6 شركات مداخيلها أعلى من إقتصاد المغرب

وتقدر تشرينا 😱


Want create site? Find Free WordPress Themes and plugins.

المغرب دولة ف طور النمو. إقتصادنا مازال عيان بزاف ومتدهور. أقرب وسيلة للدقة باش نقيسو قوة الاقتصاد ف دولة اما هي من خلال الناتج الداخلي الخام.

الناتج الداخي الخام تعريفو شوية متشعب وكيبغي معرفة لا بأس بها بالاقتصاد, ولكن بلغة بسيطة, هو المداخيل اللي كيحققها الاقتصاد خلال العام. البلاد ممكن نعتبروها بحال شركة, والناتج الداخلي الخام ديالها هو قوتها ف السوق. كلما كان الناتج كبير, كلما كانت الدولة قوية.

الناتج الداخلي الخام ديال المغرب (لعام 2015) هو 100.4 مليار دولار أمريكي.

هاد الرقم كاين شركات عالمية كتحققو مضوبل ب 4 مرات, هذي أهمها:

1. Walmart – مداخيلها السنوية 485.8 مليار دولار

والمرت هي مرجان ديال الميريكان. ما كاينش البلاصة ف الميريكان اللي ما تلقاش فيها والمرت. جزء رئيسي من التقافة الامريكية اليوم.

سلسلة المتاجر بدات ف الستينات صغيرة, واليوم تحولت لوحش مخدم أكثر من 2 ملاين ونصف أمريكي. رغم أنها ما معروفاش ف العالم, لكن الأرقام كتجعلها ديما على رأس أي قائمة.

إيرادات والمرت مضوبلة اقتصاد المغرب بأكثر من 4 مرات. والمرت ماشي أغنى من المغرب فقط, بل أن مداخيلها (رقم التعاملات) أعلى من إقتصاد دول غنية بحال النرويج والدنمارك مثلا.

كون والمرت تولي دولة, وبعدد الخدامة اللي عندها دابا, غادي تكون دولة قوية ومواطنيها عايشين ف رفاهية حسن من الاسكندنافيين.

2. Volkswagen – مداخيلها 243.3 مليار دولار

شركة ألمانية ديال الطونوبيلات تأسست عام 1937. الاسم كيعني حرفيا عربة الشعب. هدفها كان توفير سيارات اقتصادية لعامة الشعب الالماني.

الشركة اللي مقرها فولسبورغ, اليوم منتشر الحديد ديالها ف العالم كام, وكتحقق مداخيل سنوية مضوبلة إقتصاد المغرب بأكثر من 2 مرات.

فولسفاكن كتخدم 600 ألف عامل حول العالم.

3. Royal Dutch Shell –  مداخيلها 233.6 مليار دولار

معروفة اختصارا ب Shell. شركة مختصة ف المحروقات. هولندية بريطانية. غادي تكون شفتي اللوغو ديالها ف المحلات المختصة بالطونوبيلات.

هاد الشركة كتخدم فقط تسعين ألف عامل وكتحقق مداخيل سنوية تقدر ب 233 مليار دولار.

4. ExxonMobil – مداخيلها 218.6 مليار دولار

واخا عندها موبيل ف الاسم ولكن ما عندها علاقة بالتلفونات ولا الاتصال.

إكسون موبيل شركة أمريكية مختصة ف المحروقات. مقرها ف تكساس.

إيرادتها السنوية مضوبلة اقتصاد المغرب ب 2.1 مرات. وكتخدم فقط 75 ألف واحد.

5. Apple – مداخيلها 233,7 مليار دولار

ستيف جوبز مات, لكن خلا وراه شركة أقوى من المغرب ومئات الدول ف العالم.

آبل كتخدم 110 ألف عامل حول العالم, وكتحقق مداخيل أكبر من إقتصاد المغرب. آخر الارقام, كتشير ل 233 مليار دولار.

6. Samsung – مداخيلها السنوية 177.4 مليار دولار

المنافس اللذوذ ديال آبل ف السنين الاخيرة. الشركة الكورية كتخدم 320 ألف عامل وكتحقق مداخيل سنوية تقدر ب 177 مليار دولار.

أصعف من آبل, لكن أكبر من إقتصاد المغرب 77 مليار دولار.

 

المصدر: The Fortune 2016 Global 500

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
5
هاهاها
جيم جيم
0
جيم
أو إم دجي أو إم دجي
3
أو إم دجي
واضفّاك؟ واضفّاك؟
2
واضفّاك؟
ديسلايك ديسلايك
2
ديسلايك
لايك لايك
1
لايك

6 شركات مداخيلها أعلى من إقتصاد المغرب

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in