العثور على أكبر collection ديال الاثار النازية النادرة, وسيد كيقول أنه هتلر

وكلها أوريجينال!


Want create site? Find Free WordPress Themes and plugins.

لا, هذا ماشي clickbait. تم فعلا مؤخرا العثور ف الارجنتين على أكبر collection ديال الاثار النازية كترجع للقرن العشرين. الامر غطاتو كبرى وسائل الاعلام العالمية, مهم AP والبي بي سي وغيرهم.

ف دار ف حي Beccar من العاصمة بوينس أيرس, تم العثور على أكبر مجموعة أثار كترجع للنظام النازي. الاثار حسب السلطات الارجنتينية كلها original وكترجع فعلا لحقبة النازيين خلال الحرب العالمية التانية.

الامر كيتعلق بتماثيل ديال النسر النازي ولا شخصيات نازية, ساعات ديال الجيب, وعدة أدوات أخرى, من بينها أدوات كانت تستعمل ف قياس حجم الجمجمة من طرف النازيين (باش يصنفوا الاعراق).

السلطات كتآمن أن التشكيلة اللي مكونة من 75 قطعة كترجع لشي مسؤول كبير ف النظام النازي خلال الحرب العالمية التانية هرب للارجنتين من بعد الخسارة.

بعض القطع كانت معاهم صور negative كيبان فيها هتلر خلال اسعمالو ليها. هاد التصاور, حسب السلطات الارجنتينية, تم إرفاقها باش يتم تسويق هاد القطع أحسن.

القطع تلقات ف دار سيد كيجمع القطع الاثرية النادرة بالاستعانة بالانتربول. السطات خلات هويتو مجهولة.

كيفاش وصلوا للارجنتين كيبقا سؤال ما عندو جواب حتا لدابا, لكن المسؤولين كيفترضوا أنه جابهم معاه شي مسؤول نازي من بعد الحرب العالمية التانية.

الارجنتين كانت ف داك الوقت ملجئ لمجرمي الحرب, بما فيهم المسؤولين النازيين.

Josef Mengele, المسؤول النازي, كان هرب للارجنتين وعاش ف بوينس أيرس لعشر سنين, قبل ما يتحول للبارغواي هربا من الموساد, اللي كان داك الوقت كيشد المسؤولين النازيين. خصوصا من بعد ما شد Adolf Eichmann اللي كان حتا هو عايش ف بوينس أيرس.

على أي, هاد الاكتشاف وهاد الظاهرة (هروب المسؤولين النازيين لبوينس ايرس) عاود طلّع للسطح قصة سيد أرجنتيني عمرو 128 عام كيدعي أنه هتلر شخصيا, وأنه ما نتحرش وإنما هرب للارجنتين وتخبا فيها.

السيد اللي مسمي راسو Herman Guntherberg كيدعي أنه عاش 70 عام مخبي ف الارجنتين, وقرر يبان فقط ف 2016 من بعد ما الموساد الاسرائيلي ما بقاش كيبحث على المسؤولين النازيين ف امريكا الجنوبية.

القصة التانية غالبا fake الهدف منها البوز, والسيد غالبا كيخرّف نظرا لسنو الكبير. هتلر, ف رأينا ورأي بزاف, ما كانش يعيش هاد الفترة كلها خصوصا من بعد الظروف اللي داز منها. لكن الاثار اللي تم العثور عليها مؤخرا حقيقية وكنز وقمة ف الجمال, رغم خلفيتها السوداوية.

هذي الصور اللي تم نشرها من طرف الشرطة الارجنتينية:

المصدر: USA Today, NPR

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
0
كيوت
هاهاها هاهاها
0
هاهاها
جيم جيم
3
جيم
أو إم دجي أو إم دجي
0
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
1
لايك

العثور على أكبر collection ديال الاثار النازية النادرة, وسيد كيقول أنه هتلر

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in