كل ما غادي تحتاج معرفتو على إكتشاف أقدم إنسان بالمغرب

من الالف للياء


Want create site? Find Free WordPress Themes and plugins.

ف منطقة قريبة من مراكش سميتها جبل إيغود‎‎, تم مؤخرا إكتشاف أقدم مستحاثة إنسان كترجع للهوموسابيين, الجنس اللي كننتميو ليه كبشر. عظام ديال 5 أفراد ماتوا ف نفس الفترة تقريبا.

العلماء لقاو كذلك الات حادة مصنوعة من الحجر عليها اثار الحرق, الشي اللي كيدل أنهم كانوا كتشفوا النار.

هاد الاكتشاف مهم بزاف علميا وخلى المغرب محط أنظار العالم كلو, لأن الامر كيتعلق بأصل النوع البشري ككل.

1. ماشي أول مستحاثة ولكن الاقدم

طبعا ماشي أول مستحاثة لاصل البشر, الهوموسابيينس, كتلقا. كاين مستحثات بزاف للـ Homo Sapiens أغلبها ف منطقة القرن الافريقي, فين كانوا العلماء كيآمنوا أن البشر الحاليين تطورا.

2. شنو الجديد أو المثير ف هاد الاكتشاف؟

الاكشتاف ما جابش شي حاجة جديدة. لكن عمر المستحاثة اللي كيرجع ل 300 ألف سنة هو الجديد والمثير.

هاد المستحاثة خلقت الضجة لأن عمرها كبير بزاف من المتوقع. قبل من الاكتشاف ديال البارح, أقدم مستحاثة,  Omo-Kibish, كانت تلقات عام 2004, وكان عمرها كيرجع لـ 195 ألف سنة.

العلماء كانوا كيظنوا, نظرا لعمر المستحثات القديمة, أن البشر تطور ف إثيوبيا فين تلقات, لأن هذيك المنطقة الوحيدة اللي كان فيها دليل على تواجد أسلاف البشر.

لكن المستحاثة المغربية خلاتهم يعاودوا التفكير.

3. شنو الفكرة الجديدة دابا؟

الفكرة الجديدة هي أن البشر تطوروا ف عدة مناطق ف إفريقيا (منها المغرب) ف نفس الوقت.

ماشي ف منطقة واحدة (إثيوبيا) ومن بعد هاجروا كيفما كان شائع من قبل.

4. شنو هو أصلا هاد الهوموسابيينس؟ واش عندو علاقة بالمثلية؟

الهومو سابيينس كلمة علمية باللاتينية معناها الانسان العارف, أو العاقل. وما عندو حتا علاقة بالمثلية الجنسية.

حسب نظرية التطور جميع الكائنات تطورت من أصل مشترك. البشر حتا هوما تطوروا من أصل مشترك مع باقي الكائنات.

النظرية عمرها ما قالت أن الانسان أصلو قرد. بل أن الانسان والقردة الحالية (الشمبانزي والبونوبو) تطوروا من نفس الاصل قبل من مئات الاف السنين.

كيفما كتبين المستاحاثات, قبل 300 ألف سنة الانسان الحالي كان ديجا بدا يتفرق على أقاربنا من الشمبانزي والبونوبو.

5. واش كان بحالنا هاد الانسان؟

آه ولا.

وجه الافراد اللي تم اكتشافهم كيشبه لديالنا, لكن شكل البلاصة اللي فيها المخ ختلف بشكل كبير, اللي كيدل انهم ما كانوش بحالنا تماما.

6. يعني سقطت نظرية التطور؟

لا ¯\_(ツ)_/¯

المصدر: NY Times, Nature

Did you find apk for android? You can find new Free Android Games and apps.

كومنطي

تعليقات


شنو ردة فعلك؟
كيوت كيوت
3
كيوت
هاهاها هاهاها
2
هاهاها
جيم جيم
7
جيم
أو إم دجي أو إم دجي
0
أو إم دجي
واضفّاك؟ واضفّاك؟
2
واضفّاك؟
ديسلايك ديسلايك
0
ديسلايك
لايك لايك
3
لايك

كل ما غادي تحتاج معرفتو على إكتشاف أقدم إنسان بالمغرب

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in