7 أسئلة خاصك تسولها لراسك قبل ما تدير 30 عام

باش ما تندمش من بعد!


Want create site? Find Free WordPress Themes and plugins.

أغلب قراء Neooz. ف العشرينات من عمرهم. العشرينات هي أهم فترة ف حياة الانسان, غالبا فيها كيتحدد مستقبلك من بعد. قبل ما تكمل 30 عام, كاينة عدة أسئلة خاصك تسولها باش تعرف واش راك غادي ف الطريق الصحيح ولا لا.

اهمال هاد الاسئلة ف العشرينات ممكن يكون عندو أثار سلبية من بعد.

زرنا موقع Quora وشفنا أسئلة الاعضاء على شنو هي أهم أسئلة خاص الانسان يسألها ويجاوب عليها قبل ما يدير 30 عام. السن اللي المفروض يدخلك لعالم الناضجين رسميا!

1. ادا متت غدا, غادي نكون راضي على حياتي اللي عشت؟

طبعا ما بغيناكش تموت غدا, ولكن لا قدر الله ومتي, هل غادي تكون راضي على هاد الشي اللي عشتي حتا لدابا؟

هذا سؤال لقياس مدى رضاك على حياتك. مقياس للـ fulfillment ف الحياة اللي عشتي لحد الان.

صعيب تجاوب بآه\لا باختصار. لذلك باش تقدر تجاوب بدقة, شوف الامر بالنسبة المئوية, من 0% حتا لـ 100%. شحال نسبة رضاك على حياتك؟

كلما كان جوابك كيتجاوز نسبة 50% كلما كان أحس. ادا كانت النسبة أقل من 50% بفارق كبير, فخاصك تعاود التفكير ف حياتك.

الرضا ما غاديش يجي بوحدو ايلا ما درتيش مجهود. خاصو يبدا من دابا!

2. شحال تعلمت اليوم؟

التعلم ف العشرينات كيكون ف أعلى مستوياتو. ما كنقصدوش الدراسة (اللي بديهية), ولكن التعلم من الحياة.

العشرينات هي أفضل وقت للتعلم وتطوير النفس, كيكون عندك الوقت والطاقة نسبيا. خاصك كل نهار تتعلم حاجة جديدة.

التلاتينات غادي تجي معاها مسؤوليات ومشاغيل بزاف وماغاديش يبقا لك الوقت والجهد. لذلك ستغل الوقت دابا!

3. شكون كيأنسبيريني؟

السؤال ربما كيبان سطحي, لكن غادي يعطيك فكرة دقيقة على اش باغي ف حياتك.

المثل الاعلى غالبا كيكون إنسان معجبين بيه سطحيا, فقط لانه لاباس عليه ولا لانه مشهور.

لكن اللي كيلهمنا كيكون إنسان معجبين بيه بصح وكاين واحد الـ emotional connection معاه. كيعطينا معنى لوجودنا.

لذلك, ملي غادي تعرف شكون كيأنسبيريك ف الحياة غادي تعرف شنو باغي وشنو اللي غادي يخليك سعيد.

الالهام حاجة مهمة, والشخص اللي كيأنسبيريك غادي تكون سعيد ايلا كنتي بلاصتو.

4. علاش كنفيق ف الصباح؟

هاد السؤال هو النسحة المبسطة ديال السؤال الفلسفي “شنو هدفي ف الحياة؟”

الجواب عليه قطعا ماشي ساهل, لكن كلما لقيتي الجواب بكري كلما كان أحسن.

غادي يخليك تعرف هدفك ف الحياة وتركز طاقتك ووقتك ف الحاجة اللي نتا فعلا باغي وغادي تخليك سعيد.

وإلا, غادي تكمل عشوائيا ومن بعد ممكن تطيح ف أزمة منتصف العمر, وتلقا راسك ضيعتي وقت كتدير حوايج نتا كارهها لا لسبب سوا انك لقيتي راسك كتديرها.

5. واش داك الطفل اللي كنتي ف عمر 5 سنين, غادي يكون فخور بيا؟

الاطفال كتكون أحلامهم كبيرة وما كيعرفوش المستحيل ولا الخوف. ملي كنتي عمرك 5 سنين كنتي أكثر طموحا وعندك أحلام بزاف.

تخيل راسك, ف نسختك الحالية, تلاقيتي مع داك النسخة منك ديال 5 سنين. تخيل نظرة داك الطفل ليك؟ هل غادي يكون معجب وفخور بيك؟ غادي يكون راضي عليك؟

ايلا كان الجواب ايجابي راك ف الطريق الصحيح, أما ايلا كان سلبي فخاصك تعاود التفكير ف حياتك.

6. شنو تعريف النجاح بالنسبة ليا؟

النجاح مفهوم نسبي بزاف. ماشي كلنا عندنا نفس المفهوم لشنو هو النجاح ف الحياة.

ف العشرينات خاصك تسول راسك هاد السؤال وتلقا تعريف دقيق لمفهوم النجاح ف الحياة.

ايلا كان الجواب اللي لقيتي دار ف السكن الاقتصادي وداسيا, فهذا هو الهدف اللي خاصك تخدم عليه. هذا هو اللي غادي يخليك سعيد.

أما إيلا كان النجاح هو تولي أغنى واحد ف المغرب, فخاصك تمشي ف طريق تحقيقو.

المهم تعرّف النجاح بالنسبة ليك شنو هو بالضبط, مهما كان, وإلا من بعد غادي تندم.

7. فين غادي نكون من هنا 5 سنين ادا كملت ف نفس الطريق؟

5 سنين كتبقا أحسن مدة زمنية لتقسيم الحياة.

ما هي قصيرة بزاف ما هي طويلة بزاف. خلال ممكن حوايج بزاف تتغير.

ادا كملتي ف نفس الشي اللي كتدير دابا, فين غادي تكون من هنا خمس سنين؟ هل غادي تكون شخص أحسن وأسعد؟ أم العكس؟

هذا سؤال خاصك تسولو لراسك كعشريني دابا.

في حالة ما كانت الاجابة سلبية, هذا هو الوقت المناسب تبدل الطريق, باش ما تندمش من بعد!

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
0
هاهاها
جيم جيم
3
جيم
أو إم دجي أو إم دجي
3
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
7
لايك

7 أسئلة خاصك تسولها لراسك قبل ما تدير 30 عام

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in