5 إشارات أنك كتعاني من الاكتئاب, وخاصك تشوف اختصاصي

ولا, الاكتئاب ماشي ضعف ونتا ماشي حمق!


Want create site? Find Free WordPress Themes and plugins.
 حسب أرقام الاستراتيجية القطاعية للصحة 2012-2016, 26,5% من المغاربة اللي عمرهم فوق 15 عام كيعانيو من الإكتئاب.
أي 16% من مجموع السكان ديال المغرب.
الرقم كبير نسبيا, ولكن عادي. خصوصا ادا عرفنا أن نسب الاكتئاب كترتفع ف العالم كامل ماشي غير ف المغرب.
نمط الحياة المعاصر كيأدي أكثر للاكتئاب.
على أي, المشكل ف المغرب كيبقا داك الهالة السلبية اللي كيعطيها المجتمع لمرض الاكتئاب, وكيعتبرو أنه مجرد ضعف ف شخصية الانسان.
ولا الاسوء من ذلك: كيعتبر الانسان حمق ادا زار مختص نفسي.
هاد العامل كيخلي ناس بزاف, خصوصا الشباب, يتجنبوا البحث عن المساعدة من طرف مختص ف المراحل الاولى, باش ما يبانوش ضعاف, ولا حمقين ف نظر المجتمع.
الاكتئاب ماشي ضعف وماشي جنون, هذيك نظرة سطحية للامر وغبية.

وإنما مرض بحال باقي الامراض عندو علاج ديالو.

نجوم بزاف من هوليوود ناجحين ف حياتهم وعندهم الملايير, ولكن رغم ذلك عندهم إكتئاب. عادي!

هذي مجموعة إشارات أنه عندك إكتئاب وخاصك تمشي تشوف مختص نفسي باش يعاونك قبل ما يتطور الامر.

زيارة مختص نفسي ماشي حاجة عيب وطابو, وماشي اشارة أنك حمق وخاصك تتخبى.
بل زيارة عادية بحالما كتمشي تشوف طبيب السنان.

1. كثرة/قلة النعاس

النعاس زوين آه, وما فاز إلا النوام, ولكن ملي كتولي تلقا راحتك غير ف النعاس وحتا حاجة ما ممتعة ف الحياة من غيرو, ممكن تكون إشارة أنه عندك الاكتئاب.

قلة النعاس حتا هي مكن تكون دليل على الاكتئاب. لكن ما خاصهاش تتخلط مع الارق – insomnia, اللي مختلف.

النعاس اللي كنقصدو هو ملي كيولي وسيلة للتهرب من الحياة والافكار السلبية.

2. العزلة و الوحدة

 

الانسان كائن إجتماعي بطبعه. ما يمكنش تعيش وحيد لمدة طويلة.

الانسان كيبغي بطبعه يكونوا عندو صحاب وإجتماعي. الميل للعزلة بزاف والبقاء غير ف الدار, غالبا إشارة لأنك كتعاني من الاكتئاب.   طبعا, كاينين فرضيات أخرى, لكن الاكتئاب كيبقا الافتراض الاقوى.

3. عدم الاستمتاع بالحوايج اللي كنتي كتستمتع بيهم من قبل

ما بقيتيش كتسمتع بالافلام والمسلسلات اللي كنتي مدمن عليهم؟ الموسيقى مابقا عندها مذاق؟ كلشي ولى كئيب وبلا مذاق؟
هذي غالبا أدلة أنك كتعاني من إكتئاب. فقدان المتعة ف الحياة والاحساس بالحوايج الزوينة وتبلد الاحاسيس من بين أعراض الاكتئاب الاكثر شهرة.
هاد الاحساس ماشي عشوائي, بل عندو تفسير.

4. افكار انتحارية

الافكار الانتحارية هي الدليل الاكبر أنك كتعاني من الاكتئاب ف حالة متطورة وخاصك دابا تشوف مختص نفسي.
الانسان ممكن يفكر ف الانتحار بلا ما يكون مكتئب. مثلا من بعد صدمة عاطفية ولا مشكل كبير (خسارة مالية مثلا, أو طلاق). هذا عادي, لكن هنا كنقصدو التفكير ف الانتحار بلا سبب منطقي مقنع.
ملي كيولي الانتحار فكرة كتسيطر على تفكيرك ف أغلب الوقت ومهووس بيها بلا سبب, هنا خاصك تـ Seek help. لأن الامر –لا قدر الله– ممكن يتطور بسرعة وتوصل للإنتحار.
نصيحتنا: ما تحشمش, قلب على المساعدة من عند مختص.

5. الاحساس بالدونية و احتقار الذات

الانسان بطبعه عزيز عليه راسو, وكيشكر فيه سواءا كان محق ولا غالط. ديما هو الواعر واش دار هو الصح.
على أي, ما خاصناش نخلطو بين الواقعية والاحساس بالدونية.
أنك تكون واقعي وواعي بقدراتك السلبية والايجابية حاجة, وأنك تكون كتحتقر نفسك حاجة أخرى تماما.
احتقار الدات والانجازات الشخصية وتبخيسها بلا سبب دليل انك كتعاني من الاكتئاب.
هذا مقال ماشي علمي, وماشي مختص, وما كندعيوش أننا مختصين, بل فقط كنحاولو نزولو الهالة السلبية حول الموضوع.
لذلك كنصحو أي واحد حسّ بأنه كيعاني من الإكتئاب يزور مختص نفسي ف أقرب وقت. الامر, كيفما قلنا سابقا, ماشي حشومة وماشي عيب ونتا ماشي حمق. بل إنسان عادي عندو ما يسمى بالاكتئاب!
Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
2
كيوت
هاهاها هاهاها
1
هاهاها
جيم جيم
0
جيم
أو إم دجي أو إم دجي
1
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
1
ديسلايك
لايك لايك
4
لايك

5 إشارات أنك كتعاني من الاكتئاب, وخاصك تشوف اختصاصي

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in