7 كلمات مراكشية ما يعرفوها غير المراكشيين الحقيقيين

تعلم اللهجة المراكشية بدون معلم!


Want create site? Find Free WordPress Themes and plugins.

7 كلمات مراكشية ما يعرفوها غير المراكشيين الحقيقيين!

مراكش من المدن السياحية المشهورة عالميا. مشهورة بالدرجة الاولى بمعمارها وجوها وحياتها الليلية.

لكن مراكش ماشي فقط هاد الشي. المراكشيين مشهورين بتقافتهم المتميزة على باقي المغرب, اللي فيها حس الدعابة والنكتة, والاهم: اللهجة الجميلة.

نتيجة لانها تحولت لميتروبول, اللهجة ولات سطوندار, وبدات داك اللهجة القديمة تختفي. بنادم تخلط.

هضرنا مع عماد الدين الغندور, المدون والسيناريست المراكشي (واللي سبقلو متل بالمناسبة ف مسلسلات مصرية مع نجوم كبار) باش يعطينا لائحة بالكلمات المحلية بزاف, واللي ما يعرفوها غير المراكشيين الحقيقيين:

1. الصابة

123rf.com

الصابة ف مراكش ديما كاينة على طول العام. لأنها ما عندها علاقة بالصابة الفلاحية كيفما ف باقي المغرب.

الصابة ف مراكش كتعني داك الزنقة الضيقة المسدودة. وايلا كنتي هارب ودخلتي ف شي صابة, ما عليك الا تدعي سبعة رجال.

2. القيعانية

القيعانية, دائما حسب عماد, هي داك الدار اللي جات ف القاع.

صراحة ما عرفناش اشمن تصويرة نستعملو, لذلك تخيلوها من راسكم.

3. مشكودرة

Expedia.com

ما تخافش, المشكودرة ماشي وحش. لا, المشكودرة هي الدار اللي عوجة.

4. آعگمي

amazinginteriordesign.com

شنو هي مراكش بلا موتورات؟ الموتور جزء مهم من التقافة المراكشية. حسب الاسطورة (أو الستيريوتايب), كل مراكشي عندو ف دارو موتور.

البلاصة اللي كتكون حدا الباب بجنب الدروج وكيديروا فيها الموتور هي آعگمي. كتكون صغيرة وضيقة وملي كتدخل لاي دار مغربية كتدوز منها.

5. عوينتي

www.alamy.com

عوينتي ما عندها علاقة بالعين ديال الما ولا العين ديال الشوف.

عوينتي بالمراكشية هي العمة. عوينتي الفلانية هي عمتي الفلانية. أصل التسمية غير معروف.

6. رباز

www.choumicha.ma

رباز ما عندو علاقة بالرابوز. رباز أكلة كيسميوها المغاربة التريد. ف مراكش ما كياكلوش التريد, كياكلو رباز.

7. لعلف

healthyfoodhouse.com

بحال الصابة, العلف ف مراكش, حسب عماد, ماشي هو العلف ديال باقي المغرب واللي كنوكلوه للحيوانات. العلف ف مراكش كيعني العظم ديال التمرة. داك الجسم الصلب اللي ف وسط التمرة.

الاسم يمكن جا حيت كان كيتستعمل ف العلف.

نتا مراكشي وهاد الشي جاك ناقص؟ فيه مغالطات؟ ايوا بيناك آ العزّاوي تصحح لنا وتزيدنا من عندك ف الكومنتّيرات!

Did you find apk for android? You can find new Free Android Games and apps.

كومنطي

تعليقات

شنو ردة فعلك؟
كيوت كيوت
5
كيوت
هاهاها هاهاها
4
هاهاها
جيم جيم
2
جيم
أو إم دجي أو إم دجي
4
أو إم دجي
واضفّاك؟ واضفّاك؟
3
واضفّاك؟
ديسلايك ديسلايك
3
ديسلايك
لايك لايك
11
لايك

7 كلمات مراكشية ما يعرفوها غير المراكشيين الحقيقيين

log in

Become a part of our community!
ما عندكش كونط؟
sign up

reset password

الرجوع لـ
log in

sign up

Join BoomBox Community

الرجوع لـ
log in