6 أسباب علاش بشرى الضو إعلامية فاشلة

وأسلوبها هاوي!


تصويرة من اليوتوب
Want create site? Find Free WordPress Themes and plugins.

غالبا تفرجتو ف شي فيديو منهم. كنقصدو حلقات ديال بشرى الضو ف برنامجها ضريبة الشهرة اللي كيتبث على القناة الجديدة تيلي ماروك.

القناة جديدة وخاصة. عندها كامل الحرية ف برامجها, خصوصا أنا كتبث من برا المغرب. حرية الإعلام والإبداع حاجة إيجابية ومطلوبة, لكن هاد التجربة بينت على مستوى هاوي عند بعض الاعلاميين المغاربة, تحديدا بشرى الضو.

 البرنامج خلى ردود فعل سلبية ف الفيسبوك ومواقع التواصل الاجتماعي. الاغلبية ما عجبهمش أداء بشرى.

تفرجنا ف عدة حلقات, وخرجنا باستنتاج أن بشرى الضو إعلامية, وباش نستعملو كلمات مؤدبة, فاشلة. وهذي أسبابنا:

1. الاستفزاز المجاني

أول سبب بشرى الضو اعلامية فاشلة هو استفزازها المجاني لضيوفها.

طبعا، الاستفزاز جزء من هاد النوع الاعلامي اللي كتقدم، ولكن عندو شروط وحدود.

ملي كيفوتها، كيولي مجرد استفزاز مجاني كيقلق راحة الضيف وكياخد موقف دفاعي، وما نقدروش نعرفو گاع اللي تحت راسو.

بشرى كتهضر بواحد العدوانية مبالغ فيها, كأن الضيف عندها معاه مشكل شخصي. كان ممكن تستفز الضيف وتجرو للموضوع اللي بغات, ولكن بطريقة دكية ما تخليش الضيف يتقلق.

2. قلة الاحترام

مواقف بزاف بانت فيهم بشرى الضو قليلة الاحترام اتجاه ضيوفها.

الاسئلة المحرجة حاجة عادية ف الاعلام الترفيهي، لكن ملي كتولي كتقلل من احترام الضيف بطريقة مبالغ فيها وكتتهمو بحاجة بلا دليل، هنا ما كيبقاش الاعلام وكيولي أسلوب الشارع.

بشرى عدة مرات بانت كتحتقر الضيف بكلمات جارحة, كأنها مريحة معاه ف القهوة وكيتعايروا.

3. أسئلة شخصية بزاف

النجوم حياتهم كتكون عامة ومعروفة للجميع. سواءا تعلق الامر بحمل ولا زواج ولا حتا ختانة. كلشي كيكون ف الاعلام.

لكن هاد الشي كيكون بموافقتهم. تسريب معلومات شخصية ممكن يعرضك للمتابعة القضائية.

بشرى الضو تجاوزت بعض الخطوط الحمراء مع ناس اللي ماشي نجوم من عالم الفن ولا السياسة. بحالما دارت مع السيدة عائشة الشنا مثلا, اللي ف عمرها 76 عام وما بقاتش مسالية لهاد المناوشات.

بعض الاسئلة كانت وقحة باختصار. بحال “شنو كنتي كتديري مع سمسار ف الطونوبيل؟”, ولا “واش نتي مسلمة حقيقية؟”, simply stupid!

4. الابتذال

طريقة الهضرة مبتذلة وما فيهاش جمل صحيحة. كلمات متطايرة هنا ولهيه وما فيها حتا ربط منطقي.

أفكار وأسئلة بزاف ركيكة جملة وتفصيلا. صوت مستفز ونشاز.

كاين أسئلة اللي كانت ممكن تصيغهم بطريقة أفضل واحترافية, والضيف يتفاعل معاهم إيجابيا, لكن قالتهم بطريقة زنقاوية خلات الضيف ينفر.

5. الجهل بحوايج بسيطة

بشرى جاهلة بحوايج بزاف من التقافة العامة.

ملي هضرت مع دوك صمد, وملي وصلوا لموضوع البلاجيا, بدل ما تناقش الموضوع موضوعيا وتزيد بالنقاش للقدام, شدت ف نقطة علاش ما دارش المصدر ف أول الفيديو. نقطة تافهة. كلنا عارفين المصادر كتتدار ف آخر المقال ولا الفيديو.

نفس الشي بالنسبة لتعريف العقدة والشذوذ الجنسي ف نفس الحلقة ديال دوك صمد. بانت جاهلة بتعريفات بسيطة.

هذا, بلا ما ندكرو أنها فخورة أنها ما كتقراش الكتوبة. رغم أنها إعلامية وكتخاطب ملايين المغاربة. اللي أصلا ما كيقراوش.

6. مقاطعة الضيوف

السبب السادس بشرى الضو اعلامية فاشلة هو مقاطعتها المتكررة للضيوف ديالها. مقاطعة اللي ف احيان بزاف كتخصر النقاش والضيف ما كيبقاش مركز ف الجواب, ما كنسمعو منو والو وصوتها كيولي مستفز.

حنا كنتفرجو ف البرنامج باش نسمعو الضيوف اللي جابت اش عندهم ما يقولوا، ماشي باش نسمعوها هي كتهضر بوحدها.

المقدمة مهمتها تطرح الاسئلة وتسير الضيف باش يهضر ويخرج اكبر ما عندو. بشرى كتقاطع ضيوفها بزاف وكتشوّش عليهم وما كنبقاو نسمعو والو من غير صوتها المزعج.

هذي أسبابنا, متأكدين أنكم حتا نتوما ما عجبوكمش الحلقات وعندكم أسباب أخرى, خليوها لنا ف التعليقات!

خلي الـ Vote ديالك

36 نقطة
Upvote Downvote

مجموع الاصوات: 48

Upvotes: 42

Upvotes percentage: 87.500000%

Downvotes: 6

Downvotes percentage: 12.500000%

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
14
كيوت
هاهاها هاهاها
6
هاهاها
جيم جيم
6
جيم
أو إم دجي أو إم دجي
9
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
1
ديسلايك
لايك لايك
15
لايك

Comments 2

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

6 أسباب علاش بشرى الضو إعلامية فاشلة

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in

أهلا!

دخول

نسيتي المودباس؟

ما عندكش كونط؟ تسجّل

Close
of

Processing files…