5 أنواع ديال الصائمين كاينة غير ف المغرب

حيت حنا شعب استثنائي


Want create site? Find Free WordPress Themes and plugins.

رمضان اليوم فيه 13 يوم. مايقارب من 2 أسابيع ديجا دازوا. ما غاديش نسخاو بيه صراحة.

رمضان المغربي, كيما كتبنا ف بوسط سابق ماشي بحال باقي الدول. عندنا ظواهر خاصة بينا, وحتا شخصيات الصائميتن المغاربة بوحدها.

هذي لائحة ب5 أنواع ديال الصائمين المغاربة, ف آخر المقال غادي تلقا بلاصة إضافة أنواع أخرى كتشوفها جزء من رمضان المغربي.

1. المرمضن

المرمضن غالبا كيكون خدام ولا كيقرا وكيضطر يفيق بكري.

غالبا كتضربو الشمش وكيجيه العطش والقطعة, كيشوف الساعة كيلقاها يلاه العشرة.

النتيجة؟ بحيرة من اللعاب, ولا الدم أحيانا.

2. النعاس

النعاس محظوظ على المرمضن. ما عندو حتا مسؤولية نهارية تابعاه, كيفيك حتا للمغرب أو قبل منها بشي ساعة.

ايلا خرج كيخرج يتفرج ف ماتش ديال الكورة ف الدرب. كيرجع كيلقا الطابلة عامرة!

3. المتدين

المتدين غالبا كيبان لك لابس عباية بيضا وهاز سجادة فوق كتافو.

هاد النوع ف الغالب كيكون ما كيصليش طول العام. كيجي رمضان كينزل عليه الوحي وكيولي ما كيفلتش الصلوات الخمس في الجماعة!

4. مول المسلسلات

غالبا هاد النوع بنات. 50 مسلسل مصري كتتفرج فيهم كلهم, وكتقدر تتركز مع جميع الاحداث والتفاصيل بدقة عالية جدا.

كتعقل على أسماء الشخصيات ديال جميع المسلسلات. ف بعض الاحيان كتتفرج ف المسلسل ف التلفازة وكتعاود ف اليوتوب, باش تزيد تدقق التفاصيل!

5. الرياضي

العام كلو ما كيدير حتا مجهود بدني. كيجي رمضان كينوض يلبس ويخرج يجري. من حقو!

هاد النوع كتشوفو عرقان ف الشمش. السؤال هو واش ما كيجيهش العطش؟

طبعا كاين شخصيات بزاف. لذلك بغيناك تشارك معانا. أجوطي تصويرة مناسبة, عنوان (النوع ديال الصائم), وديسكربنش بسيط.

الاضافات اللي مناسبة غادي نـ Approve ـيوها 🙂

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
3
كيوت
هاهاها هاهاها
4
هاهاها
جيم جيم
2
جيم
أو إم دجي أو إم دجي
2
أو إم دجي
واضفّاك؟ واضفّاك؟
1
واضفّاك؟
ديسلايك ديسلايك
0
ديسلايك
لايك لايك
0
لايك

5 أنواع ديال الصائمين كاينة غير ف المغرب

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in