرورا بأول بروفيل ف الفيسبوك!


Want create site? Find Free WordPress Themes and plugins.

الانترنت كيفما كنعرفوه اليوم (الـ world wide web) كمل مؤخرا 27 عام. ولى راجل تبارك الله (أو مرا في حالة ما كنتي فيمنست).

لكن هاد الراجل (أو المرا), وبحال كاع الكائنات الحية, خلق صغير ومع الوقت كبر حتا وصل للحالة اللي هو فيها.

على أي, الانترنت (قبل من الـ World Wide Web) كبر منو بزاف. ونقدرو نعتبروه الاب ديالو اللي جابو للحياة.

هذي لائحة بأول خطوات الاب والابن ف الحياة:

 أول إيميل – 1971

أول إيميل ما كانش ف ياهو ولا جي مايل.

أول إيميل كان عام 1971, قبل تطوير الـWorld Wide Web, بواسطة Ray Tomlinson باستعمال برنامج بدائي ظمن مشروع ARPANET.

الايميل كان من كمبيوتر راي لكمبيوتر حداه. مظمون الايميل ما معروفش بالضبط, لكن كان شي حاجة قريبة لـ QWERTYUIOP, مجرد حروف عشوائية من على الكيبورد.

أول إيميل ديال الـspam

first spam email

الايميل بلا إيميلات السبام ماشي إيميل. الـ spam انبوكس ديالك غالبا غادي يكون عامر إيميلات مزعجة. لحس الحظ الشركات المقدمة لخدمات الايميل حاليا كتقوم بفرز هاد الايميلات وكتصنفها بوحدها.

أول إيميل ديال السبام كان من بعد اختراع الايميل ب 7 سنين. عام 1978. وكان عبارة عن اشهار لكمبيوتر (خيالي) من عام 2020, وتلاح ل 400 واحد.

2020 ما بقالها والو, ولكن الكمبيوترات ديجا تفوقت على الكمبيوتر ف هاد الايميل التاريخي.

أول دومين – 1985

أول دومين أنترنت (مسجل بالطريقة اللي كنعرفو حاليا) كان عام 1985, وكان تحديدا على دومين .com.

السيت مازال كاين لحد اليوم بنفس الاسم اللي بدا بيه symbolics.com, ومولاه, على ما يبدو, فخور بكونو أول دومين ف العالم.

أول محرك بحث – 1990

أول برنامج نقدرو نسميوه محرك بحث كان عام 1990, من طرف طالب ف جامعة بمونتريال, كندا.

المحرك كان ببساطة كيقلب ف محتوى المواقع عن طريق FTP ويوريك اش لقا.

كووكل, ف الجهة الاخرى, ما بدا حتا لعام 1996.

أول صفحة ويب

أو صفحة ف الويب كانت عام 1991 من طرف Tim Berners-Lee.

تيم لاح الصفحة من كمبيوتر الـ European Organization for Nuclear Research, المعروف اختصارا ب CERN. الباج كان عنوانها: http://info.cern.ch/hypertext/WWW/TheProject.html ومازال خدامة حتا لليوم.

الصفحة بسيطة وعبارة عن نص وروابط باللون الازرق.

أول تصويرة

مجددا Tim Berners-Lee هو مول هاد الانجاز التاريخي. أول تصويرة تم رفعها اونلاين كانت ديال فرقة موسيقية بارودية سميتها Les Horribles Cernettes. الاسم يحيل على CERN, منين تم رفع الصورة.

التصويرة تأبلودات عام 1992, صغيرة وديزاينها بشع, ولكن واضحة:

أول ميساج سكايب

قبل ظهور المكالمات الصوتية والمرئية ف الفيسبوك والواتساب, السكايب كان هو الوسيلة الأمثل للمكالمات الصوتية والمرئية.

السكايب بدا سنين قبل الواتساب والفيسبوك. أول ميساج ف سكايب كان عام 2003 من طرف واحد من فريق التطوير.

الميساج كان بالاستونية, وكان فيه: ” Tere, kas sa kuuled mind?”, اللي هي: “هالوو, عانداك ألهاليب؟”

أول فيديو ف اليوتوب – 2005

أول فيديو ف اليوتوب تلاح قبل حتا ما يبدا السيت نسختو التجريبية بشهر.  جواد كريم, أبلودا فيديو كيبان فيه ف حديقة حيوانات قدام بلاصة الفيل وعنونو ب”Me at the zoo”.

التاريخ اللي كيبان تحت الفيديو هو 23 أبريل 2005. الفيديو من تصوير Yakov Lapitsky.

جواد كريم هو الكوفاوندر ديال YouTube.

أول بروفايل فيسبوك – 2004

طبعا مؤسسي الفيسبوك هوما أول واحدين داروا كونط فيه, لكن المقصود هو أول واحد دار كونط من خارج المؤسسين.

أول إنسان عادي تسجل ف الفيسبوك هو Arie Hasit. وحسب الـ Business Insider عرف الفيسبوك من خلال صديق ديالو كان كيستعمل الفيسبوك, اللي بدورو عرفو من خلال واحد من المؤسسين.

آري حاسيت مازال الكونط ديالو خدام الى يومنا هذا. ما تمسح ما تبلوكا, رغم أنه تعرض لعدة هجمات من طرف العرب نظرا لكونو يهودي عايش ف إسرائيل وعندو مواقف تقدر تتصنف عنصرية.

أول تويت – 2006

أول تويت كان ف 21 مارس 2006 من طرف Jack Dorsey, الكوفاوندر ديال تويتر.

محتوى التويت كان بسيط “just setting up my twttr”

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
4
جيم
أو إم دجي أو إم دجي
2
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
1
لايك

هكا بدا الأنترنت: من أول إيميل لأول فيديو ف اليوتوب

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in