5 مهن غادي يعوضهم الذكاء الاصطناعي ف المستقبل غير البعيد

والشاف ديالك غادي يستغنى عليك :(


Want create site? Find Free WordPress Themes and plugins.

الذكاء الاصطناعي غادي يزيد الطين بلة. حنا اليوم عايشين ف واحد الوقت حتى الشواهد العليا ما بقاتش كتضمن ليك وظيفة محترمة؛ فمن بعد سنوات ديال الدراسة والتدريب الواحد ولى بالكاد كايهرب من البطالة. ولا تخدم ف مهن ما عندها علاقة بآش قريتي.

اليوم، الخبراء كيتوقعوا أن عدد كبير من الوظائف والمهن باش عايشين ملايين الناس اليوم غادي يتعوضوا ف المستقبل القريب بالآلات.

هاذي لائحة ديال الوظائف الأكثر عرضة للخطر, واللي مواليها خاصهم يبداو يفكروا ف البديل:

1. صحاب الصونطر دابيل

المستشارين الهاتفيين هوما الفئة الأكثر احتمالا أنها تعوض بحواسيب. الضربة غادي تجي فيهم هوما اللولين.

ف دول كثيرة (دول أوروبية) الحاجة الوحيدة اللي كاتمنع الشركات من أنهم يعطيوا عروض للزبناء ديالهم بمكالمات مسجلة هو القوانين اللي عندهم فهاذ المجال.

لكن مع تطور الذكاء الاصطناعي، غايولي من الممكن لمكالمة مسجلة تتحاور مع الزبناء وغايستغناوا الشركات على عدد كبير من الموظفين.

مشى فيها المغرب والاف الشباب, وحتا شركة KIA 🙁

2. شوافر الطاكسيات والطوبيسات, والنقل العمومي

اليوم السيارات ذاتية القيادة ولات حقيقة ملموسة وربما هي أكثر أمنا من السيارات العادية.

الحاجة الوحيدة اللي مخلياها ما تنتشرش اليوم هو التشريعات القانونية اللي مازالة كاتناقش أسئلة بحال شكون غايتحمل المسؤولية ايلا وقعات حادثة سير ولا اشنو خاص السيارة تدير ايلا تقطع الفران ف مكان مزدحم.

غير غايتحلوا هاذ المشاكل، حتا حاجة ما غاتمنع أرباب العمل من أنهم يعوضوا الشوافر بطونوبيلات داتية القيادة. 

3 . عمال الفلاحة

هاذي صارت واقع من شحال هاذي.

عمليات الحرث، السقي، رش الأسمدة والمبيدات والحصاد وبل حتى حلب الأبقار ورعي المواشي ديجا تعوضات بالآلات.

ولكن اليوم حتى الثمار اللي صعيب تجنى بحال الفريز والتوت  والعنب غادي تعوض بالماكن.

وما غادي يبقا لعمال القطاع الفلاحي حتا بديل آخر.

4. عمال  السطوك والتخزين

ترتيب وعرض السلع ف السوبرمارشيات والمحلات، غايولي ممكنن بالكامل ف المستقبل.

اليوم روبوات بحال Tally ولاوا قادرين بسهولة وف وقت قياسي باش يستفوا السلع فوق الرفوف ويتأكدوا من تاريخ الصلاحية والثمن والحوايج اللي ناقصين.

الشي اللي كان لوقت قريب كيتطلب ساعات طويلة وموظفين اكثار.

5. عمال الصناعة

من صناعة النسيج لقطع السيارات حتا للصناعات الغذائية عدد كبيــــــــــر من الوظائف ديجا تفقدوا، والوضع غادي غير يزيد يتأزم. ف المستقبل حتا من مراحل التصنيع اللي كاتطلب مهارة يدوية عالية وصيانة الماكينات غاتولي من اختصاص الروبوات.

فحسب دراسة من مجلة Nature، علماء من جامعة York البريطانية استاطعوا يبرمجوا روبوتات قادرة على التأقلم مع الأضرار والتعلم باش تستمر ف الاشتغال بلا مشاكل.

الأبحاث ما زال مستمرة، ولكن الشركات الكبار بداوا كيستثمروا فيهم من دابا.  

الشي اللي كيعني خاصك تبدا تستعد للنهار اللي غادي يستغنى عليك الشاف ديالك.

المصادر: fastcompany، huffingtonpost، hubspot، nature

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
1
كيوت
هاهاها هاهاها
0
هاهاها
جيم جيم
0
جيم
أو إم دجي أو إم دجي
4
أو إم دجي
واضفّاك؟ واضفّاك؟
0
واضفّاك؟
ديسلايك ديسلايك
0
ديسلايك
لايك لايك
0
لايك

5 مهن غادي يعوضهم الذكاء الاصطناعي ف المستقبل غير البعيد

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in